Kɛ́nsísɔ́ 7:19 - MAWUXÓWÉMA

¹⁹ É ná agbǎn e è sɔ́ kpatágan dó bló ná ɔ́ ɖokpó, bɔ é da glǎmu afayizɛ́n kanwe ko (1.300), bó ná basya e è sɔ́ kpatágan dó bló ná ɔ́ ɖokpó, bɔ é da glǎmu nǔwɔntɔn kanwe ko (700). Gan e è nɔ dó da nǔ ɖo Mawu Mavɔmavɔ xwé gbe é wɛ è dǒ da. Linfín e è sɔ́ ami dó nya ná ɔ́ gɔ́ gannú we énɛ́ lɛ́ɛ, bɔ è nǎ xwlé Mawu.

Kɛ́nsísɔ́ 7:19 Iomraidhean Croise

Ɛsidlási 1:9

Nǔ e é bɛ́ jó n'i lɛ́ɛ ɖíe: basya e è sɔ́ siká dó bló ná ɔ́ gban (30), ée è sɔ́ kpatágan dó bló ná ɔ́ afatɔ́n (1.000), jǐví koatɔ́n-nukún-ɛnɛ (29),

Tíntɔ́n 25:29

A nǎ zé siká akú dó bló nǔ e è nǎ nɔ́ zán ɖo távo ɔ́ jí lɛ́ɛ: gannúgbɛ́jɛ́, kɔ́fu, zɛ̌n, kpódó sinnugannú kpó, bɔ è nǎ nɔ́ zán yě ahan biba hwenu.

Jelemíi 52:18

Yě bɛ́ nǔ e è zě ganvɔ dó bló bɔ è nɔ zán ɖo sinsɛn hwenu lɛ́ɛ bǐ: afíngannú lɛ́ɛ, afínbɛ́nú lɛ́ɛ, nǔ e è nɔ dó bló myɔ ɖó ná lɛ́ɛ, gannú lɛ́ɛ kpódó kɔ́fu lɛ́ɛ kpó.

Levíi ví 2:1

Mawu Mavɔmavɔ ɖɔ: “Ényí mɛ ɖé jló ná hɛn nǔníná jinukún tɔn ɖé wá nú Mawu Mavɔmavɔ ɔ́, mɛ ɔ́ ní hɛn linfín; é ní kɔn ami dó linfín ɔ́ jí, bó hɛn zǎlínkpɔ́n d'é jí,

Levíi ví 5:11

“Ényí mɛ ɔ́ má ká lɛ́ ɖó akwɛ́ e é ná dó xɔ xwelé we lɛ́ɛ, abǐ ahwannɛ́ wínnyáwínnyá we lɛ́ɛ ná ǎ ɔ́, é ná hɛn linfín kilóo ɛnɛ wá ɖó hwɛ e é hu ɔ́ wú, bɔ é ná nyí nǔníná hwɛsɔ́kɛmɛ tɔn. É ná zé ami d'é jí ǎ, é ká ná zé zǎlínkpɔ́n d'é jí ǎ, ɖó nǔníná hwɛsɔ́kɛmɛ tɔn wɛ.

Zakalíi 14:20

Hwenɛ́nu ɔ́, è nǎ wlán dó gan e è dǒ kɔ nú sɔ́ lɛ́ɛ é wú é ɖɔ: “È sɔ́ ɖó vo nú Mawu Mavɔmavɔ”. Bɔ ganzɛ́n e ɖo Mawu Mavɔmavɔ xwé gbe lɛ́ɛ ɔ́, è nǎ sɔ́ yě lɔ ɖó vo nú Mawu Mavɔmavɔ kɔ́fu e ɖo vɔ̌sákpe ɔ́ nukɔn lɛ́ɛ ɖɔhun.

Kɛ́nsísɔ́ 7:18

Azǎn wegɔ́ ɔ́ gbe ɔ́, Nɛtanɛli Suwáa ví súnnu e nyí akɔta Isakáa tɔn sín hɛ̌nnugán ɔ́ hɛn nǔníná tɔn wá.

Kɛ́nsísɔ́ 7:20

É ná kɔ́fu e è sɔ́ siká dó bló ná ɔ́ ɖokpó, bɔ é da glǎmu kanwe ko (100) bɔ nǔhwɛ́nkún gɔ́.

Matíe 14:8

Vǐ ɔ́ sín nɔ ka kplɔ́n nǔ i bɔ é ɖɔ: “Nǎ Jǎan Yɛhwesinlɛnúmɛtɔ́ ɔ́ sín ta mì dó gannúgbɛ́jɛ́ mɛ ɖo fí din tlóló.”

Maki 6:25

Vǐ ɔ́ ká fyá, bó yi axɔ́sú ɔ́ gɔ́n, bó ɖɔ n'i ɖɔ: “Un jló ɖɔ a nǐ ná Jǎan Yɛhwesinlɛnúmɛtɔ́ sín ta mì dó gannúgbɛ́jɛ́ mɛ ɖo fí din tlóló.”