Kɛ́nsísɔ́ 8:12 - MAWUXÓWÉMA

¹² Levíi ví lɛ́ɛ ná fɔ alɔ ɖó nyibúsú we lɛ́ɛ ta, bɔ a nǎ sɔ́ ɖokpó dó sá hwɛxɔ́súsú vɔ́ ná, bó ná sɔ́ wegɔ́ ɔ́ dó sá vɔ̌ e è nɔ dó zo ɔ́ ná, bónú è nǎ sɔ́ hwɛ kɛ Levíi ví lɛ́ɛ.

Kɛ́nsísɔ́ 8:12 Iomraidhean Croise

Tíntɔ́n 29:10

“Énɛ́ ɔ́ gúdo ɔ́, a nǎ zé nyibúsú ɔ́ wá goxɔ ɔ́ nukɔn, bɔ Aalɔ́ɔn kpódó vǐ tɔn súnnu lɛ́ɛ kpó ná fɔ alɔ ɖó ta tɔn,

Levíi ví 1:4

Mɛ ɔ́ ná sɔ́ alɔ ɖó kanlin ɔ́ ta; énɛ́ ɔ́, Mawu Mavɔmavɔ ná yí kanlin ɔ́, bó ná súnsún hwɛ e é hu lɛ́ɛ.

Levíi ví 14:22

É ná lɛ́ ná xwelé we, abǐ ahwannɛ́ví we, lě e é kpé wú gbɔn é. É ná zé ɖokpó ɖó te nú hwɛsɔ́kɛmɛvɔ́ ɔ́, bó ná zé wegɔ́ ɔ́ ɖó te nú vɔ̌ e è nɔ dó zo é.

Levíi ví 16:11

“Aalɔ́ɔn ná gbo gbe nyibúsú ɔ́ dó sá hwɛsɔ́kɛmɛvɔ́, bó ná bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́ dó súnsún hwɛ é ɖésúnɔ tɔn kpó xwédo tɔn lɛ́ɛ tɔn kpó. É gbo gbe nyibúsú ɔ́ mɔ̌ ɔ́,

Levíi ví 16:21

É ná fɔ alɔ tɔn we lɛ́ɛ ɖó ta nú gbǎgbá ɔ́, bó ná ɖɔ nǔblíblí e Izlayɛ́li ví lɛ́ɛ wa lɛ́ɛ bǐ, kpó sɛ́n e yě gba lɛ́ɛ bǐ kpó, káká jɛ hwɛ e yě hu lɛ́ɛ bǐ jí, dó gbǎgbá ɔ́ jí, bó ná ɖíɖá hwɛgban tɔn ɛ, lobo ná ɖe mɛ ɖokpó, bɔ é ná kplá gbǎgbá ɔ́ yi gbětótló mɛ, bó ná jó e dó.

Levíi ví 16:6

“Aalɔ́ɔn ná zé nyibúsú ɔ́ dó sá hwɛsɔ́kɛmɛvɔ́, bó ná bló lě e è nɔ bló gbɔn bó nɔ́ xwlé vɔ̌sánú Mawu Mavɔmavɔ ɔ́ dó súnsún hwɛ é ɖésúnɔ tɔn kpódó xwédo tɔn lɛ́ɛ tɔn kpó.

Levíi ví 4:15

Tomɛxó Izlayɛ́li tɔn lɛ́ɛ ná zé alɔ yětɔn ɖó nyibúsú ɔ́ ta, bɔ è nǎ gbo gbe e ɖo Mawu Mavɔmavɔ nukɔn.

Levíi ví 4:20

Lě e é ná wa nyibúsú e é sɔ́ dó sá hwɛsɔ́kɛmɛvɔ́ nú é ɖésúnɔ ɔ́ sín nǔ gbɔn ɔ́ wɛ é ná wa nyibúsú énɛ́ sín nǔ gbɔn. Nú é bló lě e è nɔ bló gbɔn bó nɔ́ xwlé vɔ̌sánú mì ɔ́, bó sá vɔ̌ e nɔ́ súnsún hwɛ sín kɔ nú mɛ ɔ́ nú yě ɔ́ gbɔn mɔ̌ ɔ́, Mawu Mavɔmavɔ ná sɔ́ hwɛ e yě hu lɛ́ɛ kɛ yě.

Levíi ví 4:35

É ná ɖe kanlin ɔ́ sín jǒ lɛ́ɛ bǐ lě e è nɔ ɖe kanlin e è nɔ dó sá kɔnɖókpɔ́ vɔ́ ná ɔ́ sín jǒ gbɔn é, bó ná dó zo ɖo vɔ̌sákpe ɔ́ jí, ɖo vɔ̌ ɖě lɛ́ɛ e dó zo wɛ è ɖe lɛ́ɛ jí, bɔ é ná nyí vɔ̌ e è nɔ dó zo ɖo Mawu Mavɔmavɔ nukɔn é. Nú vɔ̌sánú-xwlémawutɔ́ ɔ́ bló lě e è nɔ bló gbɔn, bó nɔ́ xwlé vɔ̌sánú mì ɔ́, bó sá vɔ̌ e nɔ́ súnsún hwɛ sín kɔ nú mɛ ɔ́ gbɔn mɔ̌ ɔ́, Mawu Mavɔmavɔ ná sɔ́ hwɛ e é hu lɛ́ɛ kɛ ɛ.”

Levíi ví 4:4

É ná zé nyibúsú ɔ́ wá goxɔ e mɛ Mawu Mavɔmavɔ nɔ́ kpé togun tɔn ɖe ɔ́ sín alihɛ́nnu, ɖo Mawu Mavɔmavɔ nukɔn. É ná sɔ́ alɔ ɖó kanlin ɔ́ ta, bó ná gbo gbe e ɖo Mawu Mavɔmavɔ nukɔn.

