Nǔnywɛ́xó 3:3 - MAWUXÓWÉMA

³ Ma gɔn xomɛ nyɔ́ gbeɖé ó, ma gɔn gbejí nɔ gbeɖé ó; sin yě dó kɔ kɔjɛ́ ɖɔhun, wlǎn yě dó ayi towe mɛ.

Nǔnywɛ́xó 3:3 Iomraidhean Croise

2 Samuwɛ́li 15:20

A wǎ gɔ̌n ce din ɔ́, é lín ǎ, bɔ égbé din ɔ́, un ná kplá we bɔ a nǎ jɛ flúflú xá mǐ jí yi ɖisí amyɔ. Nyi lɔ ɖíe ma ko tunwun fí e un xwe é ǎ e. Kplá nɔví towe lɛ́ɛ, bónú hwi kpó yě kpó lɛ́ kɔ. Mawu Mavɔmavɔ ní nyɔ́ xomɛ dó wǔ we, bó nɔ gbejí nú we.”

Ɖɛhan 119:11

Un hɛn nǔ e a ɖɔ lɛ́ɛ ayi mɛ, bó ma wá hu hwɛ dó we ó.

Ɖɛhan 25:10

Ali e Mawu Mavɔmavɔ nɔ xlɛ́ mɛ lɛ́ɛ ɔ́, bǐ wɛ nɔ́ ɖe xomɛnyínyɔ́ tɔn kpó gbejíninɔ tɔn kpó xlɛ́ mɛ e ɖo gbejí nú akɔ e é jɛ xá yě lɛ́ɛ.

Ɖɛhan 85:10

Nǔgbó ɔ́, mɛ e nɔ sí Mawu lɛ́ɛ ɔ́, hwlɛngán tɔn ko sɛ yá yě, bónú susu tɔn ná nɔ to mǐtɔn mɛ.

Tíntɔ́n 13:9

Xwe ɔ́ ná cí wuntun ɖé ɖɔhun nú mi ɖo awa mitɔn lɛ́ɛ wú, bó ná nyí flǐn ɖé sín wuntun nú mi ɖo nukɔn mitɔn, bónú mi ná jlá nǔ e Mawu Mavɔmavɔ kplɔ́n mi é. Đó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ sixú nɔ te ɖo hlɔ̌nhlɔ́n tɔn nukɔn ǎ.

Tíntɔ́n 34:6

Mawu Mavɔmavɔ nɔ gbɔn Mɔyízi nukɔn, bó nɔ́ ɖɔ: “Un nyí Mawu Mavɔmavɔ, un nyí Mawu nǔbláwǔkúnúmɛtɔ́, Mawu xomɛfátɔ́, un nɔ yá wǔ sin xomɛ ǎ, un nyí Mawu xomɛnyɔ́tɔ́, un nyí Mawu gbejínɔtɔ́.

Nǔnywɛ́xó 1:9

Đó jɛ̌gbákún wɛ nǔ énɛ́ lɛ́ɛ nyí ɖo ta nú we, jɛ̌ wɛ yě nyí ɖo kɔ nú we.

Nǔnywɛ́xó 14:22

Gbɛtɔ́ e ɖó ayi nyanya ɔ́, ali wɛ é nɔ́ bú; mɛ e ka ɖó linlin ɖagbe ɔ́, è nɔ nyɔ́ xomɛ dó wǔ tɔn, è nɔ nɔ gbejí n'i.

Nǔnywɛ́xó 16:6

Mɛ e nyɔ́ xomɛ bó ɖo gbejí ɔ́, è nɔ sɔ́ hwɛ kɛ ɛ; mɛ e nɔ ɖó sísí nú Mawu Mavɔmavɔ ɔ́ nɔ́ hɔn nú hwɛhuhu.

Nǔnywɛ́xó 20:28

Xomɛnyínyɔ́ kpó gbejíninɔ kpó wɛ nɔ́ hɛn axɔ́sú ɖó zinkpo jí; xomɛnyínyɔ́ wɛ nɔ sɔ́ acɛkpikpa tɔn jínjɔ́n ayǐ.

