Kɛ́nsísɔ́ 9:13 - MAWUXÓWÉMA

¹³ Nú mɛ ɔ́ má nyí mɛ blíblí ǎ, bó má ká yi tomɛ ǎ, bó gbɛ́ Dǐndínwáyixwe ɔ́ ɖu ɔ́, è ɖǒ ná ɖe mɛ énɛ́ ɔ́ sín togun ɔ́ mɛ, ɖó é ná nǔníná nyɛ Mawu Mavɔmavɔ dó hwe tɔn nu ǎ. Mɛ énɛ́ ɔ́ sín hwɛgban ná nɔ kɔ n'i.

Kɛ́nsísɔ́ 9:13 Iomraidhean Croise

Bǐbɛ́mɛ 17:14

Súnnu e má ná gbo ada ǎ ɔ́, è nǎ ɖe e sín tɛ́ntin mitɔn, ɖó é gba akɔ e un jɛ xá mi é.”

Tíntɔ́n 12:15

Mawu Mavɔmavɔ lɛ́ ɖɔ: “Mi ná ɖu wɔ̌xúxú e mɛ è ma dó tɔ́n ǎ ɔ́ nú azǎn tɛ́nwe. Bɛ́ sín azǎn nukɔntɔn ɔ́ gbe ɔ́, tɔ́n ɖěbǔ ná nɔ xwé mitɔn lɛ́ɛ ɖě gbe ǎ. Bɛ́ sín azǎn nukɔntɔn ɔ́ gbe yi azǎn tɛ́nwegɔ́ ɔ́ gbe ɔ́, ényí mɛ ɖěbǔ ɖu wɔ̌xúxú e mɛ è dǒ tɔ́n ɔ́, è nǎ ɖe mɛ ɔ́ sín togun Izlayɛ́li tɔn ɔ́ mɛ.

Tíntɔ́n 12:19

Tɔ́n ɖěbǔ ná ɖo xwé mitɔn lɛ́ɛ ɖě gbe ǎ nú azǎn tɛ́nwe. Đó mɛ ɖěbǔ e ná ɖu wɔ̌xúxú e mɛ è dǒ tɔ́n ɔ́, è nǎ ɖe mɛ ɔ́ sín togun Izlayɛ́li tɔn ɔ́ mɛ, mɛ ɔ́ sixú nyí jǒnɔ, é ká sixú nyí toví.

Tíntɔ́n 12:47

Izlayɛ́li ví lɛ́ɛ sín togun ɔ́ bǐ wɛ ná nɔ ɖu Dǐndínwáyixwe ɔ́.

Tíntɔ́n 30:33

Mɛ ɖěbǔ bló mɔ̌hunkɔtɔn ɖě bó ná sá nú mɛ kpaa ɖé ɔ́, è nǎ ɖe mɛ ɔ́ sín togun tɔn mɛ.’ ”

Tíntɔ́n 30:38

Mɛ ɖěbǔ bló mɔ̌hunkɔtɔn ɖě, bó ná nɔ́ se wǎn tɔn ɔ́, è nǎ ɖe mɛ ɔ́ sín togun tɔn mɛ.”

Ezekiyɛ́li 23:49

Nǔ kwíji kwíji e wa wɛ Oxóla kpó Oxoliba kpó ɖe lɛ́ɛ ɔ́, yě ná sún sin tɔn. Nǔ e vodún e sɛn wɛ yě ɖe ɔ́ ji ɔ́, yě ná kpan. Énɛ́ ɔ́, mi ná tunwun ɖɔ nyɛ wɛ nyí Aklúnɔ Mavɔmavɔ.”

Levíi ví 17:10

“Nú Izlayɛ́li ví ɖé abǐ jǒnɔ e ɖo mi mɛ lɛ́ɛ ɖě ɖu hun ɔ́, é ná bó nyí hun alɔkpa ɖěbǔ wɛ ɔ́, nyɛ Mawu Mavɔmavɔ ná húzú kpan nukɔn ɛ, bó ná ɖe e sín Izlayɛ́li togun ɔ́ mɛ.

Levíi ví 17:4

bó má to zé wá goxɔ ɔ́ lihɛ́nnu, bó zé xwlé Mawu Mavɔmavɔ hwɛ̌ ǎ ɔ́, é hu hwɛ, ɖó hun e é kɔn nyi ayǐ é wú; è nǎ ɖe e sín togun ɔ́ mɛ.

Levíi ví 20:20

“Nú súnnu ɖé ɖó xó xá atagán tɔn, ataví tɔn, abǐ nylɔ tɔn sín asi ɔ́, wi wɛ é kɔ́n nú mɛ e sín asi é ɖó xó xá é; hwɛ súnnu ɔ́ tɔn kpó nyɔ̌nu ɔ́ tɔn kpó ná nɔ kɔ nú yě, bɔ yě ná kú ma ɖó vǐ.

Levíi ví 22:9

“Vɔ̌sánú-xwlémawutɔ́ lɛ́ɛ ɖó ná nyi sɛ́n ce; yě má gba sɛ́n ce bó dɔn hwɛ dó kɔ nú yěɖée bó kú ó. Mawu Mavɔmavɔ wɛ un nyí; nyɛ wɛ ɖe yě ɖó vo nú azɔ̌ ce.

Levíi ví 24:15

Énɛ́ ɔ́ gúdo ɔ́, a nǎ ɖɔ nú Izlayɛ́li ví lɛ́ɛ ɖɔ: “Mɛ ɖěbǔ zun nyɛ mɛ e nyí Mawu tɔn ɔ́, hwɛ tɔn ná nɔ kɔ n'i.

Kɛ́nsísɔ́ 19:13

Mɛ e ná ɖó alɔ cyɔ wú, bó má ná mì sin énɛ́ ɔ́ dó wǔ dó slá wǔ ǎ ɔ́, mɛ ɔ́ ná ɖu su nú nɔtɛn Mawu Mavɔmavɔ tɔn; è nǎ ɖe mɛ ɔ́ sín togun Izlayɛ́li tɔn ɔ́ mɛ. È ma ko mì wǔsláslá sin ɔ́ dó wǔtu tɔn ǎ ɔ́, mɛ ɔ́ kpo ɖo mɛ blíblí nyí wɛ, bɔ nǔblíblí e é wa ɔ́ kpo ɖo te.

Kɛ́nsísɔ́ 19:20

“Súnnu e ná nyí mɛ blíblí, bó má ná slá wǔ ǎ ɔ́, Mɔyízi kpó Aalɔ́ɔn kpó ná ɖe e sín togun Izlayɛ́li tɔn ɔ́ mɛ, ɖó é ɖu su nú Mawu xwé ɔ́. È ma mì wǔsláslá sin ɔ́ dó wǔtu tɔn ǎ ɔ́, é kpo ɖo mɛ blíblí nyí wɛ.

Kɛ́nsísɔ́ 5:31

Nú asú ɔ́ wɛ gba acɛ nyɔ̌nu ɔ́ wú ɔ́, è nǎ dó hwɛ ɖěbǔ i ǎ; amɔ̌, nyɔ̌nu ɔ́, nú é wɛ gba acɛ súnnu ɔ́ wú ɔ́, é ji nǔɖé ɔ́, é ná kpan.”

Kɛ́nsísɔ́ 9:7

bó ɖɔ nú Mɔyízi ɖɔ: “Mǐ hɛn mǐɖée blí, ɖó mǐ ɖó alɔ cyɔ wú; étɛ́wú è ka dó sɛ́n nú mǐdɛɛ lɛ́ɛ ɖɔ mǐ kún ná hɛn nǔníná wá nú Mawu Mavɔmavɔ Izlayɛ́li ví ɖě lɛ́ɛ ɖɔhun, ɖo azǎn e Mawu Mavɔmavɔ ɖó ɔ́ gbe ó?”

Eblée 12:25

Mi cɔ́ miɖée bó ma gbɛ́ tó ɖó mɛ e ɖo xó ɖɔ nú mi wɛ é ó. Yě mɛ e gbɛ́ tó ɖó mɛ e ɖo Mawuxó ɖɔ nú yě wɛ ɖo ayǐkúngban jí fí ɔ́, yě gló tódɔnnúmɛ Mawu tɔn ǎ. Étɛ́ ka sɔ́ nyí mǐtɔn lo? Ényí mǐ ɖe kɔ dó mɛ e ɖo xó ɖɔ nú mǐ wɛ sín jǐxwé aga ɔ́, mǐ sixú gló tódɔnnúmɛ Mawu tɔn ǎ.

Eblée 2:3

Ényí nǔ nyí mɔ̌ ɔ́, nú mǐdɛɛ lɛ́ɛ dó vɛ̌ nú hwlɛngán ɖaxó énɛ́ ɔ́, nɛ̌ mǐ ka ná sixú gló tódɔnnúmɛ ɔ́ gbɔn? Aklúnɔ ɖésú ɖɔ hwlɛngán énɛ́ ɔ́ sín xó dó nukɔn, bɔ mɛ e se lɛ́ɛ ɖe kúnnu ná ɖɔ nǔgbó wɛ.

Eblée 9:28

Mɔ̌ ɖokpó ɔ́, Klísu sɔ́ éɖée dó sá vɔ̌ ná azɔn ɖokpó géé énɛ́ ɔ́ dó hwɛ gbɛtɔ́ gěgé tɔn tamɛ. É ná wá azɔn wegɔ́ ɔ́, é ka sɔ́ ná nyí hwɛhuhu wɛ é ná wá ɖe síin ǎ; lo ɔ́, mɛ e ɖo te kpɔ́n ɛ ɖɔ é ní wá hwlɛ́n émí gán lɛ́ɛ wɛ é ná wá hwlɛ́n gán.