Kɛ́nsísɔ́ 7:11 - MAWUXÓWÉMA

¹¹ Lo ɔ́, Mawu Mavɔmavɔ ɖɔ nú Mɔyízi ɖɔ: “Hɛ̌nnugán ɖokpó wɛ ná nɔ́ wá gbe ɖokpó, bó ná nɔ́ hɛn nǔníná tɔn e è nǎ dó jó vɔ̌sákpe ɔ́ nú Mawu Mavɔmavɔ ɔ́ wá.”

Kɛ́nsísɔ́ 7:11 Iomraidhean Croise

Kɛ́nsísɔ́ 7:10

Hɛ̌nnugán akɔta Izlayɛ́li ví lɛ́ɛ tɔn lɛ́ɛ ná nǔ, bɔ è nǎ dó jó vɔ̌sákpe ɔ́ nú Mawu Mavɔmavɔ, gbe e gbe Mɔyízi kɔn ami d'é wú é. Hɛ̌nnugán lɛ́ɛ hɛn nǔníná yětɔn lɛ́ɛ wá vɔ̌sákpe ɔ́ nukɔn.

Kɛ́nsísɔ́ 7:12

Naxicɔ́ni, Aminadabu ví súnnu e jɔ ɖo akɔta Judáa tɔn mɛ ɔ́ wɛ hɛn nǔníná éyɛ́ tɔn wá ɖo azǎn nukɔn nukɔntɔn ɔ́ gbe.

1 Kɔlɛ́ntinu 14:33

Đó Mawu ylɔ́ mǐ, bónú mǐ ná zán gbɛ hannyahannya ǎ, lo ɔ́, mǐ ná mɔ fífá wútu wɛ é ylɔ́ mǐ. Lě e é kó nɔ nyí gbɔn ɖo mɛɖeɖóvo Mawu tɔn lɛ́ɛ sín agun lɛ́ɛ bǐ mɛ ɔ́,

1 Kɔlɛ́ntinu 14:40

È nǐ bló nǔ lɛ́ɛ bǐ lě e é jɛ xá gbɔn é; è nǐ bló kpó tito kpó.

Kolósinu 2:5

Ényí un tlɛ lín dó mi ɖo agbaza mɛ ɔ́, un ɖo kpɔ́ xá mi ɖo ayi mɛ, bɔ lě e un mɔ bɔ mi nɔ wa nǔ dó tito jí ganjí gbɔn, bó lí dǒ ɖo nǔɖiɖi e mi ɖó nú Klísu ɔ́ mɛ gbɔn ɔ́, víví nú mì.