Nǔnywɛ́xó 10:11 - MAWUXÓWÉMA

¹¹ Gbɛtɔ́ hwɛjijɔnɔ sín xó lɛ́ɛ ɔ́, gbɛjɔtɛn wɛ é nyí nú mɛ. Mɛdídá lɛ́ɛ ɔ́, a fɛ kpɔ́n xó yětɔn glɔ́ ɔ́, a nǎ mɔ dǎka.

Nǔnywɛ́xó 10:11 Iomraidhean Croise

Ɖɛhan 107:42

Ayijlɔ́jlɔ́nɔ lɛ́ɛ nɔ́ mɔ nǔ e jɛ é, bó nɔ́ j'awǎ. Lo ɔ́, nǔnyanyawatɔ́ lɛ́ɛ sín nu nɔ yi xɔ.

Nǔnywɛ́xó 10:32

Mɛ e nɔ wa nǔ ɖó sɛ́nxwi jí ɔ́ kɛ nu ɔ́, xó ɖagbe wɛ é nɔ́ ɖɔ; mɛdídá ká kɛ nu ɔ́, xó nyanya jɛ́n é nɔ́ ɖɔ.

Nǔnywɛ́xó 10:6

Mɛ e nɔ wa nǔ ɖó sɛ́nxwi jí ɔ́, nyɔ̌ná ɖɛ wɛ ɖo jǐ tɔn. Mɛdídá lɛ́ɛ ɔ́, a ka fɛ kpɔ́n xó yětɔn glɔ́ ɔ́, a nǎ mɔ dǎka.

Nǔnywɛ́xó 13:14

Nǔ e nǔnywɛ́tɔ́ nɔ́ kplɔ́n mɛ ɔ́, gbɛjɔtɛn ɖé wɛ é nyí; é nɔ́ zɔ́n bɔ è nɔ jɛ kú sín mɔ mɛ ǎ.

Nǔnywɛ́xó 15:4

Xó e nɔ dó wǔsyɛ́n lanmɛ nú mɛ ɔ́, atín ɖé wɛ é nyí bó nɔ́ ná gbɛ mɛ; alǎnnú ɖɔ nú mɛ ka nɔ kú wǔ nú mɛ.

Nǔnywɛ́xó 15:7

Nǔnywɛ́tɔ́ xó ɔ́, nǔ wɛ é nɔ́ kplɔ́n mɛ; xlonɔ sín ayixa ká gbɔn vo.

Nǔnywɛ́xó 18:4

Xó e nɔ́ tɔ́n sín gbɛtɔ́ nu mɛ ɔ́, agbetawoyó wɛ, é gɔ́ngɔ́n ɖésú; nǔnywɛ́ sín jɔtɛn ka nyí tɔsisa e gba wu é.

Nǔnywɛ́xó 20:15

Siká ɖe, jɛ̌nana tɛnmɛ tɛnmɛ ɖe; amɔ̌, nǔ e nyí nǔ xɔ akwɛ́ nǔgbó ɔ́ wɛ nyí xó e nɔ́ ná nǔnywɛ́ mɛ é.

Efɛ́zinu 4:29

Xó nyanya ɖěbǔ má nɔ tɔ́n sín nu mitɔn mɛ ó. Xó ɖagbe e ná dó alɔ mɛ nǔgbomɛ hwenu é, xó e ná wa ɖagbe nú mɛ e ɖo tó ɖó mi wɛ lɛ́ɛ kɛ́ɖɛ́ wɛ ná nɔ́ tɔ́n sín nu mitɔn mɛ.