Levíi ví 5:7

Mawu Mavɔmavɔ ɖɔ: “Ényí mɛɖé má ɖó akwɛ́ e é ná dó xɔ gbɔ̌ ná ɔ́ ǎ ɔ́, é ná zé xwelé we abǐ ahwannɛ́ wínnyáwínnyá we dó sá vɔ̌ ná nú Mawu Mavɔmavɔ, bɔ é ná nyí hwɛ e é hu ɔ́ sín vɔ̌. É ná zé ɖokpó dó sá hwɛsɔ́kɛmɛvɔ́, bó ná zé wegɔ́ ɔ́ dó sá vɔ̌ e è nɔ dó zo ɔ́.

Levíi ví 8:14

Énɛ́ ɔ́ gúdo ɔ́, Mɔyízi dɔn nyibúsú e è nǎ dó sá hwɛsɔ́kɛmɛvɔ́ ná ɔ́ wá, bɔ Aalɔ́ɔn kpó vǐ tɔn súnnu lɛ́ɛ kpó fɔ alɔ ɖó nyibúsú ɔ́ ta.

Levíi ví 8:15

Mɔyízi gbo gbe nyibúsú ɔ́, bó yí hun tɔn bó sɔ́ alɔví tɔn d'é mɛ, bó sá dó vɔ̌sákpe ɔ́ sín zo lɛ́ɛ wú lɛ́ lɛ̌ dó, bó dó slá wǔ nú vɔ̌sákpe ɔ́. É kɔn hun e kpo ɔ́ nyi vɔ̌sákpe ɔ́ sín dodó wú; lě e é slá wǔ nú vɔ̌sákpe ɔ́, bó ɖe ɖó vo bɔ è nǎ nɔ́ sá vɔ̌ e nɔ súnsún hwɛ sín kɔ nú mɛ ɔ́ ɖ'é jí gbɔn ɔ́ nɛ́.

Levíi ví 8:18

Énɛ́ ɔ́ gúdo ɔ́, Mɔyízi dɔn agbo e è nǎ dó sá vɔ̌ e è nɔ dó zo ɔ́ wá, bɔ Aalɔ́ɔn kpó vǐ tɔn súnnu lɛ́ɛ kpó fɔ alɔ ɖó agbo ɔ́ ta.

Levíi ví 8:34

Nǔ e è blǒ égbé din ɔ́, Mawu Mavɔmavɔ wɛ ná gbe ɖɔ è nǐ bló, bónú é ná súnsún hwɛ e mi hu lɛ́ɛ.

Levíi ví 9:7

Mɔyízi lɛ́ ɖɔ nú Aalɔ́ɔn ɖɔ: “Sɛkpɔ́ vɔ̌sákpe ɔ́; blǒ lě e è nɔ bló gbɔn, bó nɔ́ xwlé vɔ̌sánú mì ɔ́, bó sá hwɛsɔ́kɛmɛvɔ́, bó sá vɔ̌ e è nɔ dó zo é, bó dó súnsún hwi kpó togun ɔ́ kpó sín hwɛ. Sá vɔ̌ togun ɔ́ tɔn lɔ, bó dó súnsún hwɛ sín kɔ n'i lě e Mawu Mavɔmavɔ zɔ́n gbɔn é.”

Kɛ́nsísɔ́ 6:14

É ná hɛn kanlin e ma ɖó blɔ̌ ǎ atɔn bó yi ná Mawu Mavɔmavɔ: é ná ná lɛ̌ngbɔ́ví asú e ɖó xwe ɖokpó ɔ́ ɖokpó, bɔ è nǎ dó sá vɔ̌ e è nɔ dó zo ɔ́ ná; é ná ná lɛ̌ngbɔ́ví e ɖó xwe ɖokpó ɔ́ ɖokpó, bɔ è nǎ dó sá vɔ̌ e nɔ́ súnsún hwɛ ɔ́ ná, bó ná ná agbo ɖokpó, bɔ è nǎ dó sá kɔnɖókpɔ́ vɔ́ ná.

Kɛ́nsísɔ́ 6:16

Vɔ̌sánú-xwlémawutɔ́ ɔ́ ná bɛ́ nǔníná énɛ́ lɛ́ɛ wá Mawu Mavɔmavɔ nukɔn, bó ná sá hwɛxɔ́súsú vɔ́ ɔ́, kpódó vɔ̌ e è nɔ dó zo ɔ́ kpó.

Kɛ́nsísɔ́ 8:13

A nǎ bló bɔ Levíi ví lɛ́ɛ ná nɔ te ɖo Aalɔ́ɔn kpó vǐ tɔn súnnu lɛ́ɛ kpó sín nukɔn, bɔ a nǎ bló lě e è nɔ bló gbɔn, bó nɔ́ ɖe mɛ ɖó vo nú mì ɔ́, bó ɖe yě ɖó vo nú mì.

Kɛ́nsísɔ́ 8:8

Énɛ́ ɔ́ gúdo ɔ́, yě ná ná nyibúsú wínnyáwínnyá ɖokpó, kpódó linfín e è sɔ́ ami dó nya ná ɔ́ kpó, bɔ hwi ɖésúnɔ ná zé nyibúsú wínnyáwínnyá ɖěvo, bɔ è nǎ dó sá hwɛxɔ́súsú vɔ́ ná.

Eblée 9:22

Nǔgbó ɔ́, ɖo sɛ́n ɔ́ mɛ ɔ́, nǔ lɛ́ɛ bǐ wɛ è nɔ ɖibla slá wǔ ná kpódó hun kpó, bɔ cóbónú Mawu ná sɔ́ hwɛ kɛ mɛɖé ɔ́, hun jɛ́n nɔ́ kɔn nyi ayǐ.