Kɛ́nsísɔ́ 6:23 - MAWUXÓWÉMA

²³ é ní ɖɔ nú Aalɔ́ɔn kpódó vǐ tɔn súnnu lɛ́ɛ kpó ɖɔ nú yě jló ná xo ɖɛ dó Izlayɛ́li ví lɛ́ɛ jí ɔ́, yě ná nɔ́ ɖɔ:

Kɛ́nsísɔ́ 6:23 Iomraidhean Croise

Bǐbɛ́mɛ 24:60

Yě xo ɖɛ dó Hlebeka jí bó ɖɔ: “Hwi nɔví mǐtɔn ɔ́ ní húzú gbɛtɔ́ wɔ̌buwɔ́bú sín nɔ. Kúnkan towe lɛ́ɛ ní ɖu ɖo mɛ e gbɛ́ wǎn nú we lɛ́ɛ jí.”

Bǐbɛ́mɛ 47:10

Ée Jakɔ́bu ɖɔ mɔ̌ ɔ́, é lɛ́ xo ɖɛ dó axɔ́sú ɔ́ jí, lobo tɔ́n sín hɔn ɔ́ mɛ.

Bǐbɛ́mɛ 47:7

Jozɛ́fu kplá tɔ́ tɔn yi xlɛ́ axɔ́sú ɔ́, bɔ Jakɔ́bu xo ɖɛ dó axɔ́sú ɔ́ jí.

Bǐbɛ́mɛ 48:20

Jakɔ́bu xo ɖɛ dó yě jí gbe énɛ́ ɔ́ gbe bó ɖɔ: “Hwi jí wɛ Izlayɛ́li ví lɛ́ɛ ná nɔ́ xo ɖɛ dó mɛ jí gbɔn, bó ná nɔ́ ɖɔ: ‘Mawu ní bló bónú a nǐ cí Eflayímu kpó Manasée kpó ɖɔhun.’ ” Lě e Jakɔ́bu sɔ́ Eflayímu ɖó nukɔn nú Manasée gbɔn é nɛ́.

1 Axɔ́sú 8:55

É nɔ te bo zé gbe dó jǐ, bó xo ɖɛ dó kplékplé Izlayɛ́li tɔn ɔ́ bǐ jí ɖɔ:

1 Tan 23:13

Amulámu ví súnnu lɛ́ɛ ɖíe: Aalɔ́ɔn kpó Mɔyízi kpó. È ɖe Aalɔ́ɔn ɖó vo, bɔ é ná nɔ́ wa azɔ̌ ɖo Tɛn mímɛ́ bǐ ɔ́ mɛ, é kpó vǐ tɔn súnnu lɛ́ɛ kpó káká sɔ́yi. Yě wɛ ná nɔ́ dó zǎlínkpɔ́n zo nú Mawu Mavɔmavɔ, bó ná nɔ́ wa azɔ̌ nú Mawu Mavɔmavɔ, lobo ná nɔ́ xo ɖɛ dó mɛ jí ɖo Mawu Mavɔmavɔ nyǐkɔ mɛ.

2 Tan 30:27

Ée yě ɖu xwe ɔ́ fó ɔ́, vɔ̌sánú-xwlémawutɔ́ Levíi ví lɛ́ɛ sí te bó xo ɖɛ dó togun ɔ́ jí. Mawu ɖótó yě, bɔ ɖɛ yětɔn hun káká yi sɛ́xwé, nɔtɛn mímɛ́ Mawu tɔn ɔ́.

Tíntɔ́n 39:43

Mɔyízi kpɔ́n azɔ̌ e yě wa lɛ́ɛ bǐ bó mɔ ɖɔ yě bló nǔ lɛ́ɛ bǐ lě e Mawu Mavɔmavɔ ɖɔ gbɔn é. Énɛ́ ɔ́, é xo ɖɛ dó yě jí.

Kɛ́nsísɔ́ 6:22

Mawu Mavɔmavɔ ɖɔ nú Mɔyízi ɖɔ

Hlɔ̌manu 1:7

Un ɖo wěma élɔ́ wlán sɛ́ dó mi mɛ e ɖo Hlɔ̌ma lɛ́ɛ wɛ; mi mɛ e Mawu yí wǎn ná, bó ylɔ́ mi, bó ɖe mi ɖó vo, bɔ mi ná nyí togun tɔn é bǐ. Mawu Tɔ́ mǐtɔn kpódó Aklúnɔ mǐtɔn Jezu Klísu kpó ní ná fɛ́nú kpódó fífá kpó mi.

1 Kɔlɛ́ntinu 1:3

Mawu Tɔ́ mǐtɔn ɔ́ kpódó Aklúnɔ Jezu Klísu kpán ní ná fɛ́nú kpódó fífá kpó mi.