Nǔnywɛ́xó 6:21

Hɛn nǔ énɛ́ lɛ́ɛ dó ayi mɛ hwebǐnu; fɔ yě dó kɔ kɔjɛ́ ɖɔhun.

Nǔnywɛ́xó 7:3

Yě ní nyí alɔkɛ́, bó nɔ alɔ nú we; wlǎn yě dó ayi towe mɛ.

Jelemíi 17:1

Mawu ɖɔ: “Hwɛ e Judáa togun ɔ́ hu ɔ́ cí nǔwlánwlán e è zě ganswe abǐ diamáaswe dó kun dó nǔ mɛ ɔ́ ɖɔhun. È wlǎn dó ayi yětɔn mɛ; è wlán dó vɔ̌sákpe yětɔn lɛ́ɛ sín zwe lɛ́ɛ mɛ.

Ozée 4:1

Mawu Mavɔmavɔ ɖo hwɛ dó mɛ e ɖo to ɔ́ mɛ lɛ́ɛ wɛ. Izlayɛ́li ví lɛ́ɛ mi, mi bo ɖótó xó e Mawu Mavɔmavɔ ɖɔ é; é ɖɔ: “Gbejínɔtɔ́ ɖě sɔ́ ɖo to ɔ́ mɛ ǎ, xomɛnyɔ́tɔ́ ɖě sɔ́ ɖo to ɔ́ mɛ ǎ, mɛɖé ká sɔ́ tunwun nyɛ Mawu ɖo to ɔ́ mɛ ǎ.

Malacíi 2:6

Nǔgbó ɖo nu tɔn. Xó nyanya ɖé nɔ́ tɔ́n sín nu tɔn mɛ ǎ. É ɖó gbe kpɔ́ xá mì bó nɔ́ wa nǔ jlɔ́jlɔ́. É ɖe mɛ gěgé sín nǔ nyanya wiwa li jí.

Matíe 23:23

“Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó, yɛmɛnúwatɔ́ e mi! Mi nɔ ná mǎɖówǒ nǔhwɛ́nkún mitɔn lɛ́ɛ tɔn Mawu, bó ka nɔ jó nǔ e ɖo tají ɖo Mawusɛ́n mɛ lɛ́ɛ dó. Yě wɛ nyí: Hwɛjijɔ, nǔbláwǔkúnúmɛ, gbejíninɔ; nǔ énɛ́ lɛ́ɛ wɛ ɖo tají bɔ mi ɖó ná bló; amɔ̌, mi ɖó ná dó vɛ̌ nú nǔɖé lɛ́ɛ lɔmɔ̌ ǎ.

2 Kɔlɛ́ntinu 3:3

Nǔgbó wɛ! É ɖo wɛn ɖɔ wěma ɖé wɛ mi nyí, bɔ Klísu wlán, bɔ mǐdɛɛ lɛ́ɛ nɔ sɔ́ jó. É nyí kwélesin wɛ è dǒ wlán wěma ɔ́ ná ǎ; lo ɔ́, Yɛ Mawu gbɛɖe ɔ́ tɔn wɛ è dǒ wlán ná; é nyí awǐnnyatɛ jí wɛ è wlǎn ɖó ǎ; lo ɔ́, gbɛtɔ́ lɛ́ɛ sín ayi mɛ wɛ è wlǎn dó .

Efɛ́zinu 5:9

Wěziza wɛ nɔ zɔ́n, bɔ è nɔ wa nǔ ɖagbe; è nɔ wa nǔ jlɔ́jlɔ́ bó nɔ́ ɖɔ nǔgbó.

Sɛ́nflínmɛ 6:8

A nǎ blá xó énɛ́ lɛ́ɛ dó awa, abǐ nukɔn, bó má wá wɔn ó.

Eblée 10:16

“Aklúnɔ ɖɔ: ‘Akɔ e ná jɛ xá yě wɛ un ɖe ɖo azǎn énɛ́ lɛ́ɛ gúdo ɔ́ ɖíe: un ná sɔ́ sɛ́n ce lɛ́ɛ dó ayi mɛ nú yě; un ná wlán yě dó ta yětɔn mɛ.’ ”