Nǔnywɛ́xó 1:1 - MAWUXÓWÉMA

¹ Nǔnywɛ́xó Salomɔ́ɔ, Davídi ví, Izlayɛ́li xɔ́sú ɔ́ tɔn lɛ́ɛ.

Nǔnywɛ́xó 1:1 Iomraidhean Croise

1 Axɔ́sú 2:12

Salomɔ́ɔ yi axɔ́súzinkpo tɔ́ tɔn Davídi tɔn jí, bɔ axɔ́súɖuɖu tɔn jínjɔ́n ayǐ tawun.

1 Axɔ́sú 5:12

Lǒ afɔwó-afatɔ́n (3.000) wɛ Salomɔ́ɔ dó. Nǔnywɛ́ sín han e é kpa lɛ́ɛ hú afatɔ́n (1.000).

1 Tan 22:9

Đǒtó! A nǎ ji vǐ súnnu ɖokpó, bɔ é ná nyí gbɛtɔ́ fífá; un ná lɔn bɔ kɛntɔ́ e lɛ́ dó e lɛ́ɛ ná dó tagba n'i ǎ. Salomɔ́ɔ wɛ nyǐkɔ tɔn ná nyí; tínmɛ tɔn wɛ nyí Gbɛtɔ́ fífá. Un ná bló bɔ fífá kpó ayij'ayǐ kpó ná tíin nú Izlayɛ́li ɖo gbɛ hwenu tɔn.

1 Tan 28:5

Đo vǐ tobutóbú e é ná mì lɛ́ɛ mɛ ɔ́, vǐ ce Salomɔ́ɔ wɛ é sɔ́, bɔ é ná yi axɔ́súzinkpo Izlayɛ́li tɔn ɔ́ jí, bó ná ɖu axɔ́sú ɖo Mawu Mavɔmavɔ nyíkɔ mɛ.

1 Tan 29:23

Salomɔ́ɔ yi axɔ́súzinkpo Mawu Mavɔmavɔ tɔn jí, bó ɖu axɔ́sú ɖó tɔ́ tɔn Davídi tɛnmɛ. Nǔ bǐ ɖo yiyi n'i wɛ ganjí, bɔ Izlayɛ́li ví lɛ́ɛ bǐ se tónú n'i.

1 Tan 29:28

Kpikpoxɔmɛ nyɔ́ n'i ɖésú; é nɔ dɔkun kpó susu kpó mɛ káká bó kú, bɔ vǐ tɔn Salomɔ́ɔ ɖu axɔ́sú ɖó tɛn tɔn mɛ.

Nǔnywɛ́xó 10:1

Nǔnywɛ́xó Salomɔ́ɔ tɔn lɛ́ɛ ɖíe: Vǐ ɖé ɖó mɛxóyixa ɔ́, é nɔ́ víví nú tɔ́ tɔn. Vǐ ɖé ká jɔ xlo ɔ́, é nɔ nyí linkpɔ́n nú nɔ tɔn.

Nǔnywɛ́xó 22:21

bɔ a nǎ dó tunwun xó e wú a nǎ gǎn jɛ é, xó e nyí xó jɔ xó ɔ́ é; énɛ́ ɔ́, mɛɖé sɛ́ we dó nǔgbó ɔ́ ba gbé ɔ́, a nǎ sixú mɔ, bó ɖɔ n'i, bɔ é ná gán jɛ wú.

Nǔnywɛ́xó 25:1

Nǔnywɛ́xó Salomɔ́ɔ tɔn ɖěvo lɛ́ɛ ɖíe: Judáa xɔ́sú Ezekiyási sín mɛ lɛ́ɛ wɛ wlán.

Nǔnywɛ́tɔ́xó 1:1

Davídi ví, Jeluzalɛ́mu xɔ́sú, nǔnywɛ́tɔ́ ɔ́, xó e é ɖɔ lɛ́ɛ ɖíe; é ɖɔ:

Nǔnywɛ́tɔ́xó 12:9

Nyɛ nǔnywɛ́tɔ́ ɔ́, ényí nǔnywɛ́ kɛ́ɖɛ́ wɛ un ɖó ǎ; gɔ́ nú nǔnywɛ́ ɔ́, un lɛ́ kplɔ́n nǔ togun ɔ́. Un gbéjé nǔ gěgé kpɔ́n, un ba do nú nǔ, lobo to lǒ wɔ̌buwɔ́bú ɖé lɛ́ɛ.

Jǎan 16:25

“Lǒ wɛ un dó, bo dó ɖɔ xó énɛ́ lɛ́ɛ bǐ nú mi; lo ɔ́, é ná wá jɛ hweɖénu, bɔ un sɔ́ ná dó lǒ ɖě dó ɖɔ xó nú mi ǎ. Hwenɛ́nu ɔ́, un ná ɖɔ Tɔ́ ɔ́ sín xó nú mi sɔ́ nyi wɛn.