Kɛ́nsísɔ́ 7:14 - MAWUXÓWÉMA

¹⁴ É ná kɔ́fu e è sɔ́ siká dó bló ná ɔ́ ɖokpó, bɔ é da glǎmu kanwe ko (100), bɔ nǔhwɛ́nkún gɔ́;

Kɛ́nsísɔ́ 7:14 Iomraidhean Croise

1 Axɔ́sú 7:50

É bló basya lɛ́ɛ, nǔ e è nɔ dó bló myɔ ɖó ná lɛ́ɛ, gannú lɛ́ɛ, kɔ́fu lɛ́ɛ, zǎlínkpɔ́nfyɔ́nú lɛ́ɛ; siká akú wɛ é dó bló yě ná. É bló hɔnsóswé nú tɛn mímɛ́ bǐ ɔ́, bó bló nú tɛn mímɛ́ ɔ́ sín hɔn lɛ́ɛ; siká wɛ è dǒ bló yě ná.

2 Tan 24:14

Ée yě wa azɔ̌ lɛ́ɛ fó ɔ́, mɛ e lɔmɛ è zě azɔ̌ ɔ́ dó lɛ́ɛ bɛ́ akwɛ́ e kpo ɔ́ wá nú axɔ́sú ɔ́ kpó Yexoyada kpó. Ée yě zě wá é ɔ́, axɔ́sú ɔ́ kpó Yexoyada kpó zé dó bló nǔ e è nɔ zán ɖo Mawu Mavɔmavɔ xwé gbe lɛ́ɛ ná: nǔ e è nɔ zán ɖo sinsɛn hwenu lɛ́ɛ, nǔ e è nɔ zán ɖo vɔ̌sísá hwenu lɛ́ɛ, kɔ́fu kpódó gannú kpó e è sɔ́ siká dó bló ná lɛ́ɛ, kpó ée è sɔ́ kpatágan dó bló ná lɛ́ɛ kpó. Bɔ hwenu e Yexoyada ɖo gbɛ ɔ́, è nɔ sá vɔ̌ e è nɔ dó zo ɔ́ ɖo Mawu Mavɔmavɔ xwé gbe hwɛhwɛ.

2 Tan 4:22

Jǐví lɛ́ɛ, gannú lɛ́ɛ, kɔ́fu lɛ́ɛ, zǎlínkpɔ́nfyɔ́nú lɛ́ɛ ɔ́, siká akú wɛ è dǒ bló yě ná; hɔn e ɖo xwé ɔ́ nu lɛ́ɛ, tɛn mímɛ́ bǐ ɔ́ kpódó tɛn mímɛ́ ɔ́ kpó sín hɔn lɛ́ɛ ɔ́, siká wɛ è dǒ bló yě ná.

Tíntɔ́n 35:8

Ami e è nǎ dó zogbɛ́n lɛ́ɛ mɛ é, atínkɛn wǎnɖagbenɔ e è nǎ dǒ bló ami mímɛ́ wǎnɖagbenɔ e è nǎ sá nú mɛ, dó ɖe mɛ ɖó vo nú mì é, bó ná lɛ́ hɛn zǎlínkpɔ́n.

Tíntɔ́n 37:16

É bló nǔzínzán e è ɖǒ ná bɛ́ ɖó távo ɔ́ jí lɛ́ɛ: gannúgbɛ́jɛ́, kɔ́fu, zɛ̌n kpódó sinnugannú kpó, bɔ è nɔ zán ahan biba hwenu. Siká akú wɛ é sɔ́ dó bló nǔzínzán énɛ́ lɛ́ɛ ná.

Kɛ́nsísɔ́ 4:7

Távo e jí wɔ̌xúxú e è xwlé Mawu lɛ́ɛ nɔ́ nɔ ɔ́, yě ná tɛ́ avɔ kwlésinnɔ ɖokpó ɖ'é jí, bó ná bɛ́ nǔ élɔ́ lɛ́ɛ ɖ'é jí: gannúgbɛ́jɛ́, kɔ́fu, sinnugannú kpódó goví e mɛ è nǎ nɔ́ wún vɛ̌ɛn dó, bó ná nɔ́ xwlé nyɛ Mawu ɔ́ lɛ́ɛ kpó, kpódó wɔ̌xúxú e è nǎ nɔ́ xwlé mì lɛ́ɛ kpó; wɔ̌xúxú ɖó ná ɖo távo ɔ́ jí tɛgbɛ.

Kɛ́nsísɔ́ 7:13

É ná agbǎn e è sɔ́ kpatágan dó bló ná ɔ́ ɖokpó, bɔ é da glǎmu afayizɛ́n kanwe ko (1.300), bó ná basya e è sɔ́ kpatágan dó bló ná ɔ́ ɖokpó, bɔ é da glǎmu nǔwɔntɔn kanwe ko (700). Gan e è nɔ dó da nǔ ɖo Mawu Mavɔmavɔ xwé gbe é wɛ è dǒ da. Linfín e è sɔ́ ami dó nya ná ɔ́ gɔ́ gannú we énɛ́ lɛ́ɛ, bɔ è nǎ zé xwlé Mawu.

Kɛ́nsísɔ́ 7:15

nyibúsú wínnyáwínnyá ɖokpó, agbo ɖokpó, lɛ̌ngbɔ́ví e ɖó xwe ɖokpó ɔ́ ɖokpó. È nǎ bɛ̌ kanlin énɛ́ lɛ́ɛ dó sá vɔ̌ e è nɔ dó zo ɔ́ ná.

Kɛ́nsísɔ́ 7:20

É ná kɔ́fu e è sɔ́ siká dó bló ná ɔ́ ɖokpó, bɔ é da glǎmu kanwe ko (100) bɔ nǔhwɛ́nkún gɔ́.

Kɛ́nsísɔ́ 7:26

É ná kɔ́fu e è sɔ́ siká dó bló ná ɔ́ ɖokpó, bɔ é da glǎmu kanwe ko (100), bɔ nǔhwɛ́nkún gɔ́.