Kɛ́nsísɔ́ 8:22 - MAWUXÓWÉMA

²² Énɛ́ ɔ́ gúdo ɔ́, Levíi ví lɛ́ɛ wá wa azɔ̌ yětɔn ɖo Goxɔ ɔ́ mɛ, ɖo Aalɔ́ɔn kpódó vǐ tɔn súnnu lɛ́ɛ kpó sín nukɔn, lě e Mawu Mavɔmavɔ kó ɖɔ gbɔn nú Mɔyízi dó Levíi ví lɛ́ɛ wú é.

Kɛ́nsísɔ́ 8:22 Iomraidhean Croise

2 Tan 30:27

Ée yě ɖu xwe ɔ́ fó ɔ́, vɔ̌sánú-xwlémawutɔ́ Levíi ví lɛ́ɛ sí te bó xo ɖɛ dó togun ɔ́ jí. Mawu ɖótó yě, bɔ ɖɛ yětɔn hun káká yi sɛ́xwé, nɔtɛn mímɛ́ Mawu tɔn ɔ́.

2 Tan 31:2

Ezekiyási vɔ́ vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó sín gbɛ̌ta lɛ́ɛ to, bó ná azɔ̌ mɛ ɖokpó ɖokpó ɖo gbɛ̌ta tɔn mɛ. Vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó ná nɔ kpé nukún dó vɔ̌ e è nɔ dó zo lɛ́ɛ kpó kɔnɖókpɔ́vɔ́ lɛ́ɛ kpó wú, bó ná nɔ kpé nukún dó sinsɛnxɔmɛzɔ́ lɛ́ɛ wú, bó ná nɔ́ kpé nukún dó hanjiji kpó susu kpa nú Mawu kpó wú, ɖo Mawu Mavɔmavɔ xwé gbe.

Tíntɔ́n 12:50

Izlayɛ́li ví lɛ́ɛ bǐ blǒ nǔ e Mawu Mavɔmavɔ ɖɔ nú Mɔyízi kpó Aalɔ́ɔn kpó lɛ́ɛ bǐ. Yě ɖe ɖěbǔ kpo ǎ.

Kɛ́nsísɔ́ 1:50

A nǎ zé azɔ̌ e nyí Goxɔ ɔ́ tɔn lɛ́ɛ dó alɔ mɛ nú Levíi ví lɛ́ɛ; fínɛ́ wɛ akɔjijɛgbá ɔ́ ɖe. Nǔ e è dǒ bló Goxɔ ɔ́ ná lɛ́ɛ kpó nǔ e è nɔ zán ɖo xwé ɔ́ gbe lɛ́ɛ kpó sín azɔ̌ lɛ́ɛ ɔ́, a nǎ zé dó alɔ mɛ nú yě. Yě wɛ ná nɔ́ zé Goxɔ ɔ́ kpó nǔ e è nɔ zán ɖ'é mɛ lɛ́ɛ bǐ kpó. Yě wɛ ná nɔ wa azɔ̌ ɖo xwé ɔ́ gbe; yě wɛ ná nɔ́ ɖó gɔnu lɛ́ lɛ̌ dó Goxɔ ɔ́.

Kɛ́nsísɔ́ 8:15

Énɛ́ ɔ́, Levíi ví lɛ́ɛ ná nɔ́ wá wa azɔ̌ ɖo Goxɔ ɔ́ mɛ. “Lě e a nǎ slá wǔ nú yě gbɔn, bó ná bló lě e è nɔ bló gbɔn, bó nɔ́ ɖe mɛ ɖó vo nú mì gbɔn ɔ́ nɛ́.

Kɛ́nsísɔ́ 8:21

Levíi ví lɛ́ɛ slá wǔ, bó nya avɔ yětɔn lɛ́ɛ, bɔ Aalɔ́ɔn ɖe yě ɖó vo nú Mawu Mavɔmavɔ; é bló lě e è nɔ bló gbɔn, bó nɔ́ ɖe mɛ ɖó vo nú Mawu ɔ́, bó sá hwɛxɔ́súsú vɔ́ nú yě, bɔ yě húzú mɛ mímɛ́.

Kɛ́nsísɔ́ 8:23

Mawu Mavɔmavɔ ɖɔ nú Mɔyízi ɖɔ: