Kɛ́nsísɔ́ 8:11 - MAWUXÓWÉMA

¹¹ Aalɔ́ɔn ná bló lě e è nɔ bló gbɔn, bó nɔ ɖe mɛ ɖó vo nú mì ɔ́, bó ɖe yě ɖó vo nú mì, ɖo Izlayɛ́li ví lɛ́ɛ sín nyǐkɔ mɛ, bɔ yě ná nɔ́ wa azɔ̌ nú nyɛ Mawu Mavɔmavɔ.

Kɛ́nsísɔ́ 8:11 Iomraidhean Croise

Tíntɔ́n 29:24

A nǎ bɛ́ nǔ énɛ́ lɛ́ɛ bǐ dó Aalɔ́ɔn kpó vǐ tɔn súnnu lɛ́ɛ kpó sín alɔ mɛ, bó ná ɖɔ nú yě ɖɔ yě ní fɔ yě xwlé mì, lě e è nɔ xwlé vɔ̌sánú mì gbɔn é.

Levíi ví 7:30

Mɛ ɔ́ ɖésú wɛ ná hɛn nǔ e è ɖe ɖó vo nú Mawu Mavɔmavɔ, bó ná dó zo ɔ́ wá; hǔn é ná hɛn kanlin ɔ́ sín jǒ kpó akɔ́n tɔn kpó wá, lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́ wɛ è nǎ bló ɖo Mawu Mavɔmavɔ nukɔn.

Levíi ví 7:34

Đó kɔnɖókpɔ́ vɔ́ e Izlayɛ́li ví lɛ́ɛ ná nɔ́ xwlé mì lɛ́ɛ ɔ́, un ná nɔ́ ɖe kanlin e yě dǒ sá vɔ̌ ná ɔ́ sín akɔ́n kpó asá ɔ́ kpó, bó ná vɔ̌sánú-xwlémawutɔ́ Aalɔ́ɔn kpódó vǐ tɔn súnnu lɛ́ɛ kpó, bɔ é nyí sɛ́n tɛgbɛ tɔn ɖé bɔ Izlayɛ́li ví lɛ́ɛ ná nɔ́ nyi.”

Levíi ví 8:27

Mɔyízi bɛ́ nǔ énɛ́ lɛ́ɛ bǐ dó alɔ mɛ nú Aalɔ́ɔn kpó vǐ tɔn súnnu lɛ́ɛ kpó, bó ɖɔ nú yě ɖɔ yě ní bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, lobo xwlé Mawu Mavɔmavɔ.

Levíi ví 8:29

Mɔyízi zé agbo e è dǒ sá vɔ̌ ɔ́ ná ɔ́ sín akɔ́n, bó bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, lobo xwlé Mawu Mavɔmavɔ: éé nyí kanta Mɔyízi tɔn ɔ́ nɛ́, lě e Mawu Mavɔmavɔ ko ɖɔ n'i gbɔn é.

Kɛ́nsísɔ́ 6:20

Vɔ̌sánú-xwlémawutɔ́ ɔ́ ná bló lě e è ko nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, bó ná xwlé nǔníná énɛ́ lɛ́ɛ Mawu Mavɔmavɔ. Nǔníná énɛ́ lɛ́ɛ kpódó kanlin ɔ́ sín akɔ́n kpó, kpódó asá tɔn kpó kó nyí nǔ bɔ è ɖe ɖó vo nú vɔ̌sánú-xwlémawutɔ́ ɔ́. Bɛ́ sín hwe énɛ́ ɔ́ nu ɔ́, nya ɔ́ sixú lɛ́ jɛ vɛ̌ɛn nu jí.

Sɛ́nflínmɛ 10:8

Hwenɛ́nu ɔ́, Mawu Mavɔmavɔ ɖe akɔta Levíi tɔn ɔ́ ɖó vo, bó zé azɔ̌ élɔ́ lɛ́ɛ dó así nú yě: yě ná nɔ hɛn akɔjijɛgbá Mawu Mavɔmavɔ tɔn, yě ná nɔ́ ɖo xwé gbe bó ná nɔ ɖo azɔ̌ tɔn wa wɛ hwebǐnu, yě ná nɔ́ xo ɖɛ dó mɛ jí, ɖo Mawu Mavɔmavɔ sín nyǐkɔ mɛ. Yě wɛ kpo ɖo azɔ̌ énɛ́ lɛ́ɛ wa wɛ káká jɛ égbé.