Kɛ́nsísɔ́ 9:15 - MAWUXÓWÉMA

¹⁵ Gbe e gbe Mɔyízi kɛ́ Goxɔ ɔ́, akpɔ́kpɔ́ cyɔ́n ɛ bǐ. Goxɔ ɔ́ mɛ wɛ akɔjijɛgbá ɔ́ ɖe. Akpɔ́kpɔ́ ɔ́ cí myɔ ɖɔhun ɖo Goxɔ ɔ́ jí sín gbadanu káká bɔ ayǐ hɔ́n.

Kɛ́nsísɔ́ 9:15 Iomraidhean Croise

Nɛɛmíi 9:12

Kéze ɔ́, azizɔ wɛ a nɔ dó kplá togun towe. Azizɔ ɖé wɛ, bó nɔ́ ɖo hwǐn mlí wɛ ɖo nukɔn yětɔn. Zǎn mɛ ɔ́, a nɔ sɔ́ myɔ dó kplá yě, bɔ myɔ ɔ́ nɔ́ ná yě wěziza, bó nɔ́ ɖo hwǐn mlí wɛ ɖo nukɔn yětɔn.

Nɛɛmíi 9:19

Có, ɖo wǎn yíyí towe maɖódogbó ɔ́ mɛ ɔ́, a jǒ yě dó nyi gbětótló mɛ ǎ. Azizɔ e ɖo mlǐmlí ɖo nukɔn yětɔn wɛ, bó nɔ́ ɖo ali xlɛ́ yě wɛ kéze ɔ́ jó yě dó ǎ.

Ɖɛhan 105:39

Mawu sɛ́ akpɔ́kpɔ́ dó bɔ é cyɔ́n yě, é sɛ́ myɔ dó yě bɔ yě nɔ́ dó mɔ nukúnnú zǎn mɛ.

Ɖɛhan 78:14

É nɔ́ zé akpɔ́kpɔ́ dó xlɛ́ ali yě kéze. É jɛ zǎn mɛ ɔ́, é nɔ́ sɔ́ myɔ dó xlɛ́ ali yě.

Tíntɔ́n 13:21

Mawu Mavɔmavɔ nɔ́ ɖo nukɔn yětɔn ɖo akpɔ́kpɔ́ ɖaxó ɖé mɛ kéze, bó nɔ́ xlɛ́ ali yě; é jɛ zǎn mɛ ɔ́, é nɔ́ ɖo nukɔn yětɔn ɖo myɔ ɖé mɛ, bó nɔ́ ná wěziza yě, bónú yě ná nɔ sixú ɖo yiyi wɛ zǎn kpó kéze kpó.

Tíntɔ́n 13:22

Akpɔ́kpɔ́ ɔ́ nɔ́ gosín togun ɔ́ nukɔn kéze ǎ; myɔ ɔ́ ká nɔ gosín nukɔn yětɔn zǎn mɛ ǎ.

Tíntɔ́n 14:24

Ayǐtéhɔ̌nnu ɔ́, Mawu Mavɔmavɔ nɔ akpɔ́kpɔ́ ɖaxó ɔ́ kpó myɔ ɔ́ kpó mɛ, bó ɖo Ejípunu lɛ́ɛ kpɔ́n wɛ, bó bló bɔ ahwangɔnu Ejípunu lɛ́ɛ tɔn wlú.

Tíntɔ́n 40:2

“Sun nukɔntɔn ɔ́ sín azǎn nukɔntɔn ɔ́ gbe ɔ́, a nǎ blǒ goxɔ e mɛ un ná nɔ wá kpé togun ɔ́ ɖe ɔ́, nɔtɛn ce ɔ́.

Tíntɔ́n 40:34

Hwenɛ́nu ɔ́, akpɔ́kpɔ́ cyɔ́n goxɔ ɔ́, bɔ susu Mawu Mavɔmavɔ tɔn gɔ́ goxɔ ɔ́,

Tíntɔ́n 40:35

káká bɔ Mɔyízi sɔ́ sixú byɔ́ goxɔ ɔ́ mɛ ǎ.

