Kɛ́nsísɔ́ 5:26 - MAWUXÓWÉMA

²⁶ Vɔ̌sánú-xwlémawutɔ́ ɔ́ ná wún nǔníná énɛ́ ɔ́ alɔgogo ɖokpó, bó ná dó zo ɖo vɔ̌sákpe ɔ́ jí, bɔ é ná nyí flǐnnú ɖé nú Mawu Mavɔmavɔ. Énɛ́ ɔ́ gúdo ɔ́, é ná ná sin ɔ́ nyɔ̌nu ɔ́, bɔ é ná nu.

Kɛ́nsísɔ́ 5:26 Iomraidhean Croise

Levíi ví 2:2

bó ná zé wá nú Aalɔ́ɔn sín vǐ súnnu vɔ̌sánú-xwlémawutɔ́ lɛ́ɛ. È nǎ wún linfín e jí è kɔn ami dó ɔ́ alɔgogo ɖokpó, bɔ zǎlínkpɔ́n ɔ́ bǐ ná jɛ jí, bɔ vɔ̌sánú-xwlémawutɔ́ lɛ́ɛ ɖokpó ná dó zo ɖo vɔ̌sákpe ɔ́ jí, bɔ é ná nyí flǐnnú ɖé nú Mawu Mavɔmavɔ. Énɛ́ wɛ nyí vɔ̌ e è nɔ dó zo, bɔ é nɔ́ fyɔ́ bǐ, bɔ wǎn tɔn nɔ́ yi Mawu Mavɔmavɔ gɔ́n, bó nɔ́ nyɔ́ se n'i é.

Levíi ví 2:9

Nǔ e è jlǒ ná xwlé Mawu Mavɔmavɔ bɔ é ná nyí flǐnnú n'i ɔ́, vɔ̌sánú-xwlémawutɔ́ ɔ́ ná ɖe ɖ'é mɛ, bó ná dó zo ɖo vɔ̌sákpe ɔ́ jí. Énɛ́ wɛ nyí vɔ̌ e è nɔ dó zo bɔ é nɔ́ fyɔ́ bǐ, bɔ wǎn tɔn nɔ́ yi Mawu Mavɔmavɔ gɔ́n, bó nɔ́ nyɔ́ se n'i é.

Levíi ví 5:12

É ná zé linfín ɔ́ wá nú vɔ̌sánú-xwlémawutɔ́ ɔ́, bɔ é ná wún alɔgogo ɖokpó, bɔ é ná nyí flǐnnú ɖé nú Mawu Mavɔmavɔ, bɔ vɔ̌sánú-xwlémawutɔ́ ɔ́ ná dó zo ɖo vɔ̌sákpe ɔ́ jí ɖo vɔ̌ ɖě lɛ́ɛ e dó zo wɛ è ɖe lɛ́ɛ jí: hwɛ e é hu ɔ́ sín vɔ̌ wɛ.

Levíi ví 6:15

“Aalɔ́ɔn ví súnnu e è nǎ kɔn ami dó ta ná, bɔ é ná nɔ tɛn tɔn mɛ ɔ́, ná nɔ́ sá vɔ̌ énɛ́. Sɛ́n tɛgbɛ tɔn ɖé wɛ é nyí. Vɔ̌ ɔ́ blěbǔ tɔn wɛ è nǎ dó zo ɖo Mawu Mavɔmavɔ nukɔn.

Kɛ́nsísɔ́ 5:25

Vɔ̌sánú-xwlémawutɔ́ ɔ́ ná yí mɛɖegba sín nǔ e è nǎ ɔ́ ɖo