Kɛ́nsísɔ́ 6:19 - MAWUXÓWÉMA

¹⁹ Vɔ̌sánú-xwlémawutɔ́ ɔ́ ná zé agbo ɔ́ sín abǎ e è ko ɖa ɔ́, bó ná zé wɔ̌xúxú e mɛ è ma dó tɔ́n ǎ é ɖokpó ɖo xasun ɔ́ mɛ, bó ná zé acɔnmɔ e mɛ è ma dó tɔ́n ǎ é ɖokpó; nya ɔ́ xwlɛ́ ta ɔ́, vɔ̌sánú-xwlémawutɔ́ ɔ́ ná bɛ́ nǔ énɛ́ lɛ́ɛ ɖó alɔ tɔn lɛ́ɛ jí.

Kɛ́nsísɔ́ 6:19 Iomraidhean Croise

Levíi ví 7:28

Mawu Mavɔmavɔ ɖɔ nú Mɔyízi ɖɔ,

Levíi ví 7:30

Mɛ ɔ́ ɖésú wɛ ná hɛn nǔ e è ɖe ɖó vo nú Mawu Mavɔmavɔ, bó ná dó zo ɔ́ wá; hǔn é ná hɛn kanlin ɔ́ sín jǒ kpó akɔ́n tɔn kpó wá, lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́ wɛ è nǎ bló ɖo Mawu Mavɔmavɔ nukɔn.

Levíi ví 8:27

Mɔyízi bɛ́ nǔ énɛ́ lɛ́ɛ bǐ dó alɔ mɛ nú Aalɔ́ɔn kpó vǐ tɔn súnnu lɛ́ɛ kpó, bó ɖɔ nú yě ɖɔ yě ní bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, lobo xwlé Mawu Mavɔmavɔ.

Levíi ví 8:31

É ɖɔ nú Aalɔ́ɔn kpó vǐ tɔn súnnu lɛ́ɛ kpó ɖɔ: “Mi ɖa kanlin ɔ́ sín lan ɖo goxɔ ɔ́ nukɔn; fínɛ́ wɛ mi ná ɖu lan tɔn ɖe kpó wɔ̌xúxú e è dǒ sá vɔ̌ ɔ́ ná lɛ́ɛ kpó, lě e Mawu Mavɔmavɔ ko ɖɔ gbɔn é.

Kɛ́nsísɔ́ 6:2

é ní ɖɔ nú Izlayɛ́li ví lɛ́ɛ ɖɔ: “Nú mɛ ɖé dó akpá ɖɔ émí gbɛ́ nǔ bǐ, bó ná sɔ́ émíɖée ɖó vo nú Mawu Mavɔmavɔ, bó ná nɔ́ wa azɔ̌ n'i, lobo ɖe éɖée ɖó vo ɖo mɛ ɖě lɛ́ɛ mɛ ɔ́,

1 Samuwɛ́li 2:15

Ée nylá bǐ ɔ́, cóbónú è nǎ dó jǒ ɔ́ zo ɔ́, mɛsɛntɔ́ vɔ̌sánú-xwlémawutɔ́ ɔ́ tɔn nɔ wá bó nɔ ɖɔ nú mɛ e ɖo vɔ̌ ɔ́ sá wɛ ɔ́ ɖɔ: “Un ná lan nú è nǎ mɛ nú vɔ̌sánú-xwlémawutɔ́ ɔ́; a ná ɛ lan ɖiɖa ɔ́, é ná yí ǎ; lan mú wɛ a nǎ ná ɛ.”