Kɛ́nsísɔ́ 7:10 - MAWUXÓWÉMA

¹⁰ Hɛ̌nnugán akɔta Izlayɛ́li ví lɛ́ɛ tɔn lɛ́ɛ ná nǔ, bɔ è nǎ dó jó vɔ̌sákpe ɔ́ nú Mawu Mavɔmavɔ, gbe e gbe Mɔyízi kɔn ami d'é wú é. Hɛ̌nnugán lɛ́ɛ hɛn nǔníná yětɔn lɛ́ɛ wá vɔ̌sákpe ɔ́ nukɔn.

Kɛ́nsísɔ́ 7:10 Iomraidhean Croise

1 Axɔ́sú 8:63

Salomɔ́ɔ hu nyibú adɔ̌kpo ɖě afɔwó (22.000), bó hu lɛ̌ngbɔ́ adɔ̌kpo ayizɛ́n (120.000), bó dó sá kɔnɖókpɔ́vɔ́ nú Mawu Mavɔmavɔ. Énɛ́ ɔ́, Salomɔ́ɔ kpó Izlayɛ́li ví lɛ́ɛ kpó jó xwé ɔ́ nú Mawu Mavɔmavɔ.

2 Tan 7:5

Axɔ́sú Salomɔ́ɔ fɔ nyibú adɔ̌kpo ɖě afɔwó (22.000) kpódó gbɔ̌ adɔ̌kpo ayizɛ́n (120.000) kpó dó sá vɔ̌ nú Mawu. Lě e axɔ́sú ɔ́ kpódó Izlayɛ́li togun ɔ́ bǐ kpó hun Mawu xwé ɔ́ gbɔn é nɛ́.

2 Tan 7:9

Ée yě ɖu azavaxwe ɔ́ bɔ ayǐ hɔ́n ɔ́, yě ɖu xwe gɛnnyigɛnnyi ɖokpó; hǔn azǎn tɛ́nwe wɛ yě sɔ́ ɖó te dó zé vɔ̌sákpe ɔ́ dó alɔ mɛ nú Mawu; énɛ́ ɔ́ gúdo ɔ́, yě lɛ́ sɔ́ azǎn tɛ́nwe ɖěvo ɖó te dó ɖu azavaxwe ɔ́.

Nɛɛmíi 12:27

Ée è mɛ Jeluzalɛ́mu dó ɔ́ fó ɔ́, è ylɔ́ Levíi ví lɛ́ɛ, bɔ yě gosín fí e yě ɖe lɛ́ɛ bǐ bó wá Jeluzalɛ́mu, bó ná wá ɖu gbe e gbe è na jó dǒ ɔ́ nú Mawu ɔ́ sín xwe bɔ é ná fɛ́ wǔ; yě ná ji susu kpa nú Mawu sín han, bó ná xo hǔn kpó kanhún kpó agǐdigbo kpó d'é mɛ.

Nɛɛmíi 12:43

Gbe énɛ́ ɔ́ gbe ɔ́, è sá vɔ̌ nú Mawu kpɔ́ gégé, bɔ mɛ bǐ ɖo awǎ jɛ wɛ, ɖó Mawu sɔ́ awǎjijɛnú ɖaxó ɖokpó dó así nú togun tɔn. Nyɔ̌nu lɛ́ɛ kpó yɔkpɔ́vú lɛ́ɛ kpó lɔmɔ̌ ɖo awǎ jɛ wɛ, bɔ awǎ e jɛ wɛ yě ɖe ɖo Jeluzalɛ́mu, bó ɖo xó sú wɛ ɔ́, è nɔ se ɖo zɔ.

Ɖɛhan 30:1

Davídi sín han; hwenu e è hun Mawu xwé ɔ́ wɛ è ji.

Kɛ́nsísɔ́ 7:1

Gbe e gbe Mɔyízi bló Mawu xwé ɔ́ fó ɔ́, é kɔn ami d'é wú, bó dó ɖe é kpó nǔ e ɖ'é mɛ lɛ́ɛ bǐ kpó ɖó vo nú Mawu Mavɔmavɔ. Mɔ̌ ɖokpó ɔ́, é kɔn ami dó vɔ̌sákpe ɔ́ wú, bó dó ɖe é kpódó nǔ e è nɔ zán ɖ'é kɔn lɛ́ɛ bǐ kpó ɖó vo nú Mawu Mavɔmavɔ.

Kɛ́nsísɔ́ 7:11

Lo ɔ́, Mawu Mavɔmavɔ ɖɔ nú Mɔyízi ɖɔ: “Hɛ̌nnugán ɖokpó wɛ ná nɔ́ wá gbe ɖokpó, bó ná nɔ́ hɛn nǔníná tɔn e è nǎ dó jó vɔ̌sákpe ɔ́ nú Mawu Mavɔmavɔ ɔ́ wá.”

Kɛ́nsísɔ́ 7:84

Nǔ e akɔta Izlayɛ́li ví lɛ́ɛ tɔn sín hɛ̌nnugán lɛ́ɛ ná, bɔ è nǎ dó jó vɔ̌sákpe ɔ́ nú Mawu Mavɔmavɔ lɛ́ɛ nɛ́; hwenu e Mɔyízi kɔn ami dó vɔ̌sákpe ɔ́ wú ɔ́ wɛ yě ná nǔ énɛ́ lɛ́ɛ. Bǐ bló agbǎn e è sɔ́ kpatágan dó bló ná ɔ́ wěwe, basya e è sɔ́ kpatágan dó bló ná ɔ́ wěwe, kɔ́fu e è sɔ́ siká dó bló ná ɔ́ wěwe.

Kɛ́nsísɔ́ 7:88

Kanlin e è nǎ dó sá kɔnɖókpɔ́ vɔ́ ná lɛ́ɛ bǐ bló nyibúsú ko-nukún-ɛnɛ (24), agbo kanɖé ko (60), gbǎgbá kanɖé ko (60), lɛ̌ngbɔ́ví e ɖó xwe ɖokpó ɔ́ kanɖé ko (60). Ée Mɔyízi kɔn ami dó vɔ̌sákpe ɔ́ wú ɔ́, nǔ e è nǎ, bɔ è nǎ dó jó vɔ̌sákpe ɔ́ nú Mawu Mavɔmavɔ ɔ́ nɛ́.

Sɛ́nflínmɛ 20:5

Énɛ́ ɔ́ gúdo ɔ́, ahwangán e nɔ́ yí mɛ dó ahwan mɛ lɛ́ɛ ná ɖɔ nú sɔ́ja lɛ́ɛ ɖɔ: “Mɛ ɖé ɖo mi mɛ bó sá xwé yɔ̌yɔ́ bó má kó nɔ mɛ kpɔ́n a? Mɛ mɔ̌hun ɖé ɖo mɛ mɛ hǔn, ní lɛ́ kɔ yi xwé; é má nyí mɔ̌ ǎ ɔ́, é sixú cí ahwan, bɔ mɛ ɖěvo ná nɔ mɛ.