Kɛ́nsísɔ́ 6:3 - MAWUXÓWÉMA

³ é ná nu vɛ̌ɛn ǎ; é ná nu ahan syɛ́nsyɛ́n ɖěbǔ ǎ; é ná nu vɛ̌ɛn sinvɛ́sinvɛ́ ǎ, é ná nu vinɛ́gli ahan syɛ́nsyɛ́n tɔn ǎ; é ná nu ahan e è sɔ́ vǐwun dó ɖa ná ɔ́ ɖěbǔ ǎ. É ná ɖu vǐwun mú ǎ, é ká ná ɖu ée kó xú ɔ́ ǎ.

Kɛ́nsísɔ́ 6:3 Iomraidhean Croise

Levíi ví 10:9

“Hwi kpó vǐ towe súnnu lɛ́ɛ kpó ɔ́, nú mi ná yi Mawu Mavɔmavɔ xwé gbe hǔn, mi ma nu vɛ̌ɛn ó, mi ma nu ahan syɛ́nsyɛ́n ɖěbǔ ó. É má nyí mɔ̌ ǎ ɔ́, mi táá kú. Sɛ́n tɛgbɛ tɔn ɖé wɛ é ná nyí nú kúnkan mitɔn lɛ́ɛ,

Amɔ́si 2:11

Un bló bɔ gbeyíɖɔ ce lɛ́ɛ lɛ́ tɔ́n ɖo vǐ súnnu mitɔn lɛ́ɛ mɛ, bɔ un lɛ́ ylɔ́ dɔ̌nkpɛvú ɖé lɛ́ɛ ɖo dɔ̌nkpɛvú mitɔn lɛ́ɛ mɛ, bɔ yě dó akpá dó sɔ́ yěɖée kɛ mì . Nǔ e nyɛ Mawu Mavɔmavɔ kanbyɔ́ ɔ́ nɛ́. Izlayɛ́linu lɛ́ɛ mi! Nǔ nyí mɔ̌ ǎ cé?

Amɔ́si 2:12

Lo ɔ́, yě mɛ énɛ́ lɛ́ɛ e dó akpá, dó sɔ́ yěɖée kɛ mì, bó má ɖó ná nu vɛ̌ɛn ǎ lɛ́ɛ ɔ́, mi ná vɛ̌ɛn yě bɔ yě nu; mi gbɛ́ nú gbeyíɖɔ lɛ́ɛ ɖɔ yě nǐ ma sɔ́ yí wɛn ce ɖě bó yi dó ó.

Kɛ́nsísɔ́ 6:4

Nú akpá e é dó ɔ́ kpo ɖo te ɔ́, é ɖó ná ɖu nǔ e tɔ́n sín vǐwuntín wú ɔ́ ɖě ǎ, bɛ́ sín kwín tɔn jí, káká yi fló tɔn jí.

Luki 1:15

Đó é ná nyí gbɛtɔ́ nukúnɖéjí ɖokpó ɖo Aklúnɔ nukún mɛ. Vɛ̌ɛn kpódó ahan syɛ́nsyɛ́n kpó ɖěbǔ ná jɛ nu tɔn ǎ. Yɛsinsɛn ná kó gɔ́ ayi mɛ n'i sín nɔ tɔn xomɛ.

Luki 21:34

“Mi bo cɔ́ miɖée, bónú nǔ ɖu díngan, ahan nu díngan, kpódó gbɛmɛ tagba lɛ́ɛ kpán má wá cyɔ́n ayi mitɔn jí, lobo nú azǎn énɛ́ ɔ́ wá fyán mi ó;

Efɛ́zinu 5:18

Mi ma nu ahan mú ó; ahan nu díngan wɛ nɔ zɔ́n bɔ gbɛ mɛtɔn nɔ gblé; lo ɔ́, Yɛsinsɛn ní gɔ́ ayi mitɔn mɛ.

1 Tɛsalonikinu 5:22

Mi nɔ́ cɔ́ miɖée dó nǔ nyanya alɔkpa alɔkpa bǐ wú.

1 Timɔtée 5:23

Đó xomɛzɔn e a nɔ jɛ hwɛhwɛ ɔ́ wú ɔ́, ma sɔ́ nɔ nu sin kɛ́ɖɛ́ ó; nɔ nu vɛ̌ɛn kpɛɖé kpɛɖé, ɖó xomɛzɔn towe wú, ɖó a nɔ jɛ azɔn hwɛhwɛ.

Eblée 9:10

Đó Mawu sinsɛn gbɔn mɔ̌ ɔ́, nǔɖuɖu kpó ahan nunu kpó, kpódó wǔsláslá sín nǔwiwa tɛnmɛ tɛnmɛ lɛ́ɛ kpó sín sɛ́n kpowun wɛ; tito gbɛtɔ́ tɔn kpowun wɛ, bó wa azɔ̌ káká jɛ hwenu e Mawu vɔ́ nǔ lɛ́ɛ bǐ to dó é.

Hwɛɖɔtɔ́ 13:14

vǐwuntín sínsɛ́n ɖě ná jɛ nu tɔn ǎ, é ná nu vɛ̌ɛn ǎ; é ná nu ahan syɛ́nsyɛ́n ǎ; é ná ɖu nǔɖuɖu e nyí su é ɖěbǔ ǎ. É ní nyi sɛ́n e un dó n'i lɛ́ɛ ganjí.”

Hwɛɖɔtɔ́ 13:4

Bɛ́ sín din ɔ́, ma sɔ́ nɔ́ nu vɛ̌ɛn ɖě abǐ ahan syɛ́nsyɛ́n ɖěbǔ ó; ma ka ɖu nǔɖuɖu e nyí su é ɖěbǔ ó,