Nǔnywɛ́xó 10:1 - MAWUXÓWÉMA

¹ Nǔnywɛ́xó Salomɔ́ɔ tɔn lɛ́ɛ ɖíe: Vǐ ɖé ɖó mɛxóyixa ɔ́, é nɔ́ víví nú tɔ́ tɔn. Vǐ ɖé ká jɔ xlo ɔ́, é nɔ nyí linkpɔ́n nú nɔ tɔn.

Nǔnywɛ́xó 10:1 Iomraidhean Croise

Nǔnywɛ́xó 1:1

Nǔnywɛ́xó Salomɔ́ɔ, Davídi ví, Izlayɛ́li xɔ́sú ɔ́ tɔn lɛ́ɛ.

Nǔnywɛ́xó 13:1

Vǐ e ɖó nǔnywɛ́ ɔ́ nɔ ɖótó te, bó nɔ́ yí kplɔ́n ɖo tɔ́ sí; è ka gbɛ́ nǔ nú vǐ e nɔ́ yí go ɔ́, é nɔ se ǎ.

Nǔnywɛ́xó 15:20

Vǐ ɖé ɖó mɛxóyixa ɔ́, é nɔ́ víví nú tɔ́ tɔn; vǐ e jɔ xlo ɔ́ nɔ hu tɛ́ nú nɔ tɔn.

Nǔnywɛ́xó 17:21

Mɛ e ji vǐ xlonɔ ɔ́ nɔ mɔ akpɔ. Mɛ e ji taɖunɔ ɔ́ sixú j'awǎ gbeɖé ǎ.

Nǔnywɛ́xó 17:25

Vǐ xlonɔ nɔ ɖó akpɔ nú tɔ́ tɔn; é nɔ́ nyí linkpɔ́n nú mɛ e zɛn bó ji i é.

Nǔnywɛ́xó 19:13

Vǐ xlonɔ ɔ́, afɔkú wɛ é nyí nú tɔ́ tɔn; nyɔ̌nu jlɛɖɔtɔ́ cí gɔ̌ta e ma nɔ gɔn sin kun ǎ é ɖɔhun.

Nǔnywɛ́xó 25:1

Nǔnywɛ́xó Salomɔ́ɔ tɔn ɖěvo lɛ́ɛ ɖíe: Judáa xɔ́sú Ezekiyási sín mɛ lɛ́ɛ wɛ wlán.

Nǔnywɛ́xó 27:11

Vǐ ce, yǐ nǔnywɛ́, bónú xomɛ ná hun mì; énɛ́ ɔ́, un hɛn ɔ́, un ná kɛ nu nú mɛ e nɔ ɖo nǔ ce ɖɔ wɛ é.

Nǔnywɛ́xó 29:15

Bǎ kpó nǔgbɛ́númɛ kpó nɔ́ wlí ayi dó xomɛ nú mɛ; amɔ̌, vǐ e è jǒ dó nyi gbawunjo mɛ ɔ́, winnyá wɛ é nɔ́ dó nɔ tɔn.

Nǔnywɛ́xó 29:17

Kplɔ́n vǐ towe ganjí, énɛ́ ɔ́, ayi towe ná jɛ ayǐ dó wǔ tɔn; xomɛ ná hun we dó wǔ tɔn.

Nǔnywɛ́xó 29:3

Mɛ e yí wǎn nú nǔnywɛ́ ɔ́ nɔ́ dó xomɛhunhun nú tɔ́ tɔn. Mɛ e ka nɔ dó agalɛtɔ́ gbɛ́ ɔ́, nǔ tɔn bǐ wɛ é nɔ́ hɛn fúnfún.

Nǔnywɛ́tɔ́xó 12:9

Nyɛ nǔnywɛ́tɔ́ ɔ́, ényí nǔnywɛ́ kɛ́ɖɛ́ wɛ un ɖó ǎ; gɔ́ nú nǔnywɛ́ ɔ́, un lɛ́ kplɔ́n nǔ togun ɔ́. Un gbéjé nǔ gěgé kpɔ́n, un ba do nú nǔ, lobo to lǒ wɔ̌buwɔ́bú ɖé lɛ́ɛ.

Nǔnywɛ́tɔ́xó 2:19

Azɔ̌ e un zán nǔnywɛ́ ce bó wa ɖo hwe glɔ́ fí ɔ́, mɛ e ɖo do ce mɛ ná wá nɔ wɛ ɔ́ wɛ ɖo acɛ ná kpa ná wɛ; é to ká ná ɖó nǔnywɛ́ kpó é ná jɔ xlo kpó ɔ́, mɛ̌ ká tunwun; énɛ́ lɔ ɔ́ un mɔ ɖɔ nǔ yǎyá wɛ.