Kɛ́nsísɔ́ 7:43 - MAWUXÓWÉMA

⁴³ É ná agbǎn e è sɔ́ kpatágan dó bló ná ɔ́ ɖokpó, bɔ é da glǎmu afayizɛ́n kanwe ko (1.300), bó ná basya e è sɔ́ kpatágan dó bló ná ɔ́ ɖokpó, bɔ é da glǎmu nǔwɔntɔn kanwe ko (700). Gan e è nɔ dó da nǔ ɖo Mawu xwé gbe ɔ́ wɛ è dǒ da. Linfín e è sɔ́ ami dó nya ná ɔ́ gɔ́ gannú we énɛ́ lɛ́ɛ, bɔ è nǎ xwlé Mawu.

Kɛ́nsísɔ́ 7:43 Iomraidhean Croise

Levíi ví 14:10

“Azǎn tántɔngɔ́ ɔ́ gbe ɔ́, é ná ná lɛ̌ngbɔ́ví asú e má ɖó blɔ̌ ɖěbǔ ǎ é we, bó ná ná lɛ̌ngbɔ́ asi e kó ɖó xwe ɖokpó, bɔ blɔ̌ ɖěbǔ má ɖo wǔ tɔn ǎ é ɖokpó, bó ná ná linfín kilóo tɛ́nnɛ, bɔ è nǎ zé ami dó nya, bó ná lɛ́ ná ami lǐtli vlɔ̌.

Levíi ví 2:5

Nú é ká nyí nǔ e è ɖa ɖo ganzɛ́n wɛnjɛ mɛ ɔ́ ná ná Mawu Mavɔmavɔ wɛ è ɖe ɔ́, é ní nyí linfín e è nya kpó ami kpó bɔ tɔ́n má ɖ'é mɛ ǎ é.

Kɛ́nsísɔ́ 7:44

É ná kɔ́fu e è sɔ́ siká dó bló ná ɔ́ ɖokpó, bɔ é da glǎmu kanwe ko (100), bɔ nǔhwɛ́nkún gɔ́.

Matíe 14:8

Vǐ ɔ́ sín nɔ ka kplɔ́n nǔ i bɔ é ɖɔ: “Nǎ Jǎan Yɛhwesinlɛnúmɛtɔ́ ɔ́ sín ta mì dó gannúgbɛ́jɛ́ mɛ ɖo fí din tlóló.”

Eblée 1:9

A yǐ wǎn nú hwɛjijɔ, bó gbɛ́ wǎn nú nǔ nyanya; énɛ́ ɔ́ wú wɛ Mawu, Mawu towe kɔn awǎjijɛ sín ami dó ta nú we, bó dó sɔ́ we bɔ a hú gǎn hǎgbɛ́ towe lɛ́ɛ.”

1 Jǎan 2:27

Midɛɛ lɛ́ɛ ɔ́, Yɛsinsɛn e Klísu kɔn dó mi jí ɔ́ ɖo mi jí; hǔn, é sɔ́ byɔ́ ɖɔ mɛɖé ní kplɔ́n nǔ mi ǎ. Lo ɔ́, ée Yɛsinsɛn énɛ́ nɔ kplɔ́n nǔ bǐ mi ɔ́, bɔ nǔ e é nɔ kplɔ́n mi lɛ́ɛ ka nyí nǔgbó, bó ma nyí nǔvú ǎ é ɔ́, mi bǐ ní se tónú nú kplɔ́n e é nɔ ná mi lɛ́ɛ, ɖo bǔ e mi ɖe xá Jezu ɔ́ mɛ.