Nǔnywɛ́xó 12:3 - MAWUXÓWÉMA

³ Dǎkaxixo wɛ nɔ́ zɔ́n bɔ è nɔ lí dǒ ǎ; lo ɔ́, nǔ wa ɖó sɛ́nxwi jí wɛ nɔ́ zɔ́n bɔ è nɔ dó ɖɔ do.

Nǔnywɛ́xó 12:3 Iomraidhean Croise

Jɔ̌bu 15:29

Yě sɔ́ ná jɛ dɔkun ǎ; dɔkun e yě ɖǒ ɔ́ sɔ́ ná nɔ ayǐ káká sɔ́yi ǎ; nǔɖé sɔ́ ná yi nú yě ɖo ayǐkúngban ɔ́ jí ǎ.

Ɖɛhan 15:5

É nɔ sa akwɛ́ ǎ. É nɔ́ ɖu nǔ ɖo nǔ mɛ dó táfú xomɛvɔ́nɔ ǎ. Mɛ e nɔ wa nǔ gbɔn mɔ̌ ɔ́ ná jɛ ayǐ gbeɖé ǎ.

Nǔnywɛ́xó 10:25

Jɔhɔn ɖaxó nyi ɔ́, è nɔ ba mɛdídá kpo; hwɛjijɔnɔ ka nɔ́ dó ɖɔ do, bo nɔ ɖo te tɛgbɛ.

Nǔnywɛ́xó 11:5

Nǔjlɔ́jlɔ́wiwa gbejínɔtɔ́ tɔn wɛ nɔ bló ali tɔn ɖó; amɔ̌, mɛdídá ɔ́, dǎka e é nɔ́ xo ɔ́ wɛ nɔ́ zin i dɛ́.

Nǔnywɛ́xó 12:12

Mɛdídá ɔ́, nukún tɔn nɔ́ ɖo nǔ e mɛdídá lɛ́ɛ ɖó ɔ́ wú; mɛ e ka nɔ wa nǔ ɖó sɛ́nxwi jí ɔ́ sín ɖɔ nɔ ná nǔ ɖagbe.

Nǔnywɛ́tɔ́xó 8:8

Mɛ ɖé kpa acɛ nú funfún e ɖo xo tɔn mɛ é ǎ, mɛɖé sixú hɛn funfún ɖó te ǎ. Mɛ ɖé ɖó acɛ dó kúzán tɔn jí ǎ. Kú ɔ́, ahwan ɖé wɛ, mɛɖé sixú gán ɖ'é mɛ ǎ; dǎkaxixo ná hwlɛ́n mɛ e nɔ xo dǎka ɔ́ gán ɖo ahwan énɛ́ ɔ́ mɛ ǎ.

Efɛ́zinu 3:17

Un nɔ byɔ́ ɛ ɖɔ Klísu ní nɔ ayi mitɔn mɛ gbɔn nǔ e mi ɖi n'i é gbla mɛ. Un nɔ byɔ́ ɛ ɖɔ mi ní dó ɖɔ do, bó lí dǒ ɖo wǎn yíyí mɛ.

Kolósinu 2:7

Mi dó ɖɔ do ɖo Klísu mɛ; gbɛ mitɔn bǐ ní nɔ alɔ tɔn mɛ; mi ní nɔ syɛ́nlǐn ɖo nǔɖiɖi mɛ hwebǐnu lě e è kplɔ́n mi gbɔn é, bó nɔ tunwun nǔ e Mawu nɔ wa nú mi ɔ́ n'i.

1 Samuwɛ́li 25:33

Un dó kú nú hwi lɔmɔ̌; hwi mɛ e ɖó nǔnywɛ́, bó hɛn mì ɖó te, bɔ un ma kɔn hun kɔn nyi ayǐ dó ba hwɛjijɔ nú nyɛɖée ǎ é.