Nǔnywɛ́xó 3:2 - MAWUXÓWÉMA

² Đó yě wɛ ná dó azǎn azǎn jí nú we, bó dó xwe xwe jí nú we; yě ná zɔ́n bɔ nǔ ná nyɔ́ nú we.

Nǔnywɛ́xó 3:2 Iomraidhean Croise

1 Axɔ́sú 3:14

Nú a nɔ wa jlǒ ce, bó nɔ nyi sɛ́n ce lɛ́ɛ, lobo nɔ bló nǔ e un zɔ́n lɛ́ɛ tɔ́ towe Davídi ɖɔhun ɔ́, un ná dó azǎn gbɛzán towe jí.”

Jɔ̌bu 5:26

A nǎ kpo kújɛ́kújɛ́, hlɔ̌nhlɔ́n ká ná kpo ɖo wǔ we káká yi kúzán gbe towe, hlɔ̌nhlɔ́n ná kpo ɖo wǔ we, lě e jinukún nɔ́ myá, bó nɔ́ kpo ɖo ganjí káká jɛ yiya hwenu gbɔn é.

Ɖɛhan 119:165

Sɛ́n towe ɔ́, mɛ e yí wǎn ná lɛ́ɛ ɔ́, fífá ɖaxó ɖé wɛ yě ɖó; afɔklɛ́nnú ɖěbǔ ɖe nú yě ǎ.

Ɖɛhan 128:6

A nǎ lɛ́ mɔ vǐ towe ví lɛ́ɛ. Mawu ní ná fífá Izlayɛ́li!

Ɖɛhan 21:4

ɖó nyɔ̌ná ɖagbe ɖagbe sín agban wɛ a nɔ dó wá n'i. A xwe siká akú gbákún n'i.

Ɖɛhan 91:16

Un ná dó azǎn azǎn jí n'i bɔ é ná dɔ́ ji. Un ná ɖe xlɛ́ ɛ ɖɔ nyi wɛ nɔ hwlɛ́n ɛ gán.”

Nǔnywɛ́xó 10:27

Sísí ɖó nú Mawu Mavɔmavɔ nɔ dó azǎn azǎn jí nú mɛ; mɛdídá lɛ́ɛ ká nɔ́ wɛ́n kú.

Nǔnywɛ́xó 16:31

Hwa e nɔ wú ɖo ta ɔ́, jɛ̌gbákún ɖagbe ɖagbe wɛ; mɛ e nɔ wa nǔ jlɔ́jlɔ́ lɛ́ɛ ta wɛ è nɔ mɔ ɖe.

Nǔnywɛ́xó 4:10

Vǐ ce, ɖǒtó mì, se xó ce lɛ́ɛ; énɛ́ ɔ́, xwe ná jɛ xwe jí nú we.

Nǔnywɛ́xó 4:4

é nɔ́ ɖɔ: “Hɛn xó ce lɛ́ɛ ayi mɛ, xwedó nǔ e un ɖɔ nú we lɛ́ɛ; énɛ́ ɔ́, a nǎ nɔ gbɛ.

Nǔnywɛ́xó 9:11

Đó nyɛ nǔnywɛ́ ɔ́, nyi wɛ ná dó azǎn azǎn jí nú we, un ná dó xwe xwe jí nú we.

Ezayíi 32:17

Hwɛjijɔ ná hɛn fífá wá; é ná ná mɛ ayi jɛ ayǐ kpó jiɖiɖe kpó káká sɔ́yi.

Hlɔ̌manu 14:17

Đó axɔ́súɖuɖu Mawu tɔn nyí nǔɖuɖu kpó ahan kpó sín xó ɖé ǎ; hwɛjijɔ kpódó fífá kpó, kpódó awǎjijɛ e Yɛsinsɛn nɔ ná mɛ ɔ́ kpó sín xó wɛ.

Hlɔ̌manu 15:13

Mawu e gɔ́n nukúnɖíɖó nɔ gosín ɔ́, ní bló bónú awǎjijɛ e nǔ bǐ vɔ ɖ'é wú ɔ́ kpódó fífá e nǔ bǐ vɔ ɖ'é wú ɔ́ kpó ní gɔ́ ayi mɛ nú mi gbɔn nǔɖiɖi e mi ɖó n'i ɔ́ jí, bónú nukúnɖíɖó mitɔn ná túnflá gbɔn Yɛsinsɛn sín hlɔ̌nhlɔ́n jí.

Hlɔ̌manu 5:1

Hǔn, ée Mawu sɔ́ mǐ dó húzú hwɛjijɔnɔ gbɔn nǔɖiɖi gbla mɛ ɔ́, fífá ɖo mǐ kpo Mawu kpo tɛ́ntin, gbɔn Aklúnɔ mǐtɔn Jezu Klísu sín nǔwiwa lɛ́ɛ gbla mɛ.

Sɛ́nflínmɛ 11:21

Énɛ́ ɔ́, nú jǐnukúnsin ɖo aga bɔ ayǐkúngban ɖo do jɛ́n wɛ ɔ́, mi kpó vǐ mitɔn lɛ́ɛ kpó ná dɔ́ ji ɖo to e Mawu Mavɔmavɔ zin alɔ dó akɔ́n ɖɔ émí ná ná tɔ́gbó mitɔn lɛ́ɛ é mɛ.

Sɛ́nflínmɛ 5:32

Mɔyízi sú ta nú xó tɔn bó ɖɔ: “Mi ná wlíbo nú nǔ e Mawu Mavɔmavɔ, Mawu mitɔn ɖɔ é ganjí bó ná bló. Mi ná zɛ dó aɖisí ǎ, mi ka ná zɛ dó amyɔ ǎ.

1 Timɔtée 4:8

Agbaza mɛ gándídó ɔ́, nǔ ɖagbe wɛ; amɔ̌ nǔ kpɛɖé jɛ́n wɛ é nyɔ́ ná; ayi mɛ gándídó ɔ́ ka nyɔ́ nú nǔ lɛ́ɛ bǐ, ɖó é dó akpá nú mi ɖɔ mi ná mɔ gbɛ din tɔn, kpódó ée ja ɔ́ kpó.