Kɛ́nsísɔ́ 7:89 - MAWUXÓWÉMA

⁸⁹ Hwenu e Mɔyízi byɔ́ Goxɔ ɔ́ mɛ, bo ná ɖɔ xó xá Mawu Mavɔmavɔ ɔ́, é se gbe ɖé sín wɛnsagun susunɔ we e ɖo akɔjijɛgbá ɔ́ sín nusú jí lɛ́ɛ ta nu. Hwe énɛ́ ɔ́ nu ɔ́, é jɛ xó ɖɔ xá ɛ jí.

Kɛ́nsísɔ́ 7:89 Iomraidhean Croise

1 Axɔ́sú 6:23

Salomɔ́ɔ zé olívutín gbě tɔn dó bló wɛnsagun susunɔ we ná, bó bɛ́ ɖó Tɛn mímɛ́ bǐ ɔ́ mɛ. Đokpó ɖokpó sín jǐ yiyi nyí mɛ̌tlu atɔ́ɔ́n.

Ɖɛhan 80:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. È nɔ ji dó han e è nɔ ylɔ́ ɖɔ “Folówa ɖagbe ɖagbe” ɔ́ sín hangbe mɛ. Kúnnuɖiɖe Asáfu tɔn sín han wɛ.

Ɖɛhan 99:1

Mawu Mavɔmavɔ ɖo axɔ́sú ɖu wɛ: togun lɛ́ɛ nɔ́ sísɔ́. É jínjɔ́n ayǐ ɖo wɛnsagun susunɔ lɛ́ɛ jí: ayǐkúngban ɔ́ nɔ́ dán wǔ.

Tíntɔ́n 40:34

Hwenɛ́nu ɔ́, akpɔ́kpɔ́ cyɔ́n goxɔ ɔ́, bɔ susu Mawu Mavɔmavɔ tɔn gɔ́ goxɔ ɔ́,

Tíntɔ́n 40:35

káká bɔ Mɔyízi sɔ́ sixú byɔ́ goxɔ ɔ́ mɛ ǎ.

Levíi ví 1:1

Mawu Mavɔmavɔ nɔ goxɔ e mɛ é nɔ́ kpé togun tɔn ɖe ɔ́ mɛ, bó ylɔ́ Mɔyízi, bó ɖɔ n'i ɖɔ

Kɛ́nsísɔ́ 1:1

Xwe e bɔ dó xwe e mɛ Izlayɛ́li ví lɛ́ɛ gosín Ejípu ɔ́ wú ɔ́, ɖo sun tɔn wegɔ́ ɔ́ sín azǎn nukɔn tɔn ɔ́ gbe ɔ́, Mɔyízi ɖo Goxɔ ɔ́ mɛ, bɔ Mawu Mavɔmavɔ ɖɔ xó n'i ɖo gbětótló Sinayíi tɔn mɛ; é ɖɔ n'i ɖɔ:

Kɛ́nsísɔ́ 11:17

Un ná jɛ te, bó ná ɖɔ xó nú we ɖo fínɛ́; un ná yí yɛ e ɖo jǐ towe ɔ́ ɖě, bó ná sɔ́ ɖó yě jǐ, bónú yě ná hɛn togun ɔ́ sín agban xá we, bónú hwi ɖokpónɔ ní má hɛn ó.

Kɛ́nsísɔ́ 12:8

Un nɔ ɖɔ xó n'i tlɔlɔ, bɔ é nɔ́ se gbe ce céɖécéɖé. Un nɔ zé nyɛɖée xlɛ́ ɛ; un nɔ tɔ́n ɖo nukɔn tɔn, bɔ é nɔ́ mɔ mì. Aniwú wɛ xó ɖɔ dó mɛsɛntɔ́ ce Mɔyízi wú má dó xɛsi nú mi ǎ?”

Kɛ́nsísɔ́ 8:1

Mawu Mavɔmavɔ ɖɔ nú Mɔyízi ɖɔ

Eblée 4:16

Hǔn, mi bo nú mǐ ná sɛkpɔ́ axɔ́súzinkpo Mawu tɔn, fí e fɛ́nú ɖe ɔ́, kpódó jiɖiɖe kpán; é ná sɔ́ hwɛ kɛ mǐ ɖo fínɛ́. Mǐ ná mɔ fɛ́nú ɖo fínɛ́, bónú é ná d'alɔ mǐ ɖo nǔ e hudó mǐ lɛ́ɛ mɛ, ɖo hwe tɔn nu.

1 Piyɛ́ɛ 1:12

Mawu ɖe xlɛ́ gbeyíɖɔ lɛ́ɛ ɖɔ wɛn énɛ́ e è ɖɔ yě ní dó ɔ́ kún nyí yě ɖésúnɔ tɔn ó; lo ɔ́, mi tɔn wɛ. Wɛn Ɖagbejlátɔ́ lɛ́ɛ dó wɛn énɛ́ ɔ́ mi din; yě ɖɔ xó tɔn nú mi kpó hlɔ̌nhlɔ́n e Yɛsinsɛn e è sɛ́ dó sín sɛ́xwé ɔ́ ná yě ɔ́ kpó; wɛnsagun lɛ́ɛ ɖésú lɔ ka jló ná mɔ nǔ jɛ wɛn énɛ́ mɛ.

1 Samuwɛ́li 4:4

Togun ɔ́ sɛ́ mɛ dó Silóo nǔgbó, bɔ è yi sɔ́ akɔjijɛgbá Mawu Mavɔmavɔ Nǔbǐwúkpétɔ́ ɔ́ tɔn wá. Akɔjijɛgbá ɔ́ jí wɛ Mawu Mavɔmavɔ ɖo ayǐjínjɔ́n ɖe, ɖo axɔ́súzinkpo tɔn jí. Eli ví we lɛ́ɛ: Pínxási kpó Hofíni kpó ɖo akɔjijɛgbá ɔ́ kɔn.