Kɛ́nsísɔ́ 9:17 - MAWUXÓWÉMA

¹⁷ Nú akpɔ́kpɔ́ ɔ́ sí te sín Goxɔ ɔ́ jí hweɖěbǔnu ɔ́, Izlayɛ́li ví lɛ́ɛ nɔ́ jɛ ali. Yě ɖo yiyi wɛ bónú akpɔ́kpɔ́ ɔ́ lɛ́ nɔ te ɖo fí ɖé ɔ́, yě nɔ́ ɖó gɔnu ɖó fí ɔ́.

Kɛ́nsísɔ́ 9:17 Iomraidhean Croise

Ɖɛhan 32:8

Mawu Mavɔmavɔ ɖɔ: un ná ná nukúnnú mɔ jɛ nǔ mɛ we, un ná xlɛ́ ali e a ɖǒ ná gbɔn ɔ́ we; un ná kplɔ́n nǔ we; nukún ce ná ɖo jǐ towe:

Ɖɛhan 73:24

Nǔ e a nɔ kplɔ́n mì lɛ́ɛ nɔ́ xlɛ́ ali mì; a nɔ bló mɔ̌, bó ná yí mì dó susu towe mɛ.

Tíntɔ́n 17:1

Mawu Mavɔmavɔ ná gbe Izlayɛ́li ví lɛ́ɛ bɔ yě bǐ gosín Sínu sín gbětótló ɔ́ mɛ, bó ɖo yiyi wɛ kpɛɖé kpɛɖé káká bó yi jɛ Hlefidímu, bó ɖó gɔnu ɖó fínɛ́. Yě ká mɔ sin nu ɖo fínɛ́ ǎ.

Ezayíi 49:10

Yě sɔ́ ná ji nǔɖuɖu ya ɖě ǎ; yě ká sɔ́ ná ji sin ya ɖě ǎ; jɔhɔn e nɔ dó ya nú yě ɖo akúgbéjí ɔ́ sɔ́ ná dó ya ɖě nú yě ǎ; hwesivɔ́ ɖě ká sɔ́ ná hun dó ta yětɔn ǎ. Un nǎ kplá yě kpó wǎn yíyí kpó, bɔ yě ná nɔ́ fá kɔ ɖo tɔjɔtɛn.

Kɛ́nsísɔ́ 9:22

Amɔ̌, nú akpɔ́kpɔ́ ɔ́ nɔ Goxɔ ɔ́ jí nú azǎn we, abǐ nú sun ɖokpó, abǐ nú xwe ɖokpó ɔ́, Izlayɛ́li ví lɛ́ɛ nɔ́ cí fínɛ́; yě nɔ́ jɛ ali ǎ. Nú akpɔ́kpɔ́ ɔ́ wá sí te ɔ́, yě nɔ́ jɛ ali.

Jǎan 10:9

Nyɛ wɛ nyí hɔn ɔ́. Mɛ e ná gbɔn jǐ ce ɔ́, è nǎ hwlɛ́n ɛ gán; é ná nɔ́ yi, bó ná nɔ́ wá, bó ná nɔ́ mɔ nǔ ɖu.