Kɛ́nsísɔ́ 6:26 - MAWUXÓWÉMA

²⁶ Mawu Mavɔmavɔ ní ɖe xomɛnyínyɔ́ tɔn xlɛ́ mi, bó ná fífá tɔn mi.”

Kɛ́nsísɔ́ 6:26 Iomraidhean Croise

Ɖɛhan 29:11

Mawu Mavɔmavɔ ná ná hlɔ̌nhlɔ́n togun tɔn; Mawu Mavɔmavɔ ná xo ɖɛ dó jǐ tɔn bɔ é ná vo.

Ɖɛhan 37:37

Kpɔ́n gbɛtɔ́ e xo tɔn mɛ ɖo wɛn é, kpɔ́n gbɛtɔ́ ayijlɔ́jlɔ́nɔ, a nǎ mɔ ɖɔ gbɛtɔ́ mɔ̌hun nɔ́ ɖó donu.

Ɖɛhan 4:6

Mi sá vɔ̌ lě e sɛ́n ɔ́ zɔ́n gbɔn é, bó ɖeji dó Mawu Mavɔmavɔ wú.

Ɖɛhan 42:5

Un ka nɔ wá flín nǔɖé bɔ nǔɖé nɔ́ bló mì. Un nɔ flín hwenu e un nɔ ɖo togun towe nu xwe xwé towe gbe bɔ mǐ nɔ́ ɖo xwe ɖu wɛ é: un nɔ ɖo yiyi wɛ kpó ahwan wɔ̌buwɔ́bú ɖé kpó, bɔ mǐ nɔ́ ɖo awǎjijɛ kpó kú dó nú Mawu kpó sín han lɛ́ɛ ji wɛ.

Ɖɛhan 44:3

A sɔ́ hlɔ̌nhlɔ́n towe dó nya akɔta ɖě lɛ́ɛ, bó sɔ́ tɔ́ mǐtɔn lɛ́ɛ ɖó tɛn yětɔn mɛ. A dǒ ya nú togun ɖě lɛ́ɛ, bó dó ná tɛnmɛ yě.

Ɖɛhan 89:15

Hwɛjijɔ kpó nǔjlɔ́jlɔ́wiwa kpó jí wɛ axɔ́súzinkpo towe jínjɔ́n. Xomɛnyínyɔ́ kpó gbejíninɔ kpó wɛ nɔ zɔn xá we.

Ezayíi 26:12

Mawu Mavɔmavɔ, a nǎ ayi jɛ ayǐ mǐ, ɖó mǐ sɔ́ nǔ ɖěbǔ bó ná bló ɔ́, hwi wɛ nɔ bló nú mǐ.

Ezayíi 26:3

Mawu, mɛ e ɖeji dó wǔ we kpó ayi tɔn bǐ kpó, bó má nɔ́ húzú ǎ ɔ́, a nɔ ná ɛ ayi jɛ ayǐ.

Ezayíi 57:19

Un ná sɔ́ awǎjijɛ han dó nu nú yě.” Mawu Mavɔmavɔ ɖɔ: “Fífá ní tíin nú mɛ e ɖo zɔ nú mì lɛ́ɛ, fífá ní tíin nú mɛ e sɛkpɔ́ mì lɛ́ɛ. Nǔgbó wɛ, un ná gbɔ azɔn nú togun ce.”

Micée 5:5

Ahwanfunfun yětɔn ná zɔ́n bɔ yě ná kpa acɛ nú Asilíi, Nɛmulɔ́di sín to ɔ́. Yě ná hwlɛ́n mǐ gán sín Asilíinu lɛ́ɛ lɔ mɛ, hwenu e yě ná dó asá dogbó mǐtɔn, bó byɔ́ to mǐtɔn mɛ é.

Luki 2:14

“Susu nú Mawu ɖo jǐxwé, fífá ní tíin ɖo ayǐkúngban jí nú gbɛtɔ́ e sín nǔ nyɔ́ Mawu nukún mɛ lɛ́ɛ!”

Jǎan 14:27

“Fífá wɛ un jó dó nú mi; fífá ce wɛ un ná mi. Un ná mi lě e gbɛ ɔ́ nɔ ná mɛ gbɔn ɔ́ ǎ; ado ma hu mi ó; xɛsi ma ɖi mi ó.

