Kɛ́nsísɔ́ 6:2 - MAWUXÓWÉMA

² é ní ɖɔ nú Izlayɛ́li ví lɛ́ɛ ɖɔ: “Nú mɛ ɖé dó akpá ɖɔ émí gbɛ́ nǔ bǐ, bó ná sɔ́ émíɖée ɖó vo nú Mawu Mavɔmavɔ, bó ná nɔ́ wa azɔ̌ n'i, lobo ɖe éɖée ɖó vo ɖo mɛ ɖě lɛ́ɛ mɛ ɔ́,

Kɛ́nsísɔ́ 6:2 Iomraidhean Croise

Tíntɔ́n 33:16

Đó nú hwi ɖésú kpó mǐ kpó má zɔn ǎ ɔ́, nɛ̌ wɛ è ka ná tunwun ɖɔ a nǎ fɛ́nú towe nyɛ kpó togun towe kpó gbɔn? Nú a ɖo kpɔ́ xá mǐ ɔ́ wɛ ná ɖe xlɛ́ ɖɔ mǐ gbɔn vo nú togun ɖě lɛ́ɛ e ɖo ayǐkúngban jí lɛ́ɛ.”

Nǔnywɛ́xó 18:1

Gbɛtɔ́ e nɔ́ ɖɔ émí ɖokpó tɔn jɛ́n ná nyɔ́ ɔ́, wǔ wɛ é nɔ́ ɖó zɔ nú mɛ bǐ; è kplɔ́n nǔ i ɔ́, xomɛ wɛ é nɔ́ sin.

Jelemíi 35:6

Lo ɔ́, yě ɖɔ: “Mǐ nɔ nu vɛ̌ɛn ǎ, ɖó tɔ́gbó mǐtɔn Hlekávu ví Yonadávu dó sɛ́n nú mǐ ɖɔ: ‘Mi ná nu vɛ̌ɛn gbeɖé ǎ, vǐ mitɔn lɛ́ɛ lɔ ná nu gbeɖé ǎ.

Levíi ví 20:26

“Mi nyí nyɛ ɖokpónɔ géé tɔn, bó ná nyí mɛ mímɛ́, ɖó nyɛ Mawu Mavɔmavɔ ɔ́, mǐmɛ́ wɛ un nyí. Un ɖe mi ɖó vo nú akɔta ɖě lɛ́ɛ, bónú mi ná nyí ce.

Levíi ví 27:2

é ní ɖɔ nú Izlayɛ́li ví lɛ́ɛ ɖɔ: “Nú mɛɖé dó gbɛtɔ́ sín akpá nú nyɛ Mawu Mavɔmavɔ ɔ́, mɛ ɔ́ sixú ná akwɛ́, bó dó ɖe akpá e é dó ɔ́ ná.

Kɛ́nsísɔ́ 30:3

“Súnnu ɖé dó akpá ɖɔ émí ná xwlé nǔníná ɖé Mawu Mavɔmavɔ, abǐ é xwlé nǔ ɖɔ émí kún ná bló nǔɖé ó ɔ́, é ná bló nǔ e é ɖɔ é; ɖě ná hwe ɖ'é mɛ ǎ.

Kɛ́nsísɔ́ 6:1

Mawu Mavɔmavɔ ɖɔ nú Mɔyízi ɖɔ

Luki 1:15

Đó é ná nyí gbɛtɔ́ nukúnɖéjí ɖokpó ɖo Aklúnɔ nukún mɛ. Vɛ̌ɛn kpódó ahan syɛ́nsyɛ́n kpó ɖěbǔ ná jɛ nu tɔn ǎ. Yɛsinsɛn ná kó gɔ́ ayi mɛ n'i sín nɔ tɔn xomɛ.

Mɛsɛ́dó 18:18

Pɔ́lu lɛ́ nɔ Kɔlɛ́nti xɔ azǎn gěgé; énɛ́ ɔ́ gúdo ɔ́, é jó nɔví ɖo Klísu mɛ lɛ́ɛ dó, bó dó tɔjíhún ɖidó Silíi, bɔ Plisílu kpódó Akilási kpó xwedó e; cóbónú é ka ná ɖidó ɔ́, é xwlɛ́ ɖa ɖo to e è nɔ ylɔ́ ɖɔ Sanklé ɔ́ mɛ, ɖó akpá e é kó dó nú Mawu é wú.

