Kɛ́nsísɔ́ 8:7 - MAWUXÓWÉMA

⁷ Lě e a nǎ slá wǔ nú yě gbɔn ɔ́ ɖíe: a nǎ mi sin e è nɔ dó slá wǔ nú mɛ ɔ́ dó yě wú, bɔ yě ná xwlɛ́ fún e ɖo yě wú ɔ́ bǐ; yě ná nya avɔ yětɔn lɛ́ɛ, énɛ́ ɔ́, yě ná húzú mɛ mímɛ́.

Kɛ́nsísɔ́ 8:7 Iomraidhean Croise

Bǐbɛ́mɛ 35:2

Bɔ Jakɔ́bu ɖɔ nú xwédo tɔn kpódó mɛ e ɖo kpɔ́ xá ɛ lɛ́ɛ bǐ kpó ɖɔ: “Mi bɛ́ vodún mitɔn lɛ́ɛ bǐ síin. Mi slá wǔ bó ɖyɔ́ awu.

Ɖɛhan 51:2

Hwenu e Davídi ɖó xó xá Bɛtisabe Ulíi sín asi, bɔ Mawu sɛ́ gbeyíɖɔ tɔn Natáan dó gɔ̌n tɔn é wú wɛ han élɔ́ ɖɔ xó dó.

Ɖɛhan 51:7

Sín hwenu e è ji mì ɔ́ wɛ hwɛhuhu sín alɔxwixwí kó ɖo wǔ ce, bó ɖo wǔ ce sín nɔ ce xomɛ. Ée è dǒ xo ce é jɛ́n hwɛhuhu tɔ́ dó wǔ ce.

Tíntɔ́n 19:10

Mawu Mavɔmavɔ lɛ́ ɖɔ nú Mɔyízi ɖɔ: “Yi Izlayɛ́li ví lɛ́ɛ gɔ́n; slá wǔ nú yě égbé kpó sɔ kpó, yě ní nya avɔ yětɔn lɛ́ɛ.

Ezayíi 52:15

Amɔ̌, din ɔ́, xó tɔn kpácá togun gěgé; axɔ́sú lɛ́ɛ sɔ́ ná tunwun nǔ e yě ná ɖɔ ɖo nukɔn tɔn é ǎ, ɖó nǔ e mɔ wɛ yě ɖe ɔ́ gbɔn vo nú nǔ e è ɖɔ nú yě ɔ́. Nǔ e kpɔ́n wɛ yě ɖe é kpó nǔ e yě se ɔ́ kpó nyí nǔ ɖokpó ɔ́ ǎ.”

Jelemíi 4:14

Mawu ná ɖɔ: “Jeluzalɛ́mu, ɖe linlin nyanya sín ayi mɛ, lobo gán. Káká hwetɛ́nu ayi towe ná nɔ jikwíkwí mɔ̌ yi jɛ?

Ezekiyɛ́li 36:25

Un ná kɔn sin mímɛ́ dó mi jí, bɔ mi ná húzú mɛ mímɛ́. Un ná lɛ mi sín nǔ blíblí e mi wa lɛ́ɛ kpó vodún e mi sɛn lɛ́ɛ kpó mɛ.

Levíi ví 15:27

Mɛ e ná ɖ'alɔ nǔ énɛ́ lɛ́ɛ ɖě wú ɔ́, mɛ ɔ́ ná nya avɔ tɔn lɛ́ɛ, bó ná lɛ wǔ; é ká ná nyí mɛ blíblí káká jɛ gbadanu.

Levíi ví 15:6

Mɛ e ná jínjɔ́n nǔ e jí é jínjɔ́n ɔ́ jí ɔ́ ná nya avɔ tɔn lɛ́ɛ, bó ná lɛ wǔ; é ká ná nyí mɛ blíblí káká jɛ gbadanu.

Levíi ví 16:28

Mɛ e fyɔ́ nǔ énɛ́ lɛ́ɛ ɔ́ ɖó ná nya avɔ tɔn lɛ́ɛ, bó ná lɛ wǔ, cóbó ná byɔ́ fí e yě ɖǒ gɔnu ɖó é.

Levíi ví 8:6

Ée Mɔyízi ɖɔ mɔ̌ ɔ́, é ylɔ́ Aalɔ́ɔn kpó vǐ tɔn súnnu lɛ́ɛ kpó, bɔ yě sɛkpɔ́ ɛ, bɔ é slá wǔ nú yě.

