Kɛ́nsísɔ́ 8:8 - MAWUXÓWÉMA

⁸ Énɛ́ ɔ́ gúdo ɔ́, yě ná ná nyibúsú wínnyáwínnyá ɖokpó, kpódó linfín e è sɔ́ ami dó nya ná ɔ́ kpó, bɔ hwi ɖésúnɔ ná zé nyibúsú wínnyáwínnyá ɖěvo, bɔ è nǎ dó sá hwɛxɔ́súsú vɔ́ ná.

Kɛ́nsísɔ́ 8:8 Iomraidhean Croise

Tíntɔ́n 29:1

“Lě e a nǎ bló gbɔn nú Aalɔ́ɔn kpó vǐ tɔn súnnu lɛ́ɛ kpó, bó ná ɖe yě ɖó vo, bɔ yě ná nɔ́ wa vɔ̌sánú-xwlémawutɔ́ sín azɔ̌ ɔ́ nú mì ɔ́ ɖíe: “Zě nyibúsú wínnyáwínnyá ɖokpó, bó zé agbo we; blɔ̌ ɖěbǔ má ɖo yě wú ó.

Tíntɔ́n 29:3

A nǎ bɛ́ nǔ énɛ́ lɛ́ɛ e a ɖa ɔ́ dó xasun mɛ, bó ná zé kpódó nyibúsú wínnyáwínnyá ɔ́ kpó, kpódó agbo we lɛ́ɛ kpó wá xwé ce gbe.

Ezayíi 53:10

Amɔ̌, Mawu Mavɔmavɔ sɔ́ wǔvɛ́ dó dó ya nú mɛsɛntɔ́ tɔn bɔ é vɛ́ jlɛ́; ényí é sɔ́ éɖée dó sá hwɛsɔ́kɛmɛvɔ́ ná ɔ́, é ná ɖó vǐ. Mɛsɛntɔ́ tɔn ná ɖó vǐ bó ná lɛ́ nɔ gbɛ káká. É jí wɛ Mawu Mavɔmavɔ ná gbɔn bó ná bló nǔ e é to lɛ́ɛ.

Levíi ví 1:3

“Nú nyibú wɛ mɛ ɔ́ jló ná zé dó sá vɔ̌ e è nɔ dó zo ɔ́ ná ɔ́, nyibúsú e má ɖó blɔ̌ ɖěbǔ ǎ ɔ́ wɛ mɛ ɔ́ ná dó sá vɔ̌ ɔ́; é ná kplá wá goxɔ ɔ́ sín alihɛ́nnu, bónú Mawu Mavɔmavɔ ná wa ɖagbe nú mɛ ɔ́.

Levíi ví 16:3

“Cóbónú Aalɔ́ɔn ka ná byɔ́ tɛn mímɛ́ bǐ ɔ́ mɛ ɔ́, é ná to zé nyibúsú wínnyáwínnyá ɖokpó, bó ná dó sá vɔ̌ e nɔ́ súnsún hwɛ sín kɔ nú mɛ ɔ́ ná, bó ná zé agbo ɖokpó, bó ná dó sá vɔ̌ e è nɔ dó zo ɔ́ ná hwɛ̌.

Levíi ví 2:1

Mawu Mavɔmavɔ ɖɔ: “Ényí mɛ ɖé jló ná hɛn nǔníná jinukún tɔn ɖé wá nú Mawu Mavɔmavɔ ɔ́, mɛ ɔ́ ní hɛn linfín; é ní kɔn ami dó linfín ɔ́ jí, bó hɛn zǎlínkpɔ́n d'é jí,

Levíi ví 4:14

Hwenu e è nǎ wá mɔ nǔ jɛ wú ɖɔ togun ɔ́ hu hwɛ ɔ́, agun ɔ́ ná ná nyibúsú wínnyáwínnyá ɖokpó, bɔ è nǎ dó sá hwɛsɔ́kɛmɛvɔ́ ná; è nǎ zé nyibúsú ɔ́ wá goxɔ e mɛ Mawu nɔ́ kpé yě ɖe ɔ́ sín alihɛ́nnu.

Levíi ví 4:3

“Ényí vɔ̌sánú-xwlémawutɔ́ ɖaxó ɔ́ wɛ hu hwɛ, bɔ é sín éyɛ́ wú, bɔ togun ɔ́ bǐ nyí nǔwanyidotɔ́ ɔ́, é ní zé nyibúsú wínnyáwínnyá e má ɖó blɔ̌ ɖěbǔ ǎ é ɖokpó dó sá vɔ̌ ná nú Mawu Mavɔmavɔ, bónú Mawu Mavɔmavɔ ná sɔ́ hwɛ e é hu lɛ́ɛ kɛ ɛ.

Levíi ví 8:2

“Kplá Aalɔ́ɔn kpó vǐ tɔn súnnu lɛ́ɛ kpó, bó hɛn awu lɛ́ɛ, ami e è nɔ ɖó ta nú mɛ é, nyibúsú e è nǎ dǒ sá hwɛsɔ́kɛmɛvɔ́ ná é, agbo we lɛ́ɛ, kpódó xasun e mɛ è bɛ̌ wɔ̌xúxú e mɛ è ma dó tɔ́n ǎ é kpó dó é.

Hlɔ̌manu 8:3

Nǔ e Mɔyízisɛ́n ɔ́ ma kpé wú bó bló ǎ ɖó hwɛhuhu sín ninɔmɛ e gbɛtɔ́ ɖó ɔ́ zɔ́n bɔ é vɔ́da wútu ɔ́, Mawu bló: é sɛ́ Vǐ é ɖésúnɔ tɔn dó, ɖó hwɛhuhu ɔ́ wútu, bɔ é zɔn agbaza mɛ wá; agbaza e mɛ é zɔn wá ɔ́ cí hwɛhuhu sín agbaza e gbɛtɔ́ ɖó é ɖɔhun. Mawu bló mɔ̌, bó dó ɖó hwɛ nú hwɛhuhu ɖo gbɛtɔ́ sín agbaza mɛ.

2 Kɔlɛ́ntinu 5:21

Klísu hu hwɛ ɖě kpɔ́n gbeɖé ǎ; amɔ̌ Mawu ɖíɖá ɛ hwɛ mǐtɔn lɛ́ɛ, bónú ɖo bǔ e mǐ ɖe xá Klísu ɔ́ mɛ ɔ́, mǐ ná sixú ɖu azɔ̌ e gbla mɛ Mawu sɔ́ mǐ dó húzú hwɛjijɔnɔ ná ɖo nukɔn tɔn ɔ́ sín le.