Kɛ́nsísɔ́ 7:1 - MAWUXÓWÉMA

¹ Gbe e gbe Mɔyízi bló Mawu xwé ɔ́ fó ɔ́, é kɔn ami d'é wú, bó dó ɖe é kpó nǔ e ɖ'é mɛ lɛ́ɛ bǐ kpó ɖó vo nú Mawu Mavɔmavɔ. Mɔ̌ ɖokpó ɔ́, é kɔn ami dó vɔ̌sákpe ɔ́ wú, bó dó ɖe é kpódó nǔ e è nɔ zán ɖ'é kɔn lɛ́ɛ bǐ kpó ɖó vo nú Mawu Mavɔmavɔ.

Kɛ́nsísɔ́ 7:1 Iomraidhean Croise

Bǐbɛ́mɛ 2:3

É xo ɖɛ dó azǎn tɛ́nwegɔ́ ɔ́ jí, bó ɖe ɖó vo, ɖó ée é wa azɔ̌ tɔn lɛ́ɛ bǐ fó ɔ́, azǎn énɛ́ ɔ́ gbe wɛ é gbɔjɛ́.

1 Axɔ́sú 8:64

Gbe énɛ́ ɔ́ gbe ɔ́, axɔ́sú ɔ́ jó kɔ́xota e ɖo sinsɛnxɔ ɔ́ nukɔn ɔ́ bǐ nú Mawu Mavɔmavɔ. Đó vɔ̌sákpe ganvɔ tɔn e ɖo sinsɛnxɔ ɔ́ nukɔn ɔ́ sixú hɛn vɔ̌ lɛ́ɛ bǐ ǎ, bɔ Salomɔ́ɔ gbɔ bo dó vɔ̌ e è nɔ dó zo é, jinukúnvɔ́ lɛ́ɛ, kpó kanlin e è dǒ sá kɔnɖókpɔ́vɔ́ ná lɛ́ɛ sín jǒ kpó zo ɖo kɔ́xo ɔ́ ta.

Tíntɔ́n 13:2

“Sɔ́ nukɔngbéví bǐ ɖó vo nú mì ɖo Izlayɛ́li: Nukɔngbéví súnnu e nyɔ̌nu ji ɔ́, ce wɛ; nukɔngbéví asú e kanlin ji ɔ́, ce wɛ.”

Tíntɔ́n 29:36

“A nǎ nɔ́ zé nyibúsú ɖokpó dó sá vɔ̌ nú mì ayǐhɔ́ngbe ayǐhɔ́ngbe xɔ azǎn tɛ́nwe lɛ́ɛ, bó ná dó mɔ hwɛsɔ́kɛ yí. Énɛ́ ɔ́, a nǎ wa mɔ̌ dó slá wǔ nú vɔ̌sákpe ɔ́; énɛ́ ɔ́ gúdo ɔ́, a nǎ kɔn ami d'é jí, bó dó ɖe e ɖó vo nú mì.

Tíntɔ́n 40:11

A nǎ sá ami dó ganzɛ́n ɔ́ kpó afɔ e jí è nɔ sɔ́ ganzɛ́n ɖó ɔ́ kpó, bó ná dó sɔ́ ganzɛ́n ɔ́ ɖó vo nú mì.

Kɛ́nsísɔ́ 17:2

“Đɔ nú vɔ̌sánú-xwlémawutɔ́ Eleazáa, Aalɔ́ɔn ví ɔ́ ɖɔ é ní cyán zǎlínkpɔ́nfyɔ́nú lɛ́ɛ sín myɔ mɛ, bó kɔn myɔkán lɛ́ɛ nyi gbě; nǔ mímɛ́ wɛ zǎlínkpɔ́nfyɔ́nú énɛ́ lɛ́ɛ nyí.

Kɛ́nsísɔ́ 7:10

Hɛ̌nnugán akɔta Izlayɛ́li ví lɛ́ɛ tɔn lɛ́ɛ ná nǔ, bɔ è nǎ dó jó vɔ̌sákpe ɔ́ nú Mawu Mavɔmavɔ, gbe e gbe Mɔyízi kɔn ami d'é wú é. Hɛ̌nnugán lɛ́ɛ hɛn nǔníná yětɔn lɛ́ɛ wá vɔ̌sákpe ɔ́ nukɔn.

Kɛ́nsísɔ́ 7:84

Nǔ e akɔta Izlayɛ́li ví lɛ́ɛ tɔn sín hɛ̌nnugán lɛ́ɛ ná, bɔ è nǎ dó jó vɔ̌sákpe ɔ́ nú Mawu Mavɔmavɔ lɛ́ɛ nɛ́; hwenu e Mɔyízi kɔn ami dó vɔ̌sákpe ɔ́ wú ɔ́ wɛ yě ná nǔ énɛ́ lɛ́ɛ. Bǐ bló agbǎn e è sɔ́ kpatágan dó bló ná ɔ́ wěwe, basya e è sɔ́ kpatágan dó bló ná ɔ́ wěwe, kɔ́fu e è sɔ́ siká dó bló ná ɔ́ wěwe.

Kɛ́nsísɔ́ 7:88

Kanlin e è nǎ dó sá kɔnɖókpɔ́ vɔ́ ná lɛ́ɛ bǐ bló nyibúsú ko-nukún-ɛnɛ (24), agbo kanɖé ko (60), gbǎgbá kanɖé ko (60), lɛ̌ngbɔ́ví e ɖó xwe ɖokpó ɔ́ kanɖé ko (60). Ée Mɔyízi kɔn ami dó vɔ̌sákpe ɔ́ wú ɔ́, nǔ e è nǎ, bɔ è nǎ dó jó vɔ̌sákpe ɔ́ nú Mawu Mavɔmavɔ ɔ́ nɛ́.

Matíe 23:19

Nukúntíntɔ́nnɔ lɛ́ɛ e mi, ɖě tɛ́ wɛ ɖo tají ɖo we lɛ́ɛ mɛ? Vɔ̌sánú ɔ́ wɛ a? Abǐ vɔ̌sákpe e zɔ́n bɔ vɔ̌sánú ɔ́ húzú nǔ mímɛ́ é?