Kɛ́nsísɔ́ 7:12 - MAWUXÓWÉMA

¹² Naxicɔ́ni, Aminadabu ví súnnu e jɔ ɖo akɔta Judáa tɔn mɛ ɔ́ wɛ hɛn nǔníná éyɛ́ tɔn wá ɖo azǎn nukɔn nukɔntɔn ɔ́ gbe.

Kɛ́nsísɔ́ 7:12 Iomraidhean Croise

Bǐbɛ́mɛ 35:22

Hwenu e Izlayɛ́li kpo ɖo gbě énɛ́ ɔ́ jí ɔ́, Hwlibɛ́ni yi ɖó xó xá Biluha tɔ́ tɔn sín asi ɖokpó, bɔ tɔ́ ɔ́ se. Vǐ súnnu wěwe wɛ Jakɔ́bu ɖó.

Bǐbɛ́mɛ 35:23

Vǐ súnnu e Lěya ji n'i lɛ́ɛ ɖíe: Hwlibɛ́ni, Sinmɛnyɔ́ɔ, Levíi, Judáa, Isakáa, kpó Zabulɔ́ɔn kpó. Hwlibɛ́ni wɛ nyí nukɔngbéví Jakɔ́bu tɔn.

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

Bǐbɛ́mɛ 49:8

Judáa, hwɛ ɔ́, nɔví towe lɛ́ɛ ná nɔ́ sɔ́ we su. A nǎ tɛ afɔ kɛntɔ́ towe lɛ́ɛ jí. Nɔví towe lɛ́ɛ ɖésú ná nɔ́ yi do nú we.

Kɛ́nsísɔ́ 1:5

Mɛ e ná dó alɔ mi lɛ́ɛ sín nyǐkɔ ɖíe: Elisúu, Cedewúu ví ɔ́ akɔta Hwlibɛ́ni tɔn mɛ wɛ é ɖe;

Kɛ́nsísɔ́ 1:7

Naxicɔ́ni, Aminadabu ví ɔ́, ɖo akɔta Judáa tɔn mɛ

Kɛ́nsísɔ́ 10:14

Ahwangɔnu Judáa tɔn ɔ́ zé ahwansyá tɔn bó jɛ ali jɛ nukɔn. Naxicɔ́ni, Aminadabu sín vǐ súnnu ɔ́ wɛ nɔ ahwangɔnu ɔ́ nu.

Kɛ́nsísɔ́ 2:3

“Ahwangɔnu Judáa tɔn ɔ́ kpódó ahwansyá tɔn kpó ná nɔ zǎnzǎnhwe jí. Naxicɔ́ni e nyí Aminadabu sín vǐ, bó nyí akɔta Judáa tɔn ɔ́ sín gǎn ɔ́ ná nɔ yě nu ɖo fínɛ́.

Kɛ́nsísɔ́ 7:11

Lo ɔ́, Mawu Mavɔmavɔ ɖɔ nú Mɔyízi ɖɔ: “Hɛ̌nnugán ɖokpó wɛ ná nɔ́ wá gbe ɖokpó, bó ná nɔ́ hɛn nǔníná tɔn e è nǎ dó jó vɔ̌sákpe ɔ́ nú Mawu Mavɔmavɔ ɔ́ wá.”

Kɛ́nsísɔ́ 7:13

É ná agbǎn e è sɔ́ kpatágan dó bló ná ɔ́ ɖokpó, bɔ é da glǎmu afayizɛ́n kanwe ko (1.300), bó ná basya e è sɔ́ kpatágan dó bló ná ɔ́ ɖokpó, bɔ é da glǎmu nǔwɔntɔn kanwe ko (700). Gan e è nɔ dó da nǔ ɖo Mawu Mavɔmavɔ xwé gbe é wɛ è dǒ da. Linfín e è sɔ́ ami dó nya ná ɔ́ gɔ́ gannú we énɛ́ lɛ́ɛ, bɔ è nǎ zé xwlé Mawu.

Matíe 1:4

Hlamu ji Aminadabu, Aminadabu ji Naxicɔ́ni, bɔ Naxicɔ́ni ji Saluma.

Luki 3:32

Davídi ka nyí Jɛsée ví, bɔ Jɛsée nyí Ovɛ́di ví, bɔ Ovɛ́di nyí Bowozi ví, bɔ Bowozi nyí Saluma ví, bɔ Saluma nyí Naxicɔ́ni ví,

Hwliti 4:20

Aminadabu ji Naxicɔ́ni, Naxicɔ́ni ji Saluma,