Kɛ́nsísɔ́ 6:15 - MAWUXÓWÉMA

¹⁵ É ná lɛ́ ná wɔ̌xúxú e è sɔ́ ami dó nya linfín tɔn bó má dó tɔ́n mɛ ǎ ɔ́ xasun ɖokpó, bó ná ná acɔnmɔ e mɛ tɔ́n má ɖe ǎ, bɔ è sá ami dó ɔ́ xasun ɖokpó, bó ná ná nǔníná linfín tɔn, kpódó vɛ̌ɛn kpó dó vɔ̌sánú lɛ́ɛ jí.

Kɛ́nsísɔ́ 6:15 Iomraidhean Croise

Tíntɔ́n 29:2

A nǎ lɛ́ zé blěelinfín dó ɖa wɔ̌xúxú e mɛ è ma dó tɔ́n ǎ é ná. A nǎ zé ami dó nya blěelinfín dó ɖa atá e mɛ è ma dó tɔ́n ǎ é. A nǎ zé blěelinfín dó bló acɔnmɔ e mɛ è ma dó tɔ́n ǎ é, bó sá ami dó.

Ezayíi 62:9

Lo ɔ́, mɛ e sɔ́ jinukún lɛ́ɛ wɛ ná ɖu, bó ná kpa susu nú nyɛ Mawu Mavɔmavɔ, bɔ mɛ e ná gbɛ vǐwun lɛ́ɛ ná nu vɛ̌ɛn ɖo xwé ce sín kɔ́xota.”

Jowɛ́li 1:13

Vɔ̌sánú-xwlémawutɔ́ lɛ́ɛ mi, mi sɔ́ nǔwamɛvɔ dó bó ya avǐ. Mi ji gbɛvíhan. Mi azɔ̌watɔ́ Mawu mǐtɔn tɔn lɛ́ɛ mi, mi wá, nǔwamɛvɔ ní ɖo kɔ mitɔn, ɖó è sɔ́ nɔ hɛn jinukún kpó vɛ̌ɛn kpó wá Mawu mitɔn sín xwé gbe ǎ.

Jowɛ́li 1:9

È sɔ́ nɔ hɛn jinukún kpó vɛ̌ɛn kpó wá Mawu Mavɔmavɔ xwé gbe ǎ. Énɛ́ ɔ́ wú wɛ azɔ̌watɔ́ Mawu Mavɔmavɔ tɔn vɔ̌sánú-xwlémawutɔ́ lɛ́ɛ ɖo aluwɛ mɛ.

Jowɛ́li 2:14

Afɔ nyɔ́ ɔ́, é sixú jó nǔ e é kó lin bó ná wa ɖ'ayǐ ɔ́ dó, bó ná nyɔ̌ná mi túnflá. Énɛ́ ɔ́, mi hɛn ɔ́, mi ná hɛn jinukún kpó vɛ̌ɛn kpó wá n'i.

Levíi ví 2:4

“Nú é ká nyí nǔ e è ɖa ɖo myɔkpó mɛ ɔ́ ná ná Mawu Mavɔmavɔ wɛ è ɖe ɔ́, è nǎ zé linfín e mɛ è ma dó tɔ́n ǎ é dó ɖa atá tɔ́n má ɖ'é mɛ, bɔ è zě ami dó nya ná, abǐ acɔnmɔ e mɛ tɔ́n má ɖe ǎ é, bɔ è nǎ sá ami dó.

Levíi ví 7:12

Nú mɛ ɖé ná sá kɔnɖókpɔ́ vɔ́, bó ná dó kpa susu nú Mawu Mavɔmavɔ ɔ́, mɛ ɔ́ ná hɛn wɔ̌xúxú e mɛ è ma dó tɔ́n ǎ, bɔ è zě ami dó nya é, acɔnmɔ e mɛ è ma dó tɔ́n ǎ, bɔ è sá ami dó é, kpódó wɔ̌xúxú e è sɔ́ ami dó nya linfín ná ganjí bó ɖa ɔ́ kpó gɔ́ nú kanlin e ná dó sá kɔnɖókpɔ́ vɔ́ ɔ́ ná wɛ è ɖe é.

Levíi ví 8:2

“Kplá Aalɔ́ɔn kpó vǐ tɔn súnnu lɛ́ɛ kpó, bó hɛn awu lɛ́ɛ, ami e è nɔ ɖó ta nú mɛ é, nyibúsú e è nǎ dǒ sá hwɛsɔ́kɛmɛvɔ́ ná é, agbo we lɛ́ɛ, kpódó xasun e mɛ è bɛ̌ wɔ̌xúxú e mɛ è ma dó tɔ́n ǎ é kpó dó é.

Levíi ví 9:4

Yě ní zé nyibúsú ɖokpó, kpó agbo ɖokpó kpó, nú è nǎ sɔ́ yě dó sá kɔnɖókpɔ́ vɔ́ ná, bó ná xwlé Mawu Mavɔmavɔ; yě ní sɔ́ nǔníná linfín tɔn e è nǎ zé ami dó nya ɔ́ gɔ́ ná. Yě ná bló mɔ̌, ɖó Mawu Mavɔmavɔ ná tɔ́n dó yě jí égbé.”

Kɛ́nsísɔ́ 15:10

bó ná lɛ́ ná vɛ̌ɛn lǐtli atɔn d'é jí. Vɔ̌ e è nɔ dó zo é wɛ, bɔ wǎn tɔn nɔ́ nyɔ́ se nú nyɛ Mawu Mavɔmavɔ.

Kɛ́nsísɔ́ 6:16

Vɔ̌sánú-xwlémawutɔ́ ɔ́ ná bɛ́ nǔníná énɛ́ lɛ́ɛ wá Mawu Mavɔmavɔ nukɔn, bó ná sá hwɛxɔ́súsú vɔ́ ɔ́, kpódó vɔ̌ e è nɔ dó zo ɔ́ kpó.

1 Kɔlɛ́ntinu 10:31

Nǔ ɖu wɛ mi ɖe oo, ahan nu wɛ mi ɖe oo, abǐ nǔ ɖěbǔ wa wɛ mi ɖe hǔn, mi bló bǐ, bó dó sɔ́ Mawu su.

1 Kɔlɛ́ntinu 11:26

Nǔgbó ɔ́, káká jɛ hwenu e Aklúnɔ ná wá dó ɔ́, nú mi ɖo wɔ̌xúxú élɔ́ ɖu wɛ, bó ɖo nunu wɛ ɖo kɔ́fu élɔ́ mɛ hweɖěbǔnu ɔ́, kú e Aklúnɔ kú ɔ́ jlá wɛ mi ɖe.