Kɛ́nsísɔ́ 6:5 - MAWUXÓWÉMA

⁵ É ɖó ná xwlɛ́ ta ǎ. È sɔ́ ɛ ɖó vo nú Mawu Mavɔmavɔ, bɔ é ná wa azɔ̌ n'i wɛ. Hǔn é ɖó ná jó ɖa tɔn dó, bɔ é ná ɖo susu wɛ, káká jɛ hwenu e é ɖó dó é.

Kɛ́nsísɔ́ 6:5 Iomraidhean Croise

Ezekiyɛ́li 44:20

“Vɔ̌sánú-xwlémawutɔ́ lɛ́ɛ ná nɔ́ xwlɛ́ ta ǎ, lo ɔ́ cóbónú ɖa yětɔn ná ɖi ga dín ɔ́, yě ná nɔ́ kpa bɔ é ná fɛ́ wǔ.

Kɛ́nsísɔ́ 6:4

Nú akpá e é dó ɔ́ kpo ɖo te ɔ́, é ɖó ná ɖu nǔ e tɔ́n sín vǐwuntín wú ɔ́ ɖě ǎ, bɛ́ sín kwín tɔn jí, káká yi fló tɔn jí.

Mɛsɛ́dó 18:18

Pɔ́lu lɛ́ nɔ Kɔlɛ́nti xɔ azǎn gěgé; énɛ́ ɔ́ gúdo ɔ́, é jó nɔví ɖo Klísu mɛ lɛ́ɛ dó, bó dó tɔjíhún ɖidó Silíi, bɔ Plisílu kpódó Akilási kpó xwedó e; cóbónú é ka ná ɖidó ɔ́, é xwlɛ́ ɖa ɖo to e è nɔ ylɔ́ ɖɔ Sanklé ɔ́ mɛ, ɖó akpá e é kó dó nú Mawu é wú.

Hwɛɖɔtɔ́ 13:5

ɖó a nǎ mɔ xo bó ná ji vǐ súnnu ɖokpó. Hǎ ná jɛ ta tɔn kpɔ́n gbeɖé ǎ, ɖó vǐ énɛ́ ɔ́, è sɔ́ ɛ ɖó vo nú Mawu sín nɔ tɔn xo mɛ. É wɛ ná jɛ Izlayɛ́li ví lɛ́ɛ hwlɛ́n sín Filisitɛ́ɛn lɛ́ɛ sí jí.”

Hwɛɖɔtɔ́ 16:17

é gbɔ bo ɖɔ xomɛ n'i; é ɖɔ n'i ɖɔ: “È kpa ɖa e ɖo ta ce ɔ́ kpɔ́n gbeɖé ǎ, ɖó è ko sɔ́ mì ɖó vo nú Mawu cóbɔ è ji mì. Ényí è kpa ɖa nú mì ɔ́, un sɔ́ ná ɖó hlɔ̌nhlɔ́n ǎ, bó ná cí gbɛtɔ́ kpaa ɖé ɖɔhun.”

Hwɛɖɔtɔ́ 16:19

Dalila xwe Sanmusɔ́ɔn dó amlɔ mɛ, bɔ é dɔ́ amlɔ jɛ akɔn tɔn, bɔ é ylɔ́ nya ɖokpó, bɔ nya ɔ́ wá xwlɛ́ ɖabláblá tɛ́nwe e ɖo Sanmusɔ́ɔn ta lɛ́ɛ síin. Din ɔ́, Dalila ɖu ɖo Sanmusɔ́ɔn jí, ɖó é sɔ́ ɖó hlɔ̌nhlɔ́n ɖěbǔ ǎ.

1 Samuwɛ́li 1:11

bó ɖɔ: “Mawu Mavɔmavɔ Nǔbǐwúkpétɔ́, ényí a kɛnklɛ́n bó nyi kɔ kpɔ́n wǔvɛ́ e mɔ wɛ nyɛ mɛsɛntɔ́ towe ɖe ɔ́, ényí a flín mì bó má wɔn mì ǎ, bó ná vǐ súnnu ɖokpó nyɛ mɛsɛntɔ́ towe ɔ́, un ná sɔ́ vǐ ɔ́ ɖó vo nú we, bɔ é ná nyí towe kúgbe gbɛgbe, bɔ è nǎ xwlɛ́ ta n'i gbeɖé ǎ; énɛ́ ɔ́ ná ɖe xlɛ́ ɖɔ è sɔ́ ɛ ɖó vo nú we.”