Nǔnywɛ́xó 10:6 - MAWUXÓWÉMA

⁶ Mɛ e nɔ wa nǔ ɖó sɛ́nxwi jí ɔ́, nyɔ̌ná ɖɛ wɛ ɖo jǐ tɔn. Mɛdídá lɛ́ɛ ɔ́, a ka fɛ kpɔ́n xó yětɔn glɔ́ ɔ́, a nǎ mɔ dǎka.

Nǔnywɛ́xó 10:6 Iomraidhean Croise

Ɛsitɛ́ɛ 7:8

Ée axɔ́sú ɔ́ lɛ́ kɔ sín dɔ̌n wá agɔ̌ ɔ́ tɛnmɛ ɔ́, é mɔ Hamáa ɖo zan e jí axɔ́si Ɛsitɛ́ɛ mlɔ́ ɔ́ bó ɖɔ: “Kan ná hwlɛ́n xá axɔ́si ɔ́ wɛ é ká ɖe ɖo xwé ce gbe ɖo nukún ce mɛ fí a?” Ée axɔ́sú ɔ́ ɖɔ xó énɛ́ ɔ́ tlóló ɔ́, è cyɔ́n avɔ nukún mɛ nú Hamáa, bó dó ɖe xlɛ́ ɛ ɖɔ è nǎ hu i.

Jɔ̌bu 29:13

Mɛ e ɖo nǎ kú wɛ lɛ́ɛ nɔ́ xo ɖɛ dó jǐ ce; un nɔ hun alɔ bó nɔ́ ná nǔ asúkúsi lɛ́ɛ bɔ xomɛ nɔ hun yě.

Ɖɛhan 107:42

Ayijlɔ́jlɔ́nɔ lɛ́ɛ nɔ́ mɔ nǔ e jɛ é, bó nɔ́ j'awǎ. Lo ɔ́, nǔnyanyawatɔ́ lɛ́ɛ sín nu nɔ yi xɔ.

Nǔnywɛ́xó 10:11

Gbɛtɔ́ hwɛjijɔnɔ sín xó lɛ́ɛ ɔ́, gbɛjɔtɛn wɛ é nyí nú mɛ. Mɛdídá lɛ́ɛ ɔ́, a fɛ kpɔ́n xó yětɔn glɔ́ ɔ́, a nǎ mɔ dǎka.

Nǔnywɛ́xó 10:5

Mɛ e nɔ kplé jinukún dó agɔ̌ mɛ ji yiya hwenu ɔ́, vǐ bǐbí nɛ́. Mɛ e ka nɔ dɔ́ amlɔ ji yiya hwenu ɔ́, vǐ e nɔ dó winnyá mɛ é nɛ́.

Nǔnywɛ́xó 11:26

Mɛ e nɔ kplé jinukún dó agɔ̌ mɛ, bó nɔ́ gbɛ́ sisa ɔ́, to wɛ nɔ dó nu i; mɛ e ka nɔ sa ɔ́, to nɔ xo ɖɛ n'i.

Nǔnywɛ́xó 24:25

Amɔ̌, hwɛɖɔtɔ́ e nɔ́ ɖó hwɛ nú mɛ e kú hwɛ lɛ́ɛ ɔ́, hwɛɖɔtɔ́ énɛ́ lɛ́ɛ nɔ́ mɔ fífá; acɛ nɔ kɔn dó yě jí, nǔ nɔ́ nyɔ́ nú yě.

Nǔnywɛ́xó 28:20

Gbɛtɔ́ e ná ɖɔ xó bɔ è nǎ ɖeji dó wǔ tɔn ɔ́, è nǎ xo nyɔ̌ná ɖɛ dó jǐ tɔn ɖě jɛ ɖě jí; amɔ̌, mɛ e jló ná jɛ dɔkun zogbe ɔ́, è nǎ gɔn tó dɔn n'i ǎ.

Nǔnywɛ́xó 3:33

Nu wɛ Mawu Mavɔmavɔ nɔ dó mɛdídá lɛ́ɛ sín xwédo, bó ká nɔ xo ɖɛ dó mɛ e nɔ wa nǔ jlɔ́jlɔ́ lɛ́ɛ sín xwédo jí.

Ezayíi 3:10

Mi hɛn ɔ́, mi ná ɖɔ: nǔ bǐ nɔ́ yi linsinlinsin nú nǔjlɔ́jlɔ́watɔ́ lɛ́ɛ. Nǔ e yě wa ɔ́, yě nɔ́ ɖu.

Abudiyási 1:10

“Edɔ́mu, a nǎ ɖu winnyá bɔ é ná vɛ́ jlɛ́. È nǎ vívá kún towe bǐ sésé, ɖó adǎka e a xo nɔví towe Jakɔ́bu ví lɛ́ɛ wú é wútu.

Hlɔ̌manu 3:19

Mǐ ka tunwun ɖɔ nǔ e ɖɔ wɛ sɛ́n lɛ́ɛ ɖe ɔ́ bǐ ɔ́, mɛ e ɖo sɛ́n lɛ́ɛ glɔ́ lɛ́ɛ ɖɔ ná wɛ yě ɖe, bónú è nǎ xwe nu yětɔn dó xɔ, bónú Mawu ná ɖɔ hwɛ xá gbɛtɔ́ e ɖo gbɛ ɔ́ mɛ lɛ́ɛ bǐ.

Sɛ́nflínmɛ 28:2

Đɛ e Mawu Mavɔmavɔ, Mawu mitɔn xo dó mi jí bɔ mi se tónú n'i ɔ́, é ná nyí ɖagbe nú mi lɛ́ɛ ɖíe: