Kɛ́nsísɔ́ 9:11 - MAWUXÓWÉMA

¹¹ Amɔ̌, sun wegɔ́ ɔ́ sín azǎn wǒ-ɛnɛgɔ́ ɔ́ gbe gbadanu wɛ é ná ɖu. Wɔ̌xúxú e mɛ è ma dó tɔ́n ǎ é kpódó amavívɛ́ kpó wɛ é ná dó ɖu.

Kɛ́nsísɔ́ 9:11 Iomraidhean Croise

Kɛ́nsísɔ́ 9:10

é ní ɖɔ nú Izlayɛ́li ví lɛ́ɛ ɖɔ: “Nú mɛ ɖé ɖo mi mɛ égbé, abǐ jijimɛ mitɔn e ná wá lɛ́ɛ ɖě mɛ, bó nyí mɛ blíblí ɖó é ɖó alɔ cyɔ wú wútu, abǐ é yi to mɛ aga ɔ́, é sixú wá ɖu Dǐndínwáyixwe ɔ́ dó kpa susu nú nyɛ Mawu Mavɔmavɔ.

Kɛ́nsísɔ́ 9:3

Mi ná nɔ́ ɖu xwe ɔ́ ɖo hwenu e un ɖó dó é. Hwe ɔ́ nu wɛ nyí sun élɔ́ sín azǎn wǒ-ɛnɛgɔ́ ɔ́ gbe gbadanu. Mi ná xwedó sɛ́n e ɖɔ xó dó xwé ɔ́ wú é kpódó tito e ɖɔ xó dó xwe ɔ́ wú é kpó lɛ́ɛ, bó dó ɖu.”

Jǎan 19:36

Nǔ énɛ́ lɛ́ɛ bǐ jɛ, bónú nǔ e è ko wlán ɖ'ayǐ ɖo Mawuxówéma ɔ́ mɛ ɔ́ ná dó jɛ; é wɛ nyí ɖɔ: “È nǎ gba xú tɔn ɖokpó géé lě ǎ.”

Sɛ́nflínmɛ 16:3

Mi ná ɖu wɔ̌xúxú e mɛ è dǒ tɔ́n ɔ́ xwe ɔ́ hwenu ǎ. Lo ɔ́, wɔ̌xúxú e mɛ è ma dó tɔ́n ǎ é wɛ mi ná ɖu káká nú azǎn tɛ́nwe. Énɛ́ xlɛ́ ɖɔ kpitikpiti wɛ mi tɔ́n sín Ejípu. Mi ɖo wamamɔnɔ wɔ̌xúxú énɛ́ ɖu wɛ ɔ́, é ná nɔ́ flín azǎn e gbe mi tɔ́n sín Ejípu é mi, bɔ mi ná wɔn gbeɖé ǎ.