Kɛ́nsísɔ́ 9:5 - MAWUXÓWÉMA

⁵ Énɛ́ ɔ́, yě ɖu Dǐndínwáyixwe ɔ́ ɖo sun nukɔn tɔn ɔ́ sín azǎn wǒ-ɛnɛgɔ́ ɔ́ gbe gbadanu, ɖo gbětótló Sinayíi tɔn mɛ. Lě e Mawu Mavɔmavɔ ɖɔ gbɔn nú Mɔyízi ɔ́ bǐ wɛ yě xwedó bó dó ɖu xwe ɔ́.

Kɛ́nsísɔ́ 9:5 Iomraidhean Croise

Bǐbɛ́mɛ 6:22

Nǔ e Nɔwée wa ɔ́ nɛ́. É bló lě e Mawu ɖɔ n'i gbɔn ɔ́ pɛ́pɛ́pɛ́.

Bǐbɛ́mɛ 7:5

Nɔwée bló nǔ e Mawu Mavɔmavɔ ɖɔ n'i lɛ́ɛ bǐ nǔgbó.

Tíntɔ́n 12:50

Izlayɛ́li ví lɛ́ɛ bǐ blǒ nǔ e Mawu Mavɔmavɔ ɖɔ nú Mɔyízi kpó Aalɔ́ɔn kpó lɛ́ɛ bǐ. Yě ɖe ɖěbǔ kpo ǎ.

Tíntɔ́n 39:32

Lě e è fó Mawu xwé, nɔtɛn Mawu Mavɔmavɔ tɔn ɔ́ sín azɔ̌ lɛ́ɛ bǐ gbɔn ɔ́ nɛ́. Izlayɛ́li ví lɛ́ɛ bló nǔ e Mawu Mavɔmavɔ ɖɔ nú Mɔyízi ɖ'ayǐ lɛ́ɛ bǐ.

Tíntɔ́n 39:42

Izlayɛ́li ví lɛ́ɛ bló nǔ énɛ́ lɛ́ɛ bɔ é sɔgbe xá lě e Mawu Mavɔmavɔ ɖɔ nú Mɔyízi gbɔn lɛ́ɛ bǐ.

Kɛ́nsísɔ́ 1:54

Izlayɛ́li ví lɛ́ɛ wa nǔ, bɔ é sɔgbe xá lě e Mawu Mavɔmavɔ ɖɔ nú Mɔyízi gbɔn é pɛ́pɛ́pɛ́.

Kɛ́nsísɔ́ 8:20

Mɔyízi kpó Aalɔ́ɔn kpó, kpódó Izlayɛ́li ví lɛ́ɛ bǐ kpó bló nǔ e Mawu Mavɔmavɔ ɖɔ nú Mɔyízi dó Levíi ví lɛ́ɛ wú é.

Kɛ́nsísɔ́ 9:4

Mɔyízi ɖɔ xó énɛ́ ɔ́ nú Izlayɛ́li ví lɛ́ɛ.

Matíe 28:20

Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Jǎan 15:14

Ényí mi nɔ bló nǔ e un zɔ́n mi lɛ́ɛ ɔ́, xɔ́ntɔn ce wɛ mi nyí.

Mɛsɛ́dó 26:19

“Axɔ́sú Aglipa e! Ée nǔ nyí mɔ̌ ɔ́, un vɛ́ tóli nú nǔ e Mawu sɔ́ xlɛ́ mì lɛ́ɛ ǎ.

Sɛ́nflínmɛ 1:3

Izlayɛ́li ví lɛ́ɛ gosín Ejípu ɔ́, é bló xwe kanɖé (40); sun wǒ-ɖokpógɔ́ ɔ́ e ɖo xwe kanɖégɔ́ énɛ́ ɔ́ mɛ ɔ́ sín azǎn nukɔntɔn gbe wɛ Mɔyízi ɖɔ nǔ e Mawu Mavɔmavɔ ɖɔ é ní ɖɔ nú Izlayɛ́li ví lɛ́ɛ ɔ́ nú yě.

Sɛ́nflínmɛ 4:5

“Éɖíe, un kplɔ́n sɛ́n lɛ́ɛ kpó nǔ e Mawu zɔ́n lɛ́ɛ kpó mi lě e Mawu Mavɔmavɔ, Mawu ce ɖɔ nyɛ ní bló gbɔn é, bónú mi ná zé yě dó wa azɔ̌ ná, ɖo to e ná yí wɛ mi ɖe é mɛ.

Eblée 11:8

Nǔɖiɖi e Ablaxámu ɖó ɔ́ wɛ zɔ́n bɔ hwenu e Mawu ylɔ̌ ɛ ɔ́, é se tónú n'i, bó ɖidó to e ná ná ɛ wɛ Mawu ɖe, bɔ é ná nyí étɔn ɔ́ mɛ. É gosín to é ɖésúnɔ tɔn mɛ, bó ɖidó, ma tunwun fí e é xwe é.

Eblée 3:5

Mɔyízi éyɛ́ ɔ́, mɛsɛntɔ́ ɖɔhun ɔ́, é nɔ gbejí ɖo Mawu sín xwédo ɔ́ bǐ mɛ, bó ná nyí kúnnuɖetɔ́ nú nǔ e è ɖǒ ná ɖɔ é.

Jozuwée 5:10

Izlayɛ́li ví lɛ́ɛ ɖó gɔnu ɖó Gilugalu, bó ɖu Dǐndínwáyixwe ɔ́ ɖo sun ɔ́ sín azǎn wǒ-ɛnɛgɔ́ ɔ́ gbe gbadanu, ɖo ayǐkúngban wɛnjɛ jí ɖo Jeliko kpá.