Kɛ́nsísɔ́ 6:11 - MAWUXÓWÉMA

¹¹ Vɔ̌sánú-xwlémawutɔ́ ɔ́ ná zé xɛ e é hɛn wá lɛ́ɛ ɖokpó xwlé Mawu Mavɔmavɔ, bó dó sá hwɛxɔ́súsúvɔ́ ná, bó ná zé wegɔ́ ɔ́ dó sá vɔ̌ e è nɔ dó zo ɔ́ ná. Énɛ́ ɔ́ gúdo ɔ́, é ná bló lě e è nɔ bló gbɔn, bó nɔ́ slá wǔ nú mɛ ɔ́ nú mɛ ɔ́, bó dó slá wǔ n'i ɖó cyɔ e kú ɖo akpá tɔn ɔ́ wú. Gbe énɛ́ gbe ɖokpó ɔ́ jɛ́n vɔ̌sánú-xwlémawutɔ́ ɔ́ ná ɖɔ ɖɔ nya ɔ́ lɛ́ nyí mɛ e è sɔ́ ɖó vo nú Mawu Mavɔmavɔ é.

Kɛ́nsísɔ́ 6:11 Iomraidhean Croise

Levíi ví 5:7

Mawu Mavɔmavɔ ɖɔ: “Ényí mɛɖé má ɖó akwɛ́ e é ná dó xɔ gbɔ̌ ná ɔ́ ǎ ɔ́, é ná zé xwelé we abǐ ahwannɛ́ wínnyáwínnyá we dó sá vɔ̌ ná nú Mawu Mavɔmavɔ, bɔ é ná nyí hwɛ e é hu ɔ́ sín vɔ̌. É ná zé ɖokpó dó sá hwɛsɔ́kɛmɛvɔ́, bó ná zé wegɔ́ ɔ́ dó sá vɔ̌ e è nɔ dó zo ɔ́.

Kɛ́nsísɔ́ 6:12

Énɛ́ ɔ́ gúdo ɔ́, nya ɔ́ ná lɛ́ ná lɛ̌ngbɔ́ví asú e ɖó xwe ɖokpó ɔ́ ɖokpó, bɔ vɔ̌sánú-xwlémawutɔ́ ɔ́ ná dó sá hwɛxɔ́súsúvɔ́ ɔ́ ná, bɔ nya ɔ́ ná dó vɔ́ akpá e é dó, bó sɔ́ éɖée ɖó vo nú Mawu Mavɔmavɔ ɔ́ bɛ́ sín do. Azǎn e é kó bló wá yi lɛ́ɛ sɔ́ ɖ'é mɛ ǎ, ɖó é ɖó akpá e é dó ɔ́ te.