Tíntɔ́n 40:38

Akpɔ́kpɔ́ Mawu Mavɔmavɔ tɔn ɔ́ nɔ́ nɔ goxɔ ɔ́ ta kéze, bɔ myɔ nɔ ɖo akpɔ́kpɔ́ ɔ́ mɛ zǎn mɛ, bɔ Izlayɛ́li ví lɛ́ɛ bǐ nɔ ɖo mimɔ wɛ, gbɔn fí e yě nɔ́ lɛ́ɛ bǐ.

Ezayíi 4:5

Kéze ɔ́, Mawu Mavɔmavɔ ná bló akpɔ́kpɔ́ ɖó Sinyɔ́ɔ só ɔ́ bǐ ta nu, bó ná bló ɖó mɛ e kplé ɖo Sinyɔ́ɔ só ɔ́ jí é bǐ ta nu; é su zǎn mɛ ɔ́, é ná bló myɔ kpó azizɔ kpó ɖó ta yětɔn nu. Mawu Mavɔmavɔ ná nyí goxɔ ɖaxó ɖé ɖo nǔ e nɔ ná susu Jeluzalɛ́mu lɛ́ɛ é bǐ ta nu.

Kɛ́nsísɔ́ 10:34

Yě jɛ ali kéze ɔ́, akpɔ́kpɔ́ Mawu Mavɔmavɔ tɔn nɔ́ ɖo ta yětɔn nu.

Kɛ́nsísɔ́ 14:14

bó ná ɖɔ nú to énɛ́ ɔ́ mɛ nu lɛ́ɛ. Yě tunwun ɖɔ hwi Mawu Mavɔmavɔ ɔ́, a ɖo togun élɔ́ tɛ́ntin; yě tunwun ɖɔ a nɔ tɔ́n dó yě jí gannaganna, bɔ akpɔ́kpɔ́ towe ɖo jǐ yětɔn. Yě tunwun ɖɔ kéze ɔ́, a nɔ ɖo nukɔn yětɔn, ɖo akpɔ́kpɔ́ ɖaxó mɛ, bɔ zǎn mɛ ɔ́, a nɔ ɖo nukɔn yětɔn ɖo myɔ ɖé mɛ.

Kɛ́nsísɔ́ 17:7

Izlayɛ́li ví lɛ́ɛ xísí dó Mɔyízi kpó Aalɔ́ɔn kpó. Lo ɔ́, hwenu e yě kpɔ́n Goxɔ ɔ́ sɛ́ dó ɔ́, yě mɔ ɖɔ akpɔ́kpɔ́ cyɔ́n ɛ, bɔ Mawu Mavɔmavɔ ɖo susu tɔn ɖe xlɛ́ wɛ ɖo fínɛ́.

1 Kɔlɛ́ntinu 10:1

Nɔví ce lɛ́ɛ mi, nǔ e jɛ dó tɔ́gbó mǐtɔn e xwedó Mɔyízi lɛ́ɛ jí ɔ́, un jló ɖɔ mi ní flín. Yě bǐ wɛ nɔ akpɔ́kpɔ́ ɔ́ glɔ́; yě bǐ wɛ gbɔn Xu Vɔvɔ ɔ́ tɛ́ntin dín.

Sɛ́nflínmɛ 1:33

É ká ɖo mɔ̌ có, é wɛ nɔ́ nɔ nukɔn nú mi ɖo ali jí, bó nɔ́ ba fí e mi ná ɖó gɔnu ɖó ɔ́ nú mi; zǎn kú ɔ́, é nɔ́ nɔ nukɔn mitɔn ɖo myɔ ɖé mɛ, bó nɔ xlɛ́ ali mi; kéze ɔ́, é nɔ́ nɔ nukɔn mitɔn ɖo akpɔ́kpɔ́ ɖaxó ɖé mɛ.