Kɛ́nsísɔ́ 6:9 - MAWUXÓWÉMA

⁹ Nú mɛɖé wá kú ɖo akpá tɔn ɖo ajijimɛ ɔ́, é ná ɖó akpá e é dó, bó sɔ́ éɖée ɖó vo nú Mawu Mavɔmavɔ ɔ́ te, ɖó nǔ énɛ́ e jɛ ɖo akpá tɔn, bó hɛn ɛ blí ɔ́ wútu. Azǎn tɛ́nwegɔ́ ɔ́ gbe ɔ́, é ná lɛ́ húzú mɛ mímɛ́, bó ná xwlɛ́ ta.

Kɛ́nsísɔ́ 6:9 Iomraidhean Croise

Ezekiyɛ́li 44:27

Gbe e gbe é ná yi kɔ́xota e ɖo xwé ɔ́ ta ɔ́, é ná sá hwɛsɔ́kɛmɛvɔ́ tɔn. Xó e nyɛ Aklúnɔ Mavɔmavɔ ɖɔ ɔ́ nɛ́.

Levíi ví 14:8

Mɛ e slá wǔ ná wɛ è ɖe ɔ́ ná nya avɔ tɔn lɛ́ɛ, bó ná xwlɛ́ fún e ɖo wǔtu tɔn ɔ́ bǐ, bó ná lɛ wǔ, bó húzú mɛ mímɛ́. Énɛ́ ɔ́ gúdo ɔ́, é sixú byɔ́ fí e yě ɖǒ gɔnu ɖó ɔ́. É ká ná byɔ́ goxɔ tɔn mɛ ǎ nú azǎn tɛ́nwe.

Levíi ví 14:9

Azǎn tɔn tɛ́nwegɔ́ ɔ́ gbe ɔ́, é ná lɛ́ xwlɛ́ fún e ɖo wǔtu tɔn lɛ́ɛ bǐ; é ná lɛ́ xwlɛ́ ta, bó ná lɛ́ xwlɛ́ atán, bó ná lɛ́ xwlɛ́ wunda tɔn lɛ́ɛ. É ná xwlɛ́ nǔ e kó sixú nyí fún ɖo wǔ tɔn ɔ́ bǐ. É ná nya avɔ tɔn lɛ́ɛ, bó ná lɛ wǔ, bó ná húzú mɛ mímɛ́.

Kɛ́nsísɔ́ 6:18

Hwe énɛ́ ɔ́ nu ɔ́, mɛ e sɔ́ éɖée ɖó vo nú Mawu, bó ná wa azɔ̌ n'i ɔ́ ná xwlɛ́ ta ɖo Goxɔ ɔ́ sín alihɛ́nnu, bó ná bɛ́ ɖa lɛ́ɛ kɔn nyi myɔ e mɛ è ɖo kanlin e è dǒ sá kɔnɖókpɔ́ vɔ́ ɔ́ dó zo ɖe wɛ ɔ́ mɛ.

Kɛ́nsísɔ́ 6:8

“Hwenu e mɛ ɔ́ sɔ́ ɖó te ɖɔ émí ná dó wa azɔ̌ nú Mawu Mavɔmavɔ ɔ́ bǐ ɔ́, vo wɛ é sɔ́ éɖée ɖó nú Mawu Mavɔmavɔ.

Mɛsɛ́dó 18:18

Pɔ́lu lɛ́ nɔ Kɔlɛ́nti xɔ azǎn gěgé; énɛ́ ɔ́ gúdo ɔ́, é jó nɔví ɖo Klísu mɛ lɛ́ɛ dó, bó dó tɔjíhún ɖidó Silíi, bɔ Plisílu kpódó Akilási kpó xwedó e; cóbónú é ka ná ɖidó ɔ́, é xwlɛ́ ɖa ɖo to e è nɔ ylɔ́ ɖɔ Sanklé ɔ́ mɛ, ɖó akpá e é kó dó nú Mawu é wú.

Mɛsɛ́dó 21:27

Azǎn tɛ́nwe lɛ́ɛ wɛ ɖo ná vɔ wɛ kɛ́ɖɛ́, bɔ Jwifu Azíi gbé jí tɔn lɛ́ɛ wá mɔ Pɔ́lu ɖo sinsɛnxɔ ɔ́ mɛ, bó fɔ́n togun ɔ́ bǐ dó jǐ tɔn, lobo wlí i.

Sɛ́nflínmɛ 21:12

é na kplá nyɔ̌nu ɔ́ yi xwé gbe. Nyɔ̌nu ɔ́ ná xwlɛ́ ta bó ná kpa fɛn,