Kɛ́nsísɔ́ 8:2 - MAWUXÓWÉMA

² é ní ɖɔ nú Aalɔ́ɔn ɖɔ: “Hwenu e a nǎ bɛ́ zogbɛ́n tɛ́nwe lɛ́ɛ ɖó zogbɛ́nhɛnnú ɔ́ jí ɔ́, blǒ bónú yě nǐ ɖi ɖɛ̌ dó nukɔn.”

Kɛ́nsísɔ́ 8:2 Iomraidhean Croise

Ɖɛhan 119:105

Xó towe wɛ nyí zogbɛ́n e nɔ́ xlɛ́ fí e un ná tɛ afɔ é mì, é wɛ nyí wěziza ɖo ali ce jí.

Ɖɛhan 119:130

È tín xó towe mɛ nú mɛɖé ɔ́, mɛ ɔ́ nɔ́ mɔ wěziza; è tínmɛ nú xlonɔ ɔ́, é nɔ́ mɔ nukúnnú jɛ nǔ mɛ.

Tíntɔ́n 25:37

A nǎ bló zogbɛ́n tɛ́nwe, bɔ è nǎ bɛ́ yě ɖó zogbɛ́nhɛnnú ɔ́ jí; è nǎ tá zogbɛ́n lɛ́ɛ bɔ yě ná nɔ́ ɖi ɖɛ̌ dó nukɔn.

Tíntɔ́n 37:23

É zé siká akú dó bló zogbɛ́nhɛnnú ɔ́ sín zogbɛ́n tɛ́nwe lɛ́ɛ kpó nǔ e è nɔ dó bló myɔ ɔ́ ɖó ná lɛ́ɛ kpó, kpódó nǔ e mɛ afín nɔ kɔn nyi lɛ́ɛ kpó.

Tíntɔ́n 39:37

Zogbɛ́nhɛnnú e è sɔ́ siká akú dó bló ná é, kpó zogbɛ́n tɔn lɛ́ɛ kpó, kpódó nǔ e è nɔ zán ɖo zogbɛ́nhɛnnú ɔ́ kɔn lɛ́ɛ bǐ kpó ami e è nǎ tá myɔ ɔ́ ná é kpó.

Tíntɔ́n 40:25

É tá zogbɛ́n lɛ́ɛ ɖ'é jí, ɖo Mawu Mavɔmavɔ nukɔn, lě e Mawu Mavɔmavɔ kó ɖɔ n'i gbɔn é.

Ezayíi 8:20

mi ɖɔ nú yě ɖɔ: “Kplɔ́n Mawu tɔn lɛ́ɛ kpó wɛn tɔn lɛ́ɛ kpó wɛ è nǎ xwedó.” Mɛ e ma ná ɖɔ mɔ̌ ǎ ɔ́, ayǐ ná hɔ́n dó e ǎ.

Levíi ví 24:4

Aalɔ́ɔn ná fɔ zogbɛ́n lɛ́ɛ ɖó zogbɛ́nhɛnnú e è sɔ́ siká akú dó bló ná ɔ́ jí, bɔ yě ná nɔ́ ɖo jiji wɛ zǎn mɛ tɛgbɛ ɖo nyɛ Mawu Mavɔmavɔ nukɔn.”

Kɛ́nsísɔ́ 8:1

Mawu Mavɔmavɔ ɖɔ nú Mɔyízi ɖɔ

Kɛ́nsísɔ́ 8:3

Aalɔ́ɔn bló lě e è ɖɔ gbɔn ɔ́. É fɔ zogbɛ́n lɛ́ɛ ɖó zogbɛ́nhɛnnú ɔ́ jí ɖo nukɔn lě e Mawu Mavɔmavɔ ɖɔ gbɔn nú Mɔyízi é.

Matíe 5:14

“Mi wɛ nyí wěziza nú gbɛ ɔ́; to e ɖo só jí ɔ́ sixú nɔ hwlǎhwlá ǎ.

Jǎan 1:9

Wěziza énɛ́ ɔ́ wɛ nyí wěziza nǔgbó e wá gbɛ ɔ́ mɛ, bó hɔ́n dó gbɛtɔ́ lɛ́ɛ bǐ jí é.

2 Piyɛ́ɛ 1:19

Énɛ́ ɔ́ zɔ́n bɔ mǐ lɛ́ ɖó jiɖiɖe dó wɛn e gbeyíɖɔ Mawu tɔn lɛ́ɛ dó ɔ́ wú ganjí. Ényí mi wlí tó wú ganjí ɔ́, é ná nyɔ́, ɖó é cí zogbɛ́n e ɖo ɖɛ̌ ɖi wɛ ɖo zǐnflú mɛ káká bɔ ayǐ ná hɔ́n, bɔ sunví zǎnzǎn tɔn ná ná wěziza dó ayi mitɔn mɛ ɔ́ ɖɔhun.

Nǔɖexlɛ́mɛ 1:12

Un lílɛ́, bó ná kpɔ́n mɛ e ɖo xó ɖɔ nú mì wɛ é; énɛ́ ɔ́, un mɔ sikázogbɛ́nhɛnnú tɛ́nwe.

Nǔɖexlɛ́mɛ 1:20

Sunví tɛ́nwe e mɔ wɛ a ɖe ɖo alɔ ce ɖisí ɔ́ mɛ lɛ́ɛ kpó sikázogbɛ́nhɛnnú tɛ́nwe lɛ́ɛ kpó ɔ́, nǔbúdo e ɖe xlɛ́ wɛ yě ɖe ɔ́ ɖíe: sunví tɛ́nwe lɛ́ɛ ɔ́, agun Klísu tɔn tɛ́nwe lɛ́ɛ sín wɛnsagun lɛ́ɛ wɛ; bɔ zogbɛ́nhɛnnú tɛ́nwe lɛ́ɛ nyí agun Klísu tɔn tɛ́nwe lɛ́ɛ.”

Nǔɖexlɛ́mɛ 4:5

Jǐ nɔ kɛ wun, è nɔ se gbe ɖé lɛ́ɛ; jǐ nɔ dó gbe sín axɔ́súzinkpo ɔ́ kɔn. Zohwín tɛ́nwe ɖo jiji wɛ ɖo axɔ́súzinkpo ɔ́ nukɔn; zohwín tɛ́nwe énɛ́ lɛ́ɛ ɔ́, Yɛ Mawu tɔn tɛ́nwe lɛ́ɛ wɛ.