Sɛ́nflínmɛ 10:8

Hwenɛ́nu ɔ́, Mawu Mavɔmavɔ ɖe akɔta Levíi tɔn ɔ́ ɖó vo, bó zé azɔ̌ élɔ́ lɛ́ɛ dó así nú yě: yě ná nɔ hɛn akɔjijɛgbá Mawu Mavɔmavɔ tɔn, yě ná nɔ́ ɖo xwé gbe bó ná nɔ ɖo azɔ̌ tɔn wa wɛ hwebǐnu, yě ná nɔ́ xo ɖɛ dó mɛ jí, ɖo Mawu Mavɔmavɔ sín nyǐkɔ mɛ. Yě wɛ kpo ɖo azɔ̌ énɛ́ lɛ́ɛ wa wɛ káká jɛ égbé.

Sɛ́nflínmɛ 21:5

Énɛ́ ɔ́, vɔ̌sánú-xwlémawutɔ́ Levíi ví lɛ́ɛ ná wá, ɖó yě wɛ Mawu Mavɔmavɔ sɔ́, bɔ yě ná nɔ́ wa azɔ̌ n'i, bó ná nɔ́ xo ɖɛ dó togun ɔ́ jí ɖo nyǐkɔ tɔn mɛ, bɔ adɔn ɖěbǔ tíin ɔ́, yě ná nɔ́ gbo; nú mɛɖé gblé wǔ mɛɖé ɔ́, yě wɛ ná nɔ́ ɖɔ gbo.

Sɛ́nflínmɛ 33:1

Đɛ e Mɔyízi ɖɛ̌mɛnu Mawu tɔn ɔ́ xo dó Izlayɛ́li ví lɛ́ɛ jí cóbó kú é ɖíe:

Eblée 7:1

Mɛlukisedɛ́ki énɛ́ ɔ́, Salɛ́mu xɔ́sú wɛ é nyí, bó lɛ́ nyí vɔ̌sánú-xwlémawutɔ́ Mawu Ajalɔ̌nlɔn ɔ́ tɔn. Hwenu e Ablaxámu fun ahwan lobo ɖu ɖo axɔ́sú lɛ́ɛ jí, bó lɛ́ kɔ wá xwé ɔ́, Mɛlukisedɛ́ki yi kpé e, bó dó acɛ jǐ tɔn.

Eblée 7:7

Mɛ bǐ tunwun din ɖɔ mɛ e dó acɛ mɛ jí ɔ́ hú gǎn mɛ e jí è dǒ acɛ é; é sɔ́ ɖó xokpɔ́n ǎ.

Jozuwée 8:33

Izlayɛ́li ví lɛ́ɛ bǐ, tomɛxó yětɔn lɛ́ɛ, gǎn yětɔn lɛ́ɛ, kpódó hwɛɖɔtɔ́ yětɔn lɛ́ɛ kpó, kpódó jǒnɔ yětɔn lɛ́ɛ kpó ɖo ɖisí amyɔ nú akɔjijɛgbá ɔ́, ɖo vɔ̌sánú-xwlémawutɔ́ e hɛn akɔjijɛgbá Mawu Mavɔmavɔ tɔn lɛ́ɛ nukɔn. Yě mɛ vlɔ̌ɖówe ɖo Galizímu só ɔ́ kpáxwé, bɔ vlɔ̌ɖówe ɖo Ebalu só ɔ́ kpáxwé. Mɔyízi wɛ ko ɖɔ ɖ'ayǐ ɖɔ è nǐ bló gbɔn mɔ̌, bó xo ɖɛ dó Izlayɛ́li togun ɔ́ jí dó nukɔn.

1 Piyɛ́ɛ 1:2

Mawu Tɔ́ ɔ́ cyán mi, bɔ é sɔgbe xá lě e é ɖésúnɔ ko to gbɔn ɖ'ayǐ é, bɔ mi nyí mɛɖeɖóvo tɔn, gbɔn Yɛ tɔn sín nǔwiwa gbla mɛ, nú mi ná se tónú nú Jezu Klísu, bɔ hun tɔn ná lɛ mi wé. Mawu ní ná fɛ́nú kpó fífá kpó mi ní túnflá.

2 Jǎan 1:3

Mawu Tɔ́ ɔ́ kpódó Jezu Klísu e nyí vǐ tɔn ɔ́ kpó ní ná fɛ́nú kpódó nǔbláwǔkúnúmɛ kpó, kpó fífá kpó mǐ, bónú mǐ ní ɖó nǔ énɛ́ lɛ́ɛ ɖo wǎn yíyí kpódó nǔgbó kpó mɛ.