Nǔnywɛ́xó 26:2 - MAWUXÓWÉMA

² Mɛ e nɔ yǎyá kpowun bó dó nu mɛ ɔ́, xó wɛ é ɖɔ dó jɔhɔn mɛ; nudómɛ énɛ́ cí xɛ ɖo jɔhɔn mɛ ɖɔhun; é cí azɔnxɛ e ɖo yiyi wɛ kpowun ɔ́ ɖɔhun.

Nǔnywɛ́xó 26:2 Iomraidhean Croise

2 Samuwɛ́li 16:12

Afɔ nyɔ́ ɔ́, Mawu Mavɔmavɔ sixú nyi kɔ kpɔ́n wǔvɛ́ e mɔ wɛ un ɖe ɔ́, bó ná zé nu e dó mì wɛ é ɖe égbé din lɛ́ɛ dó húzú ɖagbe nú mì.”

2 Samuwɛ́li 16:8

Mawu Mavɔmavɔ ɖo tó dɔn nú we wɛ ɖó Sawúlu sín mɛ e a hu lɛ́ɛ bǐ tamɛ. Axɔ́súɖuɖu Sawúlu tɔn ɔ́ nyí towe ǎ, bɔ a klá jɛ nu. Énɛ́ ɔ́ wú wɛ Mawu Mavɔmavɔ yí axɔ́súɖuɖu ɔ́ jó nú vǐ towe Abusalɔ́mu. Hwi ɖíe gbɛ towe wá blá wǔ bǐ é; nǔ e jɛ xá we ɔ́ nɛ́, ɖó mɛhutɔ́ wɛ nú we.”

Nɛɛmíi 13:2

Đó ɖ'ayǐ xóxó ɔ́, yě hɛn nǔɖuɖu kpó sin kpó wá nú Izlayɛ́li ví lɛ́ɛ ǎ, bó ká lɛ́ ná nǔ Baláamu ɖɔ é ní dó nu Izlayɛ́li ví lɛ́ɛ. Lo ɔ́, Mawu sɔ́ nudómɛ énɛ́ ɔ́ dó húzú nyɔ̌ná nú Izlayɛ́li ví lɛ́ɛ.

Ɖɛhan 109:28

Nu wɛ yědɛɛ lɛ́ɛ nɔ́ dó mɛ, hwɛ ka nɔ xo ɖɛ dó mɛ jí. Nú yě sí te dó jǐ ce ɔ́, yě ná ɖu winnyá, bɔ nyɛ mɛsɛntɔ́ towe ná j'awǎ.

Nǔnywɛ́xó 27:8

Mɛ e ɖo zɔ nú to tɔn bo ɖo flúflú wɛ ɔ́ cí xɛ e jó adɔ̌ tɔn dó bó ɖo flúflú wɛ ɔ́ ɖɔhun.

Ezayíi 16:2

Mɔwabu nyɔ̌nu lɛ́ɛ ɖo flúflú wɛ xɛ e è nya sín adɔ̌ mɛ é ɖɔhun; yě ɖo flúflú wɛ ɖo fí e è nɔ zɔn afɔ gbɔn Aanɔ́ni tɔ ɔ́ mɛ ɖe é.

Kɛ́nsísɔ́ 23:8

Nɛ̌ un ka ná dó nu mɛ e Mawu má dó nu ǎ é gbɔn? Mawu Mavɔmavɔ gblɔ́n adǎn nú Izlayɛ́li ǎ, bɔ nyɛ ka ná gblɔ́n adǎn n'i a?

1 Samuwɛ́li 17:43

Nya ɔ́ kanbyɔ́ Davídi ɖɔ cukú wɛ émí ká nyí bɔ é ja émí gɔ́n bó hɛn kpo a jí. Ée é ɖɔ mɔ̌ ɔ́, é ɖó vodún Davídi.