Kɛ́nsísɔ́ 6:20 - MAWUXÓWÉMA

²⁰ Vɔ̌sánú-xwlémawutɔ́ ɔ́ ná bló lě e è ko nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, bó ná xwlé nǔníná énɛ́ lɛ́ɛ Mawu Mavɔmavɔ. Nǔníná énɛ́ lɛ́ɛ kpódó kanlin ɔ́ sín akɔ́n kpó, kpódó asá tɔn kpó kó nyí nǔ bɔ è ɖe ɖó vo nú vɔ̌sánú-xwlémawutɔ́ ɔ́. Bɛ́ sín hwe énɛ́ ɔ́ nu ɔ́, nya ɔ́ sixú lɛ́ jɛ vɛ̌ɛn nu jí.

Kɛ́nsísɔ́ 6:20 Iomraidhean Croise

Nǔnywɛ́tɔ́xó 9:7

Hǔn, bo ɖu nǔ kpó awǎjijɛ kpó, nu vɛ̌ɛn towe kpó xomɛhunhun kpó. Đó nǔ e wa wɛ a ɖe ɔ́ kó nyɔ́ Mawu nukún mɛ.

Ezayíi 25:6

Mawu Mavɔmavɔ Nǔbǐwúkpétɔ́ ɔ́ ná ylɔ́ agɔ̌ ɖokpó nú togun lɛ́ɛ bǐ ɖo Sinyɔ́ɔ só ta; yě ná ɖu lan ɖagbe ɖagbe lɛ́ɛ, bó ná nu vɛ̌ɛn ɖagbe ɖagbe lɛ́ɛ d'é jí. Lan ɖagbe e bɔ ganjí é wɛ yě ná ɖu, bó ná nu vɛ̌ɛn atata lɛ́ɛ d'é jí.

Ezayíi 35:10

Mɛ e é hwlɛ́n gán lɛ́ɛ ná lɛ́ kɔ wá; Sinyɔ́ɔ wɛ yě ná wá, kpó awǎjijɛ kpó, kpó xósúsú kpó. Awǎjijɛ mavɔ mavɔ ɖé ná ɖo nukún yětɔn ta, xomɛ ná ɖo yě hun wɛ mɔ̌hunkɔtɔn; nǔ linlin kpó azɔn winwɛn kpó bǐ ná vɔ.

Levíi ví 10:15

Izlayɛ́li ví lɛ́ɛ ná bɛ́ akpáxwé énɛ́ lɛ́ɛ wá dó jǒ e è nɔ dó zo lɛ́ɛ jí, bɔ è nǎ bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, bɔ bǐ ná húzú hwi kpó vǐ towe súnnu lɛ́ɛ kpó tɔn káká sɔ́yi lě e Mawu Mavɔmavɔ ɖɔ gbɔn é.”

Levíi ví 23:11

Bɔ é ná bló lě e è nɔ bló gbɔn bó nɔ́ xwlé jinukún nyɛ Mawu Mavɔmavɔ é. Énɛ́ ɔ́, un ná yí jinukún mitɔn. È ɖu gbɔjɛzán ɔ́ nú ayǐ hɔ́n ɔ́ wɛ vɔ̌sánú-xwlémawutɔ́ ɔ́ ná xwlé mì.

Levíi ví 7:30

Mɛ ɔ́ ɖésú wɛ ná hɛn nǔ e è ɖe ɖó vo nú Mawu Mavɔmavɔ, bó ná dó zo ɔ́ wá; hǔn é ná hɛn kanlin ɔ́ sín jǒ kpó akɔ́n tɔn kpó wá, lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́ wɛ è nǎ bló ɖo Mawu Mavɔmavɔ nukɔn.

Levíi ví 7:31

Vɔ̌sánú-xwlémawutɔ́ ɔ́ ná dó jǒ ɔ́ zo ɖo vɔ̌sákpe ɔ́ jí, bɔ akɔ́n ɔ́ ná nyí Aalɔ́ɔn kpó vǐ tɔn súnnu lɛ́ɛ kpó tɔn.

Levíi ví 7:32

Ényí mi sá kɔnɖókpɔ́ vɔ́ mɔ̌ ɔ́, mi ná ná kanlin e è dǒ sá vɔ̌ ɔ́ ná ɔ́ sín asá ɖisí ɔ́ vɔ̌sánú-xwlémawutɔ́ ɔ́.

Levíi ví 7:34

Đó kɔnɖókpɔ́ vɔ́ e Izlayɛ́li ví lɛ́ɛ ná nɔ́ xwlé mì lɛ́ɛ ɔ́, un ná nɔ́ ɖe kanlin e yě dǒ sá vɔ̌ ná ɔ́ sín akɔ́n kpó asá ɔ́ kpó, bó ná vɔ̌sánú-xwlémawutɔ́ Aalɔ́ɔn kpódó vǐ tɔn súnnu lɛ́ɛ kpó, bɔ é nyí sɛ́n tɛgbɛ tɔn ɖé bɔ Izlayɛ́li ví lɛ́ɛ ná nɔ́ nyi.”

