Nǔnywɛ́xó 10:4 - MAWUXÓWÉMA

⁴ Fɔnlín ɔ́, ya wɛ é nɔ́ dó mɛ; kan ván bó wa nǔ ká nɔ́ dó dɔkun nú mɛ.

Nǔnywɛ́xó 10:4 Iomraidhean Croise

Bǐbɛ́mɛ 26:32

Gbe énɛ́ ɔ́ gbe ɖokpó ɔ́, mɛsɛntɔ́ Izáki tɔn lɛ́ɛ wá ɖɔ tɔ e kun wɛ yě ɖe ɔ́ sín xó n'i ɖɔ: “Mǐ mɔ sin”.

Nǔnywɛ́xó 10:5

Mɛ e nɔ kplé jinukún dó agɔ̌ mɛ ji yiya hwenu ɔ́, vǐ bǐbí nɛ́. Mɛ e ka nɔ dɔ́ amlɔ ji yiya hwenu ɔ́, vǐ e nɔ dó winnyá mɛ é nɛ́.

Nǔnywɛ́xó 11:24

Mɛ e nɔ hun alɔ bó nɔ́ ná nǔ mɛ ɔ́ nɔ́ jɛ dɔkun dó dɔkun jí; mɛ e ka nɔ sɛ nǔ xwe zɛ xwé wú ɔ́, ya wɛ é nɔ́ ji.

Nǔnywɛ́xó 12:24

Mɛ e nɔ ɖó kan dó nǔ wú bó nɔ́ wa ɔ́ nɔ́ wá nɔ mɛ nu; lo ɔ́, fɔnlínnɔ ɔ́, mɛ kannu wɛ é nɔ́ wá nɔ.

Nǔnywɛ́xó 12:27

Fɔnlínnɔ nɔ ɖó lan agba ǎ; azɔ̌ wɛ ká nyí gbɛtɔ́.

Nǔnywɛ́xó 13:4

Nǔɖé jló fɔnlínnɔ ɔ́, mɛ jɛ́n é nɔ́ mɛ dó wǔ tɔn; nǔɖé ká jló mɛ e yí wǎn nú azɔ̌ ɔ́, é nɔ́ mɔ.

Nǔnywɛ́xó 18:9

Mɛ e nɔ dó vɛ̌ nú azɔ̌ é ɖésúnɔ tɔn ɔ́, kpó mɛ e nɔ hɛn azɔ̌ é ɖésúnɔ tɔn gblé ɔ́ kpó ɔ́, nɔví nɔví wɛ yě nyí.

Nǔnywɛ́xó 19:15

Fɔnlín ɔ́, amlɔ wɛ é nɔ́ zɔ́n mɛ hwebǐnu; mɛ e ma nɔ wa nǔɖé ǎ ɔ́, xovɛ́ wɛ é nɔ́ nɔ.

Nǔnywɛ́xó 19:24

Fɔnlínnɔ zé alɔ dó nǔɖuká mɛ ɔ́, nu sɔ́ yi tɔn nɔ́ nyí azɔ̌ n'i.

Nǔnywɛ́xó 20:13

Ma yí wǎn nú amlɔ ó, a táá wá ji ya; nukún towe ní nɔ́ ɖo te ganjí; énɛ́ ɔ́, a nǎ mɔ nǔ ɖu bó gɔ́ xo.

Nǔnywɛ́xó 20:4

Fɔnlínnɔ nɔ́ sí avuvɔ bó nɔ́ gɔn gle lɛ, é ká su nǔkún-yiya hwenu ɔ́, é nɔ́ ba ná ya nǔkún; é ká nɔ́ mɔ nǔɖé ǎ.

Nǔnywɛ́xó 21:5

Mɛ e nɔ kú hǔn bó nɔ́ to nǔ e wa gbé é ja ɔ́, nɔ́ mɔ nǔ gěgé ɖ'é mɛ; mɛ e ka nɔ zɔn nǔ jí bó nɔ́ bló ɔ́, nɔ́ byɔ́ ya mɛ.

Nǔnywɛ́tɔ́xó 10:18

Mɛ e ɖi fɔnlín dín ɔ́, xɔ tɔn nɔ wán zɔn mɛ. Mɛ e nɔ dó vɛ̌ nú nǔ ɔ́, xɔ tɔn nɔ kun sin.

Jǎan 6:27

Mi ma nɔ jɛ tagba dó nǔɖuɖu e nɔ gblé ɔ́ tamɛ ó; lo ɔ́, mi ní nɔ jɛ tagba dó nǔɖuɖu e nɔ́ nɔ ayǐ sɔ́yi gbɛ mavɔ mavɔ é tamɛ. Nǔɖuɖu énɛ́ ɔ́, Gbɛtɔ́ví ɔ́ wɛ ná ná mi, ɖó Mawu Tɔ́ ɔ́ ná acɛ tɔn ɛ.”

1 Kɔlɛ́ntinu 15:58

Énɛ́ ɔ́, nɔví ce vívɛ́ná lɛ́ɛ mi, mi syɛ́nlǐn, bó lí dǒ, lobo nɔ ɖo bǐbí dó Aklúnɔ sín azɔ̌ ɔ́ wú d'é jí wɛ ayǐhɔ́ngbe ayǐhɔ́ngbe; ɖó mi tunwun ɖɔ azɔ̌ e wa wɛ mi ɖe ɖo bǔ e mi ɖe xá Aklúnɔ mɛ ɔ́ kún ná gú mi ó.