Kɛ́nsísɔ́ 5:3 - MAWUXÓWÉMA

³ Nú mɛ ɔ́ na bo nyí súnnu abǐ nyɔ̌nu ɔ́, mi ɖó ná ɖe e tɔ́n sín agun ɔ́ mɛ, bónú é má wá hɛn fí e mi ɖó gɔnu ɖó ɔ́ hɛn blí ó, ɖó un ɖo tɛ́ntin mitɔn.”

Kɛ́nsísɔ́ 5:3 Iomraidhean Croise

1 Axɔ́sú 7:3

Azakpo kanɖé atɔ́ɔ́n (45) wɛ, bɔ è to afɔtɔn afɔtɔn ɖó hǎ atɔn jí, bó zé dotín dó hɛn ná, bó wá to sɛ́dlu xwlɛ gbɔn azakpo lɛ́ɛ jí, dó sú aza nú xɔ ɔ́.

Ɖɛhan 68:18

Ahwankɛkɛ́ Mawu tɔn lɛ́ɛ sukpɔ́ lóóo! Afatɔ́n (1.000) afatɔ́n wɛ è nɔ xa. Aklúnɔ kpó ahwankɛkɛ́ tɔn lɛ́ɛ kpó wá, Sinayíi só ɔ́ ɖo tɛn mímɛ́ ɔ́ mɛ.

Tíntɔ́n 25:8

Yě ná bló goxɔ ɖokpó nú mì, bɔ un ná nɔ yě mɛ.

Tíntɔ́n 29:45

Un ná nɔ Izlayɛ́li ví lɛ́ɛ tɛ́ntin, bó ná nyí Mawu yětɔn.

Ezayíi 12:6

Sinyɔ́ɔnu lɛ́ɛ mi, mi ɖe awǎjijɛ mitɔn xlɛ́! Mi sú xó kpó xomɛhunhun kpó, ɖó mɛ e ɖo gɔ̌n mitɔn ɔ́, Mawu mímɛ́ Izlayɛ́li tɔn ɔ́, nǔ ɖaxó wɛ.

Levíi ví 14:8

Mɛ e slá wǔ ná wɛ è ɖe ɔ́ ná nya avɔ tɔn lɛ́ɛ, bó ná xwlɛ́ fún e ɖo wǔtu tɔn ɔ́ bǐ, bó ná lɛ wǔ, bó húzú mɛ mímɛ́. Énɛ́ ɔ́ gúdo ɔ́, é sixú byɔ́ fí e yě ɖǒ gɔnu ɖó ɔ́. É ká ná byɔ́ goxɔ tɔn mɛ ǎ nú azǎn tɛ́nwe.

Levíi ví 15:31

“Mi ná ɖɔ nú Izlayɛ́li ví lɛ́ɛ ɖɔ nú yě húzú mɛ blíblí hǔn, yě ní nɔ zɔ nú goxɔ ce; nú yě bló mɔ̌ ɔ́, yě ná kú ɖó mɛ blíblí e yě nyí ɔ́ wú ǎ. É wɛ nyí ɖɔ yě ná kú ɖó yě hɛn goxɔ e mɛ un nɔ nɔ ɖo tɛ́ntin yětɔn ɔ́ blí wú ǎ.”

Kɛ́nsísɔ́ 16:3

Yě kplé lɛ́ lɛ̌ dó Mɔyízi kpó Aalɔ́ɔn kpó, bó ɖɔ nú yě ɖɔ: “É kpé mɔ̌ lo! Đó mǐ mɛ e ɖo Izlayɛ́li sín togun ɔ́ mɛ lɛ́ɛ bǐ wɛ nyí Mawu Mavɔmavɔ tɔn, bɔ Mawu Mavɔmavɔ ɖo mǐ bǐ tɛ́ntin. Aniwú wɛ mi nɔ mɔ ɖɔ émí hú gǎn mɛ e ɖo togun Mawu Mavɔmavɔ tɔn mɛ lɛ́ɛ bǐ?”

Kɛ́nsísɔ́ 19:22

Mɛ e nyí mɛ blíblí ɔ́ ɖó alɔ nǔ ɖěbǔ wú ɔ́, nǔ ɔ́ ná nyí nǔ blíblí. Mɛ ɖěbǔ ɖó alɔ mɛ e nyí mɛ blíblí ɔ́ wú ɔ́, mɛ ɔ́ lɔmɔ̌ ná nyí mɛ blíblí káká jɛ gbadanu.”