Levíi ví 9:21

Aalɔ́ɔn zé kanlin lɛ́ɛ sín akɔ́n lɛ́ɛ kpó asá ɖisíxwé tɔn lɛ́ɛ kpó, bó bló lě e è nɔ bló gbɔn bó nɔ́ xwlé vɔ̌sánú Mawu Mavɔmavɔ ɔ́, lobo xwlé Mawu Mavɔmavɔ.

Zakalíi 10:7

Eflayímunu lɛ́ɛ ná cí ahwanfuntɔ́ syɛ́nsyɛ́n ɖé ɖɔhun. Yě ná j'awǎ mɛ e nu vɛ̌ɛn é ɖɔhun. Vǐ yětɔn lɛ́ɛ mɔ mɔ̌ ɔ́, xomɛ ná hun yě, awǎjijɛ ná gɔ́ ayi mɛ nú yě ɖó nyɛ Mawu Mavɔmavɔ ɔ́ wú.

Zakalíi 9:15

Mawu Mavɔmavɔ Nǔbǐwúkpétɔ́ ɔ́ ná cyɔ́n alɔ jǐ yětɔn. É ná sɛ́ kɛ́njí dó bɔ é ná hu mɛ lɛ́ɛ, bó ná sú kún yětɔn dó. Yě ná ɖu ɖo mɛ e ná fɔ́n gǔ dó yě jí lɛ́ɛ jí. Yě ná kɔn kɛntɔ́ lɛ́ɛ sín hun nyi ayǐ, bɔ é ná sa tɔ vɛ̌ɛn ɖɔhun, abǐ kanlin e è dǒ sá vɔ̌ ná lɛ́ɛ sín hun e gɔ́ basya bó kɔn nyi vɔ̌sákpe ɔ́ sín zwe lɛ́ɛ mɛ é ɖɔhun.

Zakalíi 9:17

To ɔ́ ná nyí to e mɛ nyɔ̌ná kpó ɖɛkpɛnyínyɔ́ kpó ná tíin ɖe é. Jinukún kpó vɛ̌ɛn yɔ̌yɔ́ kpó ná ná hlɔ̌nhlɔ́n dɔ̌nkpɛvú lɛ́ɛ kpódó ɖyɔ̌vǐ lɛ́ɛ kpó.

Kɛ́nsísɔ́ 18:18

Lan yětɔn ná nyí towe lě e akɔ́n lɛ́ɛ kpó asá ɖisíxwé tɔn lɛ́ɛ e yě nǎ xwlé mì lɛ́ɛ ná nyí towe gbɔn é.

Kɛ́nsísɔ́ 5:25

Vɔ̌sánú-xwlémawutɔ́ ɔ́ ná yí mɛɖegba sín nǔ e è nǎ ɔ́ ɖo nyɔ̌nu ɔ́ sí, bó bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, bó ná xwlé e, bó ná zé ɖó vɔ̌sákpe jí.

Kɛ́nsísɔ́ 6:21

“Nǔwiwa e ɖɔ xó dó mɛ e dó akpá, bó sɔ́ éɖée ɖó vo nú Mawu Mavɔmavɔ ɔ́ wú lɛ́ɛ nɛ́. Nǔ e é ɖó ná ná Mawu Mavɔmavɔ ɖo nǔwiwa énɛ́ ɔ́ tamɛ lɛ́ɛ nɛ́. Nú é ɖó nǔ hú mɔ̌ ɔ́, é sixú ná nǔ ɖěvo lɛ́ɛ gɔ́ ná. Amɔ̌, nǔ e sín akpá é dó ɔ́, é ɖó ná ná bǐ, bɔ é ná sɔgbe xá mɛɖée sɔ́ ɖó vo nú Mawu Mavɔmavɔ sín akpá e é dó ɔ́ sín nǔwiwa lɛ́ɛ.”

Matíe 26:29

Má ɖɔ nǔgbó nú mi: sín égbé ɔ́, un sɔ́ ɖo vɛ̌ɛn élɔ́ ɖě ná nu wɛ káká yi jɛ gbe e gbe nyɛ kpódó mi kpó ná lɛ́ wá nu yɔ̌yɔ́ ɔ́ ɖo axɔ́súɖuto Tɔ́ ce tɔn mɛ é ǎ.”

Maki 14:25

Má ɖɔ xó nǔgbó nú mi: un sɔ́ ɖo vɛ̌ɛn ɖě ná nu wɛ káká yi jɛ gbe e gbe un ná nu vɛ̌ɛn yɔ̌yɔ́ ɔ́ ɖo axɔ́súɖuto Mawu tɔn mɛ é ǎ.”

Jǎan 19:30

Ée Jezu nu vɛ̌ɛn sinvɛ́sinvɛ́ ɔ́, é ɖɔ: “Nǔ bǐ fó!” Bó dó kɔ do, bó bɔnu.