Kɛ́nsísɔ́ 9:21 - MAWUXÓWÉMA

²¹ Hwe ɖé lɛ́ɛ nu ɔ́, akpɔ́kpɔ́ ɔ́ nɔ́ nɔ te ɖo fí ɖokpó sín gbadanu káká bɔ ayǐ nɔ́ hɔ́n, abǐ nú kéze ɖokpó zǎn ɖokpó. Nú é sí te hweɖěbǔnu ɔ́, Izlayɛ́li ví lɛ́ɛ nɔ́ jɛ ali.

Kɛ́nsísɔ́ 9:21 Iomraidhean Croise

Nɛɛmíi 9:12

Kéze ɔ́, azizɔ wɛ a nɔ dó kplá togun towe. Azizɔ ɖé wɛ, bó nɔ́ ɖo hwǐn mlí wɛ ɖo nukɔn yětɔn. Zǎn mɛ ɔ́, a nɔ sɔ́ myɔ dó kplá yě, bɔ myɔ ɔ́ nɔ́ ná yě wěziza, bó nɔ́ ɖo hwǐn mlí wɛ ɖo nukɔn yětɔn.

Nɛɛmíi 9:19

Có, ɖo wǎn yíyí towe maɖódogbó ɔ́ mɛ ɔ́, a jǒ yě dó nyi gbětótló mɛ ǎ. Azizɔ e ɖo mlǐmlí ɖo nukɔn yětɔn wɛ, bó nɔ́ ɖo ali xlɛ́ yě wɛ kéze ɔ́ jó yě dó ǎ.

Kɛ́nsísɔ́ 9:20

É ná bó lɛ́ nɔ nú hwenu kpɛɖé ɔ́, Izlayɛ́li ví lɛ́ɛ nɔ́ se tónú nú Mawu Mavɔmavɔ bó nɔ́ sɛ tɛn ǎ; Mawu Mavɔmavɔ wɛ nɔ́ ɖe gbe nú yě cóbɔ yě nɔ́ jɛ ali.

Kɛ́nsísɔ́ 9:22

Amɔ̌, nú akpɔ́kpɔ́ ɔ́ nɔ Goxɔ ɔ́ jí nú azǎn we, abǐ nú sun ɖokpó, abǐ nú xwe ɖokpó ɔ́, Izlayɛ́li ví lɛ́ɛ nɔ́ cí fínɛ́; yě nɔ́ jɛ ali ǎ. Nú akpɔ́kpɔ́ ɔ́ wá sí te ɔ́, yě nɔ́ jɛ ali.