Kɛ́nsísɔ́ 8:16 - MAWUXÓWÉMA

¹⁶ Đó ce wɛ yě nyǐ; yě wɛ sɔ́ Izlayɛ́li ví ɖě lɛ́ɛ sín afɔ ɖó te. Un ɖe yě ɖó vo nú nyɛɖée, bɔ yě ná nɔ Izlayɛ́li ví ɖě lɛ́ɛ sín tɛn mɛ.

Kɛ́nsísɔ́ 8:16 Iomraidhean Croise

Tíntɔ́n 13:2

“Sɔ́ nukɔngbéví bǐ ɖó vo nú mì ɖo Izlayɛ́li: Nukɔngbéví súnnu e nyɔ̌nu ji ɔ́, ce wɛ; nukɔngbéví asú e kanlin ji ɔ́, ce wɛ.”

Kɛ́nsísɔ́ 3:12

“Nyɛ Mawu Mavɔmavɔ ɖésú wɛ sɔ́ Levíi ví súnnu lɛ́ɛ ɖo Izlayɛ́li ví ɖě lɛ́ɛ bǐ mɛ, bó sɔ́ yě ɖó togun Izlayɛ́li tɔn ɔ́ sín nukɔngbéví lɛ́ɛ bǐ do mɛ; ce wɛ yě nyí.

Kɛ́nsísɔ́ 3:13

Nǔgbó ɔ́, gbe e gbe un hu Ejípunu lɛ́ɛ sín nukɔngbéví súnnu lɛ́ɛ bǐ ɔ́, un ɖe Izlayɛ́li ví lɛ́ɛ sín nukɔngbéví súnnu lɛ́ɛ kpódó kanlin yětɔn lɛ́ɛ sín nukɔngbéví asú lɛ́ɛ kpó ɖó vo nú nyɛɖée; ce wɛ yě nyǐ. Nyɛ wɛ nyí Mawu Mavɔmavɔ.”

Kɛ́nsísɔ́ 3:45

“Đe Levíi ví lɛ́ɛ ɖó vo nú yě ná nyí nyɛ Mawu Mavɔmavɔ ɔ́ tɔn, ɖó Izlayɛ́li ví ɖě lɛ́ɛ sín nukɔngbéví lɛ́ɛ sín tɛnmɛ, bónú yě ná nyí ce. Mɔ̌ ɖokpó ɔ́, jǒ Levíi ví lɛ́ɛ sín kanlin lɛ́ɛ nú mì, ɖó Izlayɛ́li ví ɖě lɛ́ɛ sín kanlin lɛ́ɛ sín nukɔngbéví lɛ́ɛ tɛnmɛ, bónú yě ná nyí ce.

Kɛ́nsísɔ́ 3:6

“Kplá Levíi ví lɛ́ɛ dó así nú vɔ̌sánú-xwlémawutɔ́ Aalɔ́ɔn, bónú yě ná nɔ́ gɔ́ alɔ n'i.

Kɛ́nsísɔ́ 3:9

Énɛ́ ɔ́, a nǎ sɔ́ Levíi ví lɛ́ɛ jó nú Aalɔ́ɔn kpódó vǐ tɔn súnnu lɛ́ɛ kpó bónú yě ná dó alɔ yě. Izlayɛ́li ví ɖě lɛ́ɛ ná sɔ́ yě jó bǐ gbídígbídí.