Kɛ́nsísɔ́ 8:20 - MAWUXÓWÉMA

²⁰ Mɔyízi kpó Aalɔ́ɔn kpó, kpódó Izlayɛ́li ví lɛ́ɛ bǐ kpó bló nǔ e Mawu Mavɔmavɔ ɖɔ nú Mɔyízi dó Levíi ví lɛ́ɛ wú é.

Kɛ́nsísɔ́ 8:20 Iomraidhean Croise

Tíntɔ́n 12:50

Izlayɛ́li ví lɛ́ɛ bǐ blǒ nǔ e Mawu Mavɔmavɔ ɖɔ nú Mɔyízi kpó Aalɔ́ɔn kpó lɛ́ɛ bǐ. Yě ɖe ɖěbǔ kpo ǎ.

Kɛ́nsísɔ́ 1:50

A nǎ zé azɔ̌ e nyí Goxɔ ɔ́ tɔn lɛ́ɛ dó alɔ mɛ nú Levíi ví lɛ́ɛ; fínɛ́ wɛ akɔjijɛgbá ɔ́ ɖe. Nǔ e è dǒ bló Goxɔ ɔ́ ná lɛ́ɛ kpó nǔ e è nɔ zán ɖo xwé ɔ́ gbe lɛ́ɛ kpó sín azɔ̌ lɛ́ɛ ɔ́, a nǎ zé dó alɔ mɛ nú yě. Yě wɛ ná nɔ́ zé Goxɔ ɔ́ kpó nǔ e è nɔ zán ɖ'é mɛ lɛ́ɛ bǐ kpó. Yě wɛ ná nɔ wa azɔ̌ ɖo xwé ɔ́ gbe; yě wɛ ná nɔ́ ɖó gɔnu lɛ́ lɛ̌ dó Goxɔ ɔ́.

Kɛ́nsísɔ́ 1:54

Izlayɛ́li ví lɛ́ɛ wa nǔ, bɔ é sɔgbe xá lě e Mawu Mavɔmavɔ ɖɔ nú Mɔyízi gbɔn é pɛ́pɛ́pɛ́.

Kɛ́nsísɔ́ 8:19

Un ɖe Levíi ví lɛ́ɛ sín Izlayɛ́li ví ɖě lɛ́ɛ tɛ́ntin, bó sɔ́ yě jó nú Aalɔ́ɔn kpódó vǐ tɔn súnnu lɛ́ɛ kpó, bónú yě ná nɔ́ wa Izlayɛ́li ví lɛ́ɛ sín azɔ̌ ɖo Goxɔ ɔ́ mɛ, bó ná sá vɔ̌ e nɔ́ súnsún hwɛ ɔ́ ɖó ta yětɔn mɛ. Énɛ́ ɔ́, nú Izlayɛ́li ví lɛ́ɛ sɛkpɔ́ Mawu xwé ɔ́, nyladó ɖěbǔ ná kɔn dó yě jí ǎ.”

Kɛ́nsísɔ́ 8:21

Levíi ví lɛ́ɛ slá wǔ, bó nya avɔ yětɔn lɛ́ɛ, bɔ Aalɔ́ɔn ɖe yě ɖó vo nú Mawu Mavɔmavɔ; é bló lě e è nɔ bló gbɔn, bó nɔ́ ɖe mɛ ɖó vo nú Mawu ɔ́, bó sá hwɛxɔ́súsú vɔ́ nú yě, bɔ yě húzú mɛ mímɛ́.

Kɛ́nsísɔ́ 9:22

Amɔ̌, nú akpɔ́kpɔ́ ɔ́ nɔ Goxɔ ɔ́ jí nú azǎn we, abǐ nú sun ɖokpó, abǐ nú xwe ɖokpó ɔ́, Izlayɛ́li ví lɛ́ɛ nɔ́ cí fínɛ́; yě nɔ́ jɛ ali ǎ. Nú akpɔ́kpɔ́ ɔ́ wá sí te ɔ́, yě nɔ́ jɛ ali.

Kɛ́nsísɔ́ 9:5

Énɛ́ ɔ́, yě ɖu Dǐndínwáyixwe ɔ́ ɖo sun nukɔn tɔn ɔ́ sín azǎn wǒ-ɛnɛgɔ́ ɔ́ gbe gbadanu, ɖo gbětótló Sinayíi tɔn mɛ. Lě e Mawu Mavɔmavɔ ɖɔ gbɔn nú Mɔyízi ɔ́ bǐ wɛ yě xwedó bó dó ɖu xwe ɔ́.