Nǔnywɛ́xó 10:2 - MAWUXÓWÉMA

² Dɔkun e è jɛ dó acɛ jí ɔ́, è nɔ ɖu ǎ; amɔ̌, walɔ ɖagbe nɔ hwlɛ́n mɛ ɖo kú sí.

Nǔnywɛ́xó 10:2 Iomraidhean Croise

Nǔnywɛ́xó 11:4

Hwɛɖɔzán gbe su ɔ́, dɔkun nɔ gɔ́ alɔ nú mɛ ǎ, nǔ wa ɖó sɛ́nxwi jí kɛ́ɖɛ́ jɛ́n nɔ́ hwlɛ́n mɛ ɖo kú sí.

Nǔnywɛ́xó 12:28

Hwɛjijɔ li jí wɛ è nɔ mɔ gbɛ ɖe; mɛ e mlɛ́ ali énɛ́ ɔ́ nɔ́ kú ǎ.

Nǔnywɛ́xó 13:11

Mɛ e nɔ jɛ dɔkun ma xo kan ɔ́, dɔkun tɔn ɔ́ gba wɛ é nɔ́ gbadó; mɛ e ka nɔ jɛ dɔkun tɔn kpɛɖé kpɛɖé ɔ́, dɔkun tɔn nɔ ɖo jijɛ jí wɛ.

Nǔnywɛ́xó 21:6

Mɛ e nɔ ɖó adingban dó jɛ dɔkun lɛ́ɛ ɔ́, kú hwlɛ́n dó wɛ yě ɖe; dɔkun e yě nɔ́ jɛ lɛ́ɛ nɔ́ nyí nǔ tí ǎ; bǐ wɛ nɔ́ gbadó azizɔ ɖɔhun.

Ezekiyɛ́li 7:19

Yě ná fúnfún kpatágan yětɔn gbɔn ali jí ali jí. Yě ná sɔ́ siká yětɔn dó mɔ zunkɔ́. Xomɛsin Mawu Mavɔmavɔ tɔn sín azǎn gbe ɔ́, kpatágan yětɔn kpó siká yětɔn kpó sixú hwlɛ́n yě gan ǎ. Yě ná ba nǔ e yě ná ɖu bó gɔ́ xo ɔ́ kpo; yě ná ba nǔ e ná ná vivo lǐndɔ̌n yětɔn ɔ́ kpo, ɖó kpatágan kpó siká kpó wɛ dɔn yě dó hwɛ mɛ.

Daniyɛ́li 4:27

lobo sú xó bó ɖɔ: “Kpɔ́n Babilɔ́nu to ɖaxó e un gbá, bó sɔ́ dó bló hɔnmɛ ná é! É xlɛ́ lě e un syɛ́n gbɔn é, é xlɛ́ lě e acɛkpikpa ce xɔ susu gbɔn é.”

Sofoníi 1:18

Azǎn e gbe Mawu Mavɔmavɔ ná ɖo xomɛsin jí é ɔ́, kpatágan yětɔn sixú hwlɛ́n yě gán ǎ, siká yětɔn ká sixú hwlɛ́n yě gán ǎ. Wǔhwan Mawu Mavɔmavɔ tɔn ná sɛ́ myɔ ɖɔhun, bó ná dó to ɔ́ bǐ zo, bó ná vívá gbɛtɔ́ e ɖo to ɔ́ mɛ lɛ́ɛ bǐ sín kún; é ná vívá bɔ é ná vɛ́ jlɛ́.

Hlɔ̌manu 2:5

A ka tlí tó; a ɖo gbesisɔ mɛ bó ná lɛ́ kɔ sín hwɛ towe lɛ́ɛ gúdo ǎ; énɛ́ wútu wɛ a ɖo tó dɔn nú mɛ ɖaxó ɖé sín nǔ sɔ́ ɖ'ayǐ nú hwiɖée wɛ nú gbe e gbe Mawu ná ɖe xomɛsin tɔn kpó hwɛjlɔ́jlɔ́ ɖiɖɔ tɔn kpó xlɛ́ é.

Hlɔ̌manu 5:21

Hǔn énɛ́ ɔ́ wú wɛ lě e hwɛhuhu ko ɖu axɔ́sú gbɔn kú jí ɔ́, mɔ̌ ɖokpó ɔ́ jɛ́n fɛ́nú Mawu tɔn ɖo axɔ́sú ɖu wɛ gbɔn hwɛjijɔ jí, bó ná kplá mǐ yi gbɛ mavɔ mavɔ mɛ gbɔn Jezu Klísu Aklúnɔ mǐtɔn jí.

Filípunu 3:9

bó ná nɔ bǔ xá ɛ titewungbe; un sɔ́ nɔ́ lin ɖɔ tónú e un nɔ se nú sɛ́n ɔ́ wútu wɛ un nyí hwɛjijɔnɔ ɖo Mawu nukɔn ǎ; nǔɖiɖi e un ɖó nú Klísu ɔ́ wútu wɛ un nyí hwɛjijɔnɔ ɖo Mawu nukɔn. Un nyí hwɛjijɔnɔ ɖó Mawu ná mì hlɔ̌nhlɔ́n e é nɔ ná mɛ e ɖi nǔ nú Klísu lɛ́ɛ, bɔ yě ná sixú nyí hwɛjijɔnɔ é.