Kɛ́nsísɔ́ 19:13

Mɛ e ná ɖó alɔ cyɔ wú, bó má ná mì sin énɛ́ ɔ́ dó wǔ dó slá wǔ ǎ ɔ́, mɛ ɔ́ ná ɖu su nú nɔtɛn Mawu Mavɔmavɔ tɔn; è nǎ ɖe mɛ ɔ́ sín togun Izlayɛ́li tɔn ɔ́ mɛ. È ma ko mì wǔsláslá sin ɔ́ dó wǔtu tɔn ǎ ɔ́, mɛ ɔ́ kpo ɖo mɛ blíblí nyí wɛ, bɔ nǔblíblí e é wa ɔ́ kpo ɖo te.

Kɛ́nsísɔ́ 31:20

Mɔ̌ ɖokpó ɔ́, mi ná slá wǔ nú avɔ mitɔn lɛ́ɛ bǐ, kpó nǔ e è zě anyǔ dó bló ná lɛ́ɛ bǐ kpó, kpó nǔ e è zě gbɔ̌fún dó lɔn ná lɛ́ɛ bǐ kpó, kpódó nǔ e è nɔ zán bɔ è zě atín dó bló ná lɛ́ɛ bǐ kpó.”

Kɛ́nsísɔ́ 8:21

Levíi ví lɛ́ɛ slá wǔ, bó nya avɔ yětɔn lɛ́ɛ, bɔ Aalɔ́ɔn ɖe yě ɖó vo nú Mawu Mavɔmavɔ; é bló lě e è nɔ bló gbɔn, bó nɔ́ ɖe mɛ ɖó vo nú Mawu ɔ́, bó sá hwɛxɔ́súsú vɔ́ nú yě, bɔ yě húzú mɛ mímɛ́.

Eblée 9:10

Đó Mawu sinsɛn gbɔn mɔ̌ ɔ́, nǔɖuɖu kpó ahan nunu kpó, kpódó wǔsláslá sín nǔwiwa tɛnmɛ tɛnmɛ lɛ́ɛ kpó sín sɛ́n kpowun wɛ; tito gbɛtɔ́ tɔn kpowun wɛ, bó wa azɔ̌ káká jɛ hwenu e Mawu vɔ́ nǔ lɛ́ɛ bǐ to dó é.

Eblée 9:13

Mɛ e ɖu su lɛ́ɛ ɔ́, gbǎgbá sín hun kpó nyibúsú sín hun kpó wɛ è nɔ dó slá wǔ nú agbaza yětɔn; nyibú asi wínnyáwínnyá wɛ è nɔ dó zo, bó nɔ́ fúnfún afín tɔn yě jǐ, bó nɔ́ dó slá wǔ nú agbaza yětɔn.

Jaki 4:8

Mi sɛkpɔ́ Mawu; énɛ́ ɔ́ é ná sɛkpɔ́ mi. Mi hwɛhutɔ́ lɛ́ɛ, mi klɔ́ alɔ mitɔn lɛ́ɛ; mi yɛmɛnúwatɔ́ lɛ́ɛ, mi slá wǔ nú ayixa mitɔn lɛ́ɛ!

1 Piyɛ́ɛ 3:21

Nǔ e sín akpajlɛ́ nyí wɛ sin ɔ́ ɖe ɔ́ wɛ nyí yɛhwesin e ɖo mi lɔ hwlɛngán wɛ din e. Yɛhwesin ɔ́, ɖixó agbaza tɔn lɛ́ɛ wɛ é nɔ ɖe síin ǎ, lo ɔ́ vo sa nú Mawu wɛ é ɖe ɖɔ é ní ná ayixa mímɛ́ mi. Fɔ́n e Jezu Klísu fɔ́n sín kú ɔ́ zɔ́n bɔ yɛhwesin hwlɛ́n mi gán.

Nǔɖexlɛ́mɛ 7:14

Un yí gbe n'i ɖɔ: “Aklúnɔ ce, un ma tunwun nɛ́, hwi wɛ tunwun.” Bɔ é ɖɔ nú mì ɖɔ: “Mɛ e è dǒ ya ɖaxó ɔ́ ná lɛ́ɛ é wɛ. Yě nya awu gaga yětɔn lɛ́ɛ, bó bɛ́ dó Lɛ̌ngbɔ́ví ɔ́ sín hun mɛ, bɔ awu lɛ́ɛ wé.