Jǎan 16:33

Un ɖɔ nǔ énɛ́ lɛ́ɛ nú mi, bónú mi ná ɖó vivo ɖo nyɛ mɛ. Mi ná mɔ wǔvɛ́ ɖo gbɛ ɔ́ mɛ; lo ɔ́, mi kpan akɔ́n, ɖó un ko ɖu ɖo gbɛ ɔ́ jí.”

Jǎan 20:21

Jezu lɛ́ vɔ́ ɖɔ nú yě ɖɔ: “Fífá ní nɔ kpɔ́ xá mi. Lě e Tɔ́ ɔ́ sɛ́ mì dó ɔ́, nyi lɔ sɛ́ mi dó.”

Jǎan 20:26

Azǎn tɔn tántɔngɔ́ ɔ́ gbe ɔ́, ahwanvú Jezu tɔn lɛ́ɛ ko lɛ́ sú hɔn dó ta, ɖo fí ɖokpó ɔ́, bɔ Tɔmáa ɖo yě mɛ gbe énɛ́ gbe. Hɔn ɔ́ ɖo súsú có Jezu wá nɔ te ɖo tɛ́ntin yětɔn, bó ɖɔ: “Fífá ní nɔ kpɔ́ xá mi.”

Mɛsɛ́dó 10:36

Mi tunwun xó e Mawu ɖɔ sɛ́ dó Izlayɛ́li ví lɛ́ɛ, bó dó Wɛn Ɖagbe e nɔ ná fífá mɛ ɔ́ yě gbɔn Jezu Klísu e nyí mɛ bǐ sín Aklúnɔ ɔ́ jí é.

Mɛsɛ́dó 2:28

A xlɛ́ gbɛli lɛ́ɛ mì, lobɔ kpɔ́nɔxámɛ towe nɔ dó xomɛhunhun nú mì.’ ”

Hlɔ̌manu 15:13

Mawu e gɔ́n nukúnɖíɖó nɔ gosín ɔ́, ní bló bónú awǎjijɛ e nǔ bǐ vɔ ɖ'é wú ɔ́ kpódó fífá e nǔ bǐ vɔ ɖ'é wú ɔ́ kpó ní gɔ́ ayi mɛ nú mi gbɔn nǔɖiɖi e mi ɖó n'i ɔ́ jí, bónú nukúnɖíɖó mitɔn ná túnflá gbɔn Yɛsinsɛn sín hlɔ̌nhlɔ́n jí.

Hlɔ̌manu 15:33

Mawu e nɔ ná fífá mɛ ɔ́ ní nɔ kpɔ́ xá mi bǐ! Amǐ!

Hlɔ̌manu 5:1

Hǔn, ée Mawu sɔ́ mǐ dó húzú hwɛjijɔnɔ gbɔn nǔɖiɖi gbla mɛ ɔ́, fífá ɖo mǐ kpo Mawu kpo tɛ́ntin, gbɔn Aklúnɔ mǐtɔn Jezu Klísu sín nǔwiwa lɛ́ɛ gbla mɛ.

Efɛ́zinu 6:23

Mawu Tɔ́ ɔ́ kpódó Aklúnɔ Jezu Klísu kpó ní ná fífá kpódó wǎn yíyí kpó, kpódó nǔɖiɖi kpó nɔví ɖo Klísu mɛ lɛ́ɛ bǐ.

Filípunu 4:7

Énɛ́ ɔ́, fífá Mawu tɔn e hú gǎn nukúnnú-mɔjɛnǔmɛ gbɛtɔ́ tɔn bǐ ɔ́ ná bló ayixa mitɔn kpódó linlin mitɔn lɛ́ɛ kpó ɖó, bɔ mi ná sixú nɔ bǔ ɖo Klísu Jezu mɛ.

2 Tɛsalonikinu 3:16

Aklúnɔ e nɔ́ ná fífá mɛ ɔ́, é ɖésúnɔ ní ná fífá mi hwebǐnu, gbɔn alɔkpa bǐ mɛ. Aklúnɔ ní nɔ kpɔ́ xá mi bǐ.