Kɛ́nsísɔ́ 35:34

Mi ma hɛn to e mɛ mi ná yi nɔ, bɔ nyɛ ɖésúnɔ ná nɔ tɛ́ntin mitɔn ɔ́ blí ó, ɖó nyɛ wɛ nyí Mawu Mavɔmavɔ; nyɛ wɛ nɔ nɔ Izlayɛ́li ví lɛ́ɛ tɛ́ntin.”

Kɛ́nsísɔ́ 5:4

Énɛ́ ɔ́, Izlayɛ́li ví lɛ́ɛ bló ɖó gbeta e Mawu Mavɔmavɔ ɖe tɔ́n nú Mɔyízi ɔ́ jí: yě ɖe mɛ e nyí mɛ blíblí lɛ́ɛ bǐ tɔ́n sín fí e yě ɖó gɔnu ɖó é.

Sɛ́nflínmɛ 23:14

Mɛ ɖokpó ɖokpó ná ɖó nǔɖé, bɔ nú é sɛ yi zɔ ɔ́, é ná nɔ́ dó kun do, bɔ nú é yi afɔ jí ɔ́ kpé ɔ́, é ná zé dó dɔn kɔ́ d'é jí.

Sɛ́nflínmɛ 23:15

Đó Mawu Mavɔmavɔ, Mawu mitɔn ɖésú ná nɔ́ ɖi sa gbɔn fí e mi ɖó gɔnu ɖó é, bó ná hwlɛ́n mi gán ɖo kɛntɔ́ sí, bó ná jó yě nú mi. Hǔn fí e mi ɖe ɔ́ ɖó ná nyí fí mímɛ́ ɖé; é nyɔ́ nú Mawu Mavɔmavɔ, Mawu mitɔn ná mɔ nǔɖé ɖo fínɛ́, bɔ é ná fyɔ́n wǔ n'i, bɔ é ná gɔn fí e mi ɖó gɔnu ɖó é ǎ.

2 Tɛsalonikinu 3:6

Nɔví lɛ́ɛ mi, mǐ ɖo byɔ̌byɔ́ mi wɛ ɖo Aklúnɔ Jezu Klísu sín nyǐkɔ mɛ ɖɔ mi nɔ nɔ zɔ nú nɔví mǐtɔn e nɔ nɔ fɔnlín gbɛ mɛ, bó ma nɔ jló ná wa nǔɖé ǎ, bó ma nɔ xwedó nǔ e mǐ kplɔ́n yě ɔ́ ǎ lɛ́ɛ bǐ.

Titu 3:10

Ényí mɛɖé ɖo kíjá dó mɛ mɛ wɛ hǔn, gbɛ̌ nǔ n'i azɔn nukɔntɔn ɔ́, gbɛ́ n'i azɔn wegɔ́ ɔ́; é kpo ɖ'é wú jɛ́n wɛ hǔn, nɔ zɔ n'i.

Nǔɖexlɛ́mɛ 21:27

Amɔ̌ nǔblíblí ɖěbǔ ná byɔ́ toxo énɛ́ mɛ ǎ; mɛ e nɔ jó éɖée dó nú suɖunú kpó adingban kpó ɔ́, ɖě ná byɔ́ toxo énɛ́ mɛ ǎ. Mɛ e sín nyǐkɔ e è nǎ wlán dó gbɛwéma e nyí Lɛ̌ngbɔ́ví ɔ́ tɔn ɔ́ mɛ lɛ́ɛ kɛ́ɖɛ́ wɛ ná byɔ́ toxo ɔ́ mɛ.

Nǔɖexlɛ́mɛ 21:3

Un se gbe ɖaxó ɖé gosín axɔ́súzinkpo ɔ́ kɔn, bó ɖo ɖiɖɔ wɛ ɖɔ: “Din ɔ́, nɔtɛn Mawu tɔn ɖo gbɛtɔ́ lɛ́ɛ tɛ́ntin! É ná nɔ xá yě, bɔ yě ná nyí togun tɔn. Mawu ɖésúnɔ ná nɔ kpɔ́ xá yě, bó ná nyí Mawu yětɔn.