Nǔnywɛ́xó 1:4 - MAWUXÓWÉMA

⁴ Yě nɔ́ kplɔ́n mɛ e ma ɖó nǔnywɛ́ ɖé ǎ lɛ́ɛ, bɔ yě nɔ́ tunwun afɔ e yě ná ɖe é. Yě nɔ́ dó alɔ mɛ wínnyáwínnyá lɛ́ɛ, bɔ yě nɔ́ tunwun nǔ, yě nɔ́ lin tamɛ kpɔ́n.

Nǔnywɛ́xó 1:4 Iomraidhean Croise

Ɖɛhan 116:6

Mawu Mavɔmavɔ nɔ hɛn mɛ e ma nɔ ɖó ayi we ǎ lɛ́ɛ. Gǎn kó vɔ ɖo wǔ ce, é ka wá hwlɛ́n mì gán.

Ɖɛhan 119:130

È tín xó towe mɛ nú mɛɖé ɔ́, mɛ ɔ́ nɔ́ mɔ wěziza; è tínmɛ nú xlonɔ ɔ́, é nɔ́ mɔ nukúnnú jɛ nǔ mɛ.

Ɖɛhan 119:9

Mawu, è ɖo wǐnnyáwínnyá mɛ ɔ́, nɛ̌ è ka sixú bló gbɔn bó ná nɔ́ zán gbɛ ɖagbe? Xó towe jɛ́n è nǎ nɔ́ xwedó dó wa nǔ.

Ɖɛhan 19:7

Hwe nɔ tɔ́n sín akpá ɖě xwé ɖo jǐnukúnsin, bó nɔ́ yi xɔ dó akpá ɖěvo xwé. Yǒzo tɔn nɔ́ hwedó nǔ ɖěbǔ ǎ.

Ɖɛhan 34:11

Kinnikínní ví lɛ́ɛ nɔ́ ba nǔɖuɖu kpo, bó nɔ́ nɔ xovɛ́; lo ɔ́, mɛ e nɔ sú xó ylɔ́ Mawu Mavɔmavɔ lɛ́ɛ ɔ́, nǔ ɖěbǔ nɔ hwedó yě ǎ.

Nǔnywɛ́xó 3:21

Vǐ ce, ma nú ayi ɖo te kpó tamɛ lin cóbó wa nǔ kpó nɔ zɔ nú we ó; hɛn yě.

Nǔnywɛ́xó 8:12

“Nyɛ nǔnywɛ́ ɔ́, un ɖo kpɔ́ xá tamɛlinkpɔ́n; un nɔ lin tamɛ kpɔ́n cóbó nɔ́ wa nǔ.

Nǔnywɛ́xó 8:17

Nyɛ ɔ́, un yí wǎn nú mɛ e yí wǎn nú mì lɛ́ɛ; mɛ e ɖo biba mì wɛ lɛ́ɛ nɔ mɔ mì.

Nǔnywɛ́xó 8:32

“Din ɔ́, vǐ ce lɛ́ɛ mi, mi ɖótó mì. Nǔ nyɔ́ nú mɛ e nɔ́ bló nǔ e un ɖɔ nú yě lɛ́ɛ é.

Nǔnywɛ́xó 8:5

Gɔgɔnɔ e mi, mi kplɔ́n tamɛlinkpɔ́n! Xlonɔ e mi, mi kplɔ́n nukúnnú mɔ jɛ nǔ mɛ!

Nǔnywɛ́tɔ́xó 11:9

Mɛ wínnyáwínnyá, din e a kpo ɖo wǐnnyáwínnyá mɛ ɔ́, j'awǎ. Awǎjijɛ ní gɔ́ ayi towe mɛ hwenu e a kpo ɖo wǐnnyáwínnyá mɛ é. Ayi towe mɔ nǔɖé hǔn blǒ; nǔɖé nyɔ́ nukún towe mɛ hǔn, wa. Lo ɔ́, tunwun ganjí ɖɔ Mawu ná wá ɖɔ hwɛ xá we ɖó nǔ e a wa lɛ́ɛ ɖokpó ɖokpó wú.

Ezayíi 35:8

Fí énɛ́ wɛ ali ɖaxó ɖokpó ná gbɔn, bɔ è nǎ ylɔ́ ɖɔ “Ali mímɛ́”. Mɛ blíblí ɖokpó ná sixú gbɔn ali énɛ́ jí ǎ. Hunsɛntɔ́ ɖě ká ná gbɔn fínɛ́ ǎ. Mawu sín togun ɔ́ kɛ́ɖɛ́ tɔn wɛ é ná nyí, bɔ é nǎ nɔ́ gbɔn jí.

Sɛ́nflínmɛ 4:6

Ényí mi wlíbo nú sɛ́n lɛ́ɛ bó nyi ganjí ɔ́, akɔta ɖě lɛ́ɛ e ná tunwun sɛ́n énɛ́ lɛ́ɛ ná mɔ mi dó mɔ gbɛtɔ́ nǔnywɛ́tɔ́, gbɛtɔ́ bíbí, bó ná nɔ́ ɖɔ: ‘Nǔnywɛ́ tɛ́ ɖíe, bǐbí tɛ́ ɖíe ɖo akɔta ɖaxó élɔ́ mɛ e.’

2 Timɔtée 2:22

Hɔn nú jlǒ nyanya e mɛwínnyáwínnyá lɛ́ɛ nɔ ɖó lɛ́ɛ, bónú hwi kpódó mɛ e nɔ xomlá Aklúnɔ kpódó ayi mímɛ́ kpó lɛ́ɛ ní ba nǔjlɔ́jlɔ́wiwa, nǔɖiɖi, wǎn yíyí kpódó fífá kpó.

Titu 2:6

Mɔ̌ ɖokpó ɔ́, a nǎ ɖɔ nú dɔ̌nkpɛvú lɛ́ɛ ɖɔ yě ní nɔ wa nǔ e sɔgbe é.