Kɛ́nsísɔ́ 6:27 - MAWUXÓWÉMA

²⁷ Hwenu e vɔ̌sánú-xwlémawutɔ́ lɛ́ɛ ná ylɔ́ nyǐkɔ ce, bó dó xo ɖɛ dó Izlayɛ́li ví lɛ́ɛ jí gbɔn mɔ̌ ɔ́, nyɛ ɖésúnɔ ná xo ɖɛ dó yě jí.

Kɛ́nsísɔ́ 6:27 Iomraidhean Croise

Bǐbɛ́mɛ 32:26

Ée nya ɔ́ mɔ ɖɔ émí kún kpé Jakɔ́bu wú ó ɔ́, é dó nǔ alinmɛ nú Jakɔ́bu, bɔ alin tɔn sɛ.

Bǐbɛ́mɛ 32:29

Nya ɔ́ ɖɔ n'i ɖɔ: “È sɔ́ ná nɔ́ ylɔ́ we ɖɔ Jakɔ́bu ǎ; bɛ́ sín din ɔ́, Izlayɛ́li wɛ è nǎ nɔ́ ylɔ́ we ɖɔ, ɖó a dǒ alɔ xá Mawu, bó dó alɔ xá gbɛtɔ́ lɛ́ɛ bó ɖu ɖ'é jí.”

2 Samuwɛ́li 7:23

Mɔ̌ ɖokpó ɔ́, togun ɖé ɖo ayǐkúngban ɔ́ jí, bó cí togun towe Izlayɛ́li ɖɔhun ǎ. A wa hwlɛ́n ɛ gán sín tagba e dó n'i wɛ Ejípunu lɛ́ɛ kpó vodún yětɔn lɛ́ɛ kpó ɖe é mɛ, bó sɔ́ ɛ dó bló togun towe ná. A blǒ nǔjíwǔ lɛ́ɛ, nǔdábaɖa lɛ́ɛ ɖo to towe mɛ, bo dó sɔ́ ɛ su.

1 Tan 4:10

Yaebɛ́si sú xó ylɔ́ Mawu Izlayɛ́li tɔn ɔ́ bó ɖɔ: “Mawu Izlayɛ́li tɔn, kɔn nyɔ̌ná towe dó jǐ ce, dǒ dɔkun dɔkun jí nú mì. Dlɛ̌n mɛhwlɛ́ngántɔ́lɔ towe dó jǐ ce, bó sɛ nǔ nyanya kpó yajiji kpó dó zɔ nú mì.” Mawu ká ná ɛ nǔ e é byɔ́ ɛ lɛ́ɛ é.

2 Tan 7:14

nú togun ce e wú nyǐkɔ ce ɖe ɔ́ lɛ́ kɔ sín nǔ nyanya e wa wɛ é ɖe lɛ́ɛ gúdo, bó sɔ́ éɖée hwe, bó xo ɖɛ, bó ba mì ɔ́, un ná nɔ jǐxwé dɔ̌n, bó ná ɖótó e; un ná sɔ́ hwɛ tɔn lɛ́ɛ kɛ ɛ, bó ná ɖó nǔ e ɖo jijɛ wɛ ɖo to tɔn mɛ ɔ́ bǐ te.

Ɖɛhan 5:12

Lo ɔ́, mɛ e hɔn wá su we lɛ́ɛ bǐ ná nɔ́ j'awǎ, xomɛ ná nɔ́ ɖo yě hun wɛ tɛgbɛ, a nǎ nɔ́ cyɔ́n alɔ yě jí. Mɛ e yí wǎn nú nyǐkɔ towe lɛ́ɛ ná nɔ́ hun xomɛ ɖó hwi wú.

Ɖɛhan 67:7

Ayǐkúngban ná jinukún tɔn lɛ́ɛ, Mawu dó nú mǐ, Mawu mǐtɔn dó nú mǐ.

Tíntɔ́n 6:3

Un tɔ́n dó Ablaxámu kpó Izáki kpó Jakɔ́bu kpó jí, bó ɖe xlɛ́ yě ɖɔ un nyí Mawu Nǔbǐwúkpétɔ́. Amɔ̌, un ka ɖe xlɛ́ yě ɖɔ un nɔ lɛ́ nyí Mawu Mavɔmavɔ ǎ.

Ezayíi 43:7

Mi kplá mɛ e wú nyǐkɔ ce ɖe lɛ́ɛ bǐ wá; mi kplá mɛ e un ɖó lɛ́ɛ bǐ wá, mi kplá mɛ e un bló lɛ́ɛ bǐ wá, Mi kplá yě wá bónú yě ná nɔ kpa susu nú mì.”

Jelemíi 14:9

Étɛ́wú a nǎ cí mɛ ma kpé nǔɖé wú ɖɔhun? Étɛ́wú a nǎ cí mɛ e è ylɔ́ ɖɔ nǔsúɖaxó, bɔ é má ká kpé nǔɖé wǔ bó ná hwlɛ́n mɛ gán ǎ é ɖɔhun? Mawu Mavɔmavɔ, a ka ɖo tɛ́ntin mǐtɔn sín! Towe wɛ mǐ nyí hǔn! Bo ma jó mǐ dó ó.”

Kɛ́nsísɔ́ 23:20

Mawu Mavɔmavɔ wɛ ná gbe mì ɖɔ má xo ɖɛ dó togun ɔ́ jí. Mawu Mavɔmavɔ wɛ xo ɖɛ dó togun ɔ́ jí. Un sixú ɖyɔ́ nǔ ɖěbǔ ɖ'é mɛ ǎ.

Matíe 28:19

Hǔn, mi yi bó kplɔ́n nǔ akɔta lɛ́ɛ bǐ, bónú yě ní húzú ahwanvú ce. Mi ylɔ́ Tɔ́ ɔ́, Vǐ ɔ́, kpódó Yɛsinsɛn ɔ́ kpó sín nyǐkɔ dó lɛ yɛhwesin nú yě.

Efɛ́zinu 1:3

Mi nú mǐ ná dó kú nú Mawu Aklúnɔ mǐtɔn Jezu Klísu sín Tɔ́, ɖó é ná nyɔ̌ná Yɛsinsɛn tɔn tɛnmɛ tɛnmɛ lɛ́ɛ bǐ mǐ, bó dó xo ɖɛ dó mǐ jí, ɖo bǔ e mǐ ɖe xá Klísu ɖo yɛswímɛ ɔ́ mɛ.

Sɛ́nflínmɛ 28:10

Togun e ɖo gbɛ ɔ́ mɛ lɛ́ɛ bǐ ná mɔ ɖɔ Mawu Mavɔmavɔ tɔn wɛ mi nyí, bó ná nɔ́ ɖi xɛsi nú mi.