Hlɔ̌manu 1:1

Nyɛ Pɔ́lu mɛsɛntɔ́ Klísu Jezu tɔn e Mawu ylɔ́ bónú ma nyí mɛsɛ́dó ɔ́ wɛ ɖo wěma élɔ́ sɛ́ dó mi wɛ, bó ɖo gbe dó mi wɛ; Mawu wɛ ɖe mì ɖó vo bónú ma jlá Wɛn Ɖagbe tɔn.

2 Kɔlɛ́ntinu 6:16

Étɛ́ sinsɛnxɔ Mawu tɔn sixú kpé xá vodún lɛ́ɛ? Đó sinsɛnxɔ Mawu gbɛɖe ɔ́ tɔn wɛ mǐ nyí, lě e Mawu ko ɖɔ gbɔn é; Mawu ɖɔ: “Un ná nɔ yě mɛ, bó ná ɖi zɔnlin xá yě; un ná nyí Mawu yětɔn, bɔ yě ná nyí togun ce.”

Galatinu 1:15

Lo ɔ́, Mawu ɔ́, ɖo nyɔ̌ná tɔn mɛ ɔ́, é ko sɔ́ mì cóbɔ è wá ji mì, bó ylɔ́ mì, bónú má sɛn ɛ.

Eblée 7:27

É cí vɔ̌sánú-xwlémawutɔ́ ɖaxó ɖě lɛ́ɛ ɖɔhun ǎ: yědɛɛ lɛ́ɛ ɔ́, ayǐhɔ́ngbe ayǐhɔ́ngbe ɔ́, yě nɔ to sá vɔ̌ dó hwɛ e yě ɖésúnɔ hu lɛ́ɛ tamɛ hwɛ̌, có bó nɔ́ wá sá vɔ̌ dó hwɛ e togun ɔ́ hu lɛ́ɛ tamɛ; Jezu ka bló gbɔn mɔ̌ ǎ. Azɔn ɖokpó géé wɛ é sá vɔ̌ hwenu e é sɔ́ éɖée jó é, bɔ xó fó.

Hwɛɖɔtɔ́ 13:14

vǐwuntín sínsɛ́n ɖě ná jɛ nu tɔn ǎ, é ná nu vɛ̌ɛn ǎ; é ná nu ahan syɛ́nsyɛ́n ǎ; é ná ɖu nǔɖuɖu e nyí su é ɖěbǔ ǎ. É ní nyi sɛ́n e un dó n'i lɛ́ɛ ganjí.”

Hwɛɖɔtɔ́ 13:4

Bɛ́ sín din ɔ́, ma sɔ́ nɔ́ nu vɛ̌ɛn ɖě abǐ ahan syɛ́nsyɛ́n ɖěbǔ ó; ma ka ɖu nǔɖuɖu e nyí su é ɖěbǔ ó,

Hwɛɖɔtɔ́ 13:5

ɖó a nǎ mɔ xo bó ná ji vǐ súnnu ɖokpó. Hǎ ná jɛ ta tɔn kpɔ́n gbeɖé ǎ, ɖó vǐ énɛ́ ɔ́, è sɔ́ ɛ ɖó vo nú Mawu sín nɔ tɔn xo mɛ. É wɛ ná jɛ Izlayɛ́li ví lɛ́ɛ hwlɛ́n sín Filisitɛ́ɛn lɛ́ɛ sí jí.”

Hwɛɖɔtɔ́ 16:17

é gbɔ bo ɖɔ xomɛ n'i; é ɖɔ n'i ɖɔ: “È kpa ɖa e ɖo ta ce ɔ́ kpɔ́n gbeɖé ǎ, ɖó è ko sɔ́ mì ɖó vo nú Mawu cóbɔ è ji mì. Ényí è kpa ɖa nú mì ɔ́, un sɔ́ ná ɖó hlɔ̌nhlɔ́n ǎ, bó ná cí gbɛtɔ́ kpaa ɖé ɖɔhun.”

1 Samuwɛ́li 1:28

Din ɔ́, nyɛ lɔ jló ná sɔ́ vǐ ɔ́ ná Mawu Mavɔmavɔ, bɔ é ná nyí étɔn káká sɔ́yi.” Bɔ yě ɖe kɔ́ nú Mawu Mavɔmavɔ.