Kɛ́nsísɔ́ 8:14 - MAWUXÓWÉMA

¹⁴ A nǎ ɖe Levíi ví lɛ́ɛ sín Izlayɛ́li ví ɖě lɛ́ɛ mɛ, bɔ yě ná nyí nyɛ Mawu Mavɔmavɔ tɔn.

Kɛ́nsísɔ́ 8:14 Iomraidhean Croise

Malacíi 3:17

Bɔ Mawu Mavɔmavɔ Nǔbǐwúkpétɔ́ ɔ́ ɖɔ: “Gbe e gbe un ná ɖe hlɔ̌nhlɔ́n ce xlɛ́ ɔ́, un ná zé mɛ énɛ́ lɛ́ɛ dó ɖó mɛ ce ná. Yě ná nyí togun ce, un ná nyɔ́ xomɛ dó yě wú lě e tɔ́ nɔ́ nyɔ́ xomɛ dó vǐ e nɔ́ sɛn ɛ ɔ́ wú gbɔn é.

Kɛ́nsísɔ́ 18:6

Éɖíe! Un ɖe nɔví mitɔn Levíi ví lɛ́ɛ sín Izlayɛ́li ví ɖě lɛ́ɛ mɛ. Yě nyí ce bɔ un sɔ́ yě dó así nú mi, bónú yě ná nɔ́ wa azɔ̌ lɛ́ɛ ɖo Goxɔ ɔ́ mɛ.

Kɛ́nsísɔ́ 3:12

“Nyɛ Mawu Mavɔmavɔ ɖésú wɛ sɔ́ Levíi ví súnnu lɛ́ɛ ɖo Izlayɛ́li ví ɖě lɛ́ɛ bǐ mɛ, bó sɔ́ yě ɖó togun Izlayɛ́li tɔn ɔ́ sín nukɔngbéví lɛ́ɛ bǐ do mɛ; ce wɛ yě nyí.

Kɛ́nsísɔ́ 3:45

“Đe Levíi ví lɛ́ɛ ɖó vo nú yě ná nyí nyɛ Mawu Mavɔmavɔ ɔ́ tɔn, ɖó Izlayɛ́li ví ɖě lɛ́ɛ sín nukɔngbéví lɛ́ɛ sín tɛnmɛ, bónú yě ná nyí ce. Mɔ̌ ɖokpó ɔ́, jǒ Levíi ví lɛ́ɛ sín kanlin lɛ́ɛ nú mì, ɖó Izlayɛ́li ví ɖě lɛ́ɛ sín kanlin lɛ́ɛ sín nukɔngbéví lɛ́ɛ tɛnmɛ, bónú yě ná nyí ce.

Kɛ́nsísɔ́ 3:9

Énɛ́ ɔ́, a nǎ sɔ́ Levíi ví lɛ́ɛ jó nú Aalɔ́ɔn kpódó vǐ tɔn súnnu lɛ́ɛ kpó bónú yě ná dó alɔ yě. Izlayɛ́li ví ɖě lɛ́ɛ ná sɔ́ yě jó bǐ gbídígbídí.

Kɛ́nsísɔ́ 6:2

é ní ɖɔ nú Izlayɛ́li ví lɛ́ɛ ɖɔ: “Nú mɛ ɖé dó akpá ɖɔ émí gbɛ́ nǔ bǐ, bó ná sɔ́ émíɖée ɖó vo nú Mawu Mavɔmavɔ, bó ná nɔ́ wa azɔ̌ n'i, lobo ɖe éɖée ɖó vo ɖo mɛ ɖě lɛ́ɛ mɛ ɔ́,

Kɛ́nsísɔ́ 8:13

A nǎ bló bɔ Levíi ví lɛ́ɛ ná nɔ te ɖo Aalɔ́ɔn kpó vǐ tɔn súnnu lɛ́ɛ kpó sín nukɔn, bɔ a nǎ bló lě e è nɔ bló gbɔn, bó nɔ́ ɖe mɛ ɖó vo nú mì ɔ́, bó ɖe yě ɖó vo nú mì.

Kɛ́nsísɔ́ 8:17

Đó nukɔngbéví e ɖo Izlayɛ́li lɛ́ɛ bǐ wɛ nyí ce; é sixú nyí gbɛtɔ́, é sixú nyí kanlin, ɖó gbe e gbe un hu nukɔngbéví lɛ́ɛ bǐ ɖo Ejípu ɔ́, un ko ɖe yě ɖó vo nú nyɛɖée,

Hlɔ̌manu 1:1

Nyɛ Pɔ́lu mɛsɛntɔ́ Klísu Jezu tɔn e Mawu ylɔ́ bónú ma nyí mɛsɛ́dó ɔ́ wɛ ɖo wěma élɔ́ sɛ́ dó mi wɛ, bó ɖo gbe dó mi wɛ; Mawu wɛ ɖe mì ɖó vo bónú ma jlá Wɛn Ɖagbe tɔn.

Galatinu 1:15

Lo ɔ́, Mawu ɔ́, ɖo nyɔ̌ná tɔn mɛ ɔ́, é ko sɔ́ mì cóbɔ è wá ji mì, bó ylɔ́ mì, bónú má sɛn ɛ.

Sɛ́nflínmɛ 10:8

Hwenɛ́nu ɔ́, Mawu Mavɔmavɔ ɖe akɔta Levíi tɔn ɔ́ ɖó vo, bó zé azɔ̌ élɔ́ lɛ́ɛ dó así nú yě: yě ná nɔ hɛn akɔjijɛgbá Mawu Mavɔmavɔ tɔn, yě ná nɔ́ ɖo xwé gbe bó ná nɔ ɖo azɔ̌ tɔn wa wɛ hwebǐnu, yě ná nɔ́ xo ɖɛ dó mɛ jí, ɖo Mawu Mavɔmavɔ sín nyǐkɔ mɛ. Yě wɛ kpo ɖo azɔ̌ énɛ́ lɛ́ɛ wa wɛ káká jɛ égbé.

Eblée 7:26

Hǔn, Jezu wɛ nyí vɔ̌sánú-xwlémawutɔ́ ɖaxó e jɛ xá mǐ é, ɖó é nyí mɛ mímɛ́; é wa nǔ nyanya ɖěbǔ ǎ; hwɛ ɖěbǔ ɖo kɔ n'i ǎ. È sɔ́ ɛ ɖó vo nú hwɛhutɔ́ lɛ́ɛ, bó sɔ́ ɛ dó jǐ aga ɖo sɛ́xwé.