Kɛ́nsísɔ́ 5:9 - MAWUXÓWÉMA

⁹ Nǔ e è nǎ jɔ ɖo nǔ e Izlayɛ́li ví lɛ́ɛ ɖe ɖó vo nú Mawu Mavɔmavɔ ɔ́ jí lɛ́ɛ ɔ́, bǐ ná nyí vɔ̌sánú-xwlémawutɔ́ e nukɔn è zě wá ɔ́ tɔn.

Kɛ́nsísɔ́ 5:9 Iomraidhean Croise

Tíntɔ́n 29:28

Énɛ́ ɔ́ wú wɛ Izlayɛ́li ví lɛ́ɛ ná nɔ́ ɖe akpáxwé énɛ́ lɛ́ɛ ɖo kanlin e yě dó sá kɔnɖókpɔ́ vɔ́ nú mì lɛ́ɛ wú hwebǐnu, bó ná nɔ́ bɛ́ jó nú Aalɔ́ɔn kpódó vǐ tɔn lɛ́ɛ kpó.

Levíi ví 10:13

Tɛn mímɛ́ ɖé mɛ wɛ mi ná ɖu wɔ̌xúxú énɛ́ ɔ́ ɖe: énɛ́ ɔ́ wɛ nyí hwi Aalɔ́ɔn kpó vǐ towe súnnu lɛ́ɛ kpó sín kanta, ɖo vɔ̌sánú e è fyɔ́, bó xwlé Mawu Mavɔmavɔ lɛ́ɛ é mɛ. Mɔ̌ wɛ Mawu Mavɔmavɔ ko ɖɔ nú mì gbɔn.

Levíi ví 10:14

Kanlin e Izlayɛ́li ví lɛ́ɛ zé dó wá sá kɔnɖókpɔ́ vɔ́ ɔ́ ná ɔ́, hwi kpó vǐ towe súnnu kpó nyɔ̌nu kpó ná ɖu akɔ́n tɔn kpó asá tɔn kpó. Mi ná nɔ tɛn mímɛ́ mɛ, bó ná ɖu. Kanta mitɔn wɛ nyí akpáxwé énɛ́ lɛ́ɛ. Lě e è nɔ bló gbɔn bó nɔ́ xwlé vɔ̌sánú Mawu Mavɔmavɔ ɔ́ wɛ yě bló d'é jí.

Levíi ví 10:15

Izlayɛ́li ví lɛ́ɛ ná bɛ́ akpáxwé énɛ́ lɛ́ɛ wá dó jǒ e è nɔ dó zo lɛ́ɛ jí, bɔ è nǎ bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, bɔ bǐ ná húzú hwi kpó vǐ towe súnnu lɛ́ɛ kpó tɔn káká sɔ́yi lě e Mawu Mavɔmavɔ ɖɔ gbɔn é.”

Levíi ví 7:32

Ényí mi sá kɔnɖókpɔ́ vɔ́ mɔ̌ ɔ́, mi ná ná kanlin e è dǒ sá vɔ̌ ɔ́ ná ɔ́ sín asá ɖisí ɔ́ vɔ̌sánú-xwlémawutɔ́ ɔ́.

Levíi ví 7:34

Đó kɔnɖókpɔ́ vɔ́ e Izlayɛ́li ví lɛ́ɛ ná nɔ́ xwlé mì lɛ́ɛ ɔ́, un ná nɔ́ ɖe kanlin e yě dǒ sá vɔ̌ ná ɔ́ sín akɔ́n kpó asá ɔ́ kpó, bó ná vɔ̌sánú-xwlémawutɔ́ Aalɔ́ɔn kpódó vǐ tɔn súnnu lɛ́ɛ kpó, bɔ é nyí sɛ́n tɛgbɛ tɔn ɖé bɔ Izlayɛ́li ví lɛ́ɛ ná nɔ́ nyi.”

Kɛ́nsísɔ́ 18:19

Nǔníná mímɛ́ e Izlayɛ́li ví lɛ́ɛ ná xwlé mì lɛ́ɛ bǐ ɔ́, un ná yě we, bó ná vǐ towe súnnu kpó nyɔ̌nu kpó; sɛ́n ɖé wɛ nyí sɛ́n énɛ́ ɔ́, bó ná nɔ ayǐ káká sɔ́yi. Akɔ ɖé wɛ é nyí bɔ un jɛ xá hwi kpó kúnkan towe lɛ́ɛ kpó; è ɖǒ nǎ gba gbeɖé ǎ.”

Kɛ́nsísɔ́ 31:41

Mɔyízi bɛ́ nǔjɔ énɛ́ lɛ́ɛ nú vɔ̌sánú-xwlémawutɔ́ Eleazáa, bɔ yě nyí nǔníná ɖé nú Mawu Mavɔmavɔ, lě e Mawu Mavɔmavɔ ko ɖɔ n'i gbɔn é.

Kɛ́nsísɔ́ 5:8

Nú mɛ e tɔn nǔ ɔ́ nyí ɔ́ má sɔ́ ɖe ǎ, bɔ mɛ tɔn e sɛkpɔ́ ɛ ɔ́ ɖěbǔ má ɖe bɔ è nǎ sɔ́ nǔ ɔ́ jó n'i ǎ ɔ́, è nǎ sɔ́ nǔ ɔ́ jó nú Mawu Mavɔmavɔ. É wɛ nyí ɖɔ è nǎ sɔ́ jó nú vɔ̌sánú-xwlémawutɔ́. Mɛ e hu hwɛ ɔ́ ná lɛ́ ná agbo ɖokpó, bɔ è nǎ dó sá hwɛxɔ́súsú vɔ́ ná; vɔ̌sánú-xwlémawutɔ́ ɔ́ ná bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, bó ná sá vɔ̌ e nɔ́ súnsún hwɛ ɔ́ dó ta tɔn mɛ.

Sɛ́nflínmɛ 12:26

“Amɔ̌, kanlin e mi sɔ́ ɖó vo nú Mawu Mavɔmavɔ lɛ́ɛ abǐ kanlin e mi sɔ́ bó ná dó ɖe akpá e mi dó lɛ́ɛ ná ɔ́, kanlin énɛ́ lɛ́ɛ ɔ́, mi ná hɛn wá fí e Mawu Mavɔmavɔ na sɔ́ bó ná ɖe susu tɔn xlɛ́ ɖe é.