Kɛ́nsísɔ́ 7:3 - MAWUXÓWÉMA

³ Yě hɛn nǔ wá ná Mawu Mavɔmavɔ: yě hɛn kɛkɛ́ví ayizɛ́n bɔ è bǔ nǔ dó, bó hɛn nyibú wěwe; hɛ̌nnugán we kpédó kɛkɛ́ví ɖokpó, bɔ nyibú lɛ́ɛ ɖokpó ɖokpó nyí hɛ̌nnugán ɖokpó ɖokpó tɔn. Yě bɛ̌ nǔ énɛ́ lɛ́ɛ yi Mawu xwé ɔ́ nukɔn.

Kɛ́nsísɔ́ 7:3 Iomraidhean Croise

Bǐbɛ́mɛ 45:19

A nǎ lɛ́ ɖɔ nú yě ɖɔ yě ní hɛn kɛkɛ́ví sín fí, bó ná bɛ́ asi yětɔn lɛ́ɛ, vǐ yětɔn lɛ́ɛ kpódó tɔ́ mitɔn lɔ kpó d'é mɛ, bó wá.

Bǐbɛ́mɛ 45:21

Jakɔ́bu vǐ lɛ́ɛ ká bló nǔ e è ɖɔ nú yě lɛ́ɛ. Jozɛ́fu ná kɛkɛ́ví yě lě e axɔ́sú ɔ́ ɖɔ gbɔn é. É lɛ́ ná nǔ e yě ná ɖu ɖo alixo ɔ́ yě.

Ɛsidlási 2:68

Ée yě wǎ Jeluzalɛ́mu ɔ́, to énɛ́ e mɛ Mawu Mavɔmavɔ xwé ɔ́ ɖe ɔ́, hɛ̌nnugán ɖé lɛ́ɛ sɔ́ jlǒ yě ɖésúnɔ tɔn dó ná nǔɖé lɛ́ɛ, bónú è na gbá Mawu xwé ɔ́ ɖó tɛn e mɛ è ko gbá ɖó ɖ'ayǐ é.

Tíntɔ́n 25:2

“Đɔ nú Izlayɛ́li ví lɛ́ɛ ɖɔ yě ní hɛn nǔ wá ná mì. Mɛ e ɖó jlǒ bó hɛn nǔ wá nú mì lɛ́ɛ sí wɛ mi ná yí ɖe.

Ezayíi 66:20

Énɛ́ ɔ́, mɛ énɛ́ lɛ́ɛ ná kplá nɔví mitɔn e ɖo yě gɔ́n lɛ́ɛ bǐ wá nú mì nǔníná ɖɔhun; è nǎ bɛ́ yě ɖó sɔ́ jí; è nǎ bɛ́ yě dó ahwankɛkɛ́ví mɛ; è nǎ bɛ́ yě ɖó kɛkɛ́ví e è cyɔ́n nǔ ta ná é mɛ; è nǎ bɛ́ yě ɖó tócí abǐ lǎkúnmí jí, bó ná kplá yě káká wá só mímɛ́ ɔ́ kɔn, ɖo Jeluzalɛ́mu. É ná nyí nǔníná bɔ yě ná hɛn wá nú mì, bɔ un ná yí, nǔníná e Izlayɛ́li ví lɛ́ɛ nɔ hɛn dó agbǎn mímɛ́ mɛ wá nú mì é ɖɔhun.

Amɔ́si 2:13

Éɖíe! Un na li mi dó kɔ mɛ, lě e kɛkɛ́ e jinukúngban gɔ́ ɔ́ nɔ li kɔ́gúdu é ɖɔhun.

Kɛ́nsísɔ́ 7:4

Mawu Mavɔmavɔ ɖɔ nú Mɔyízi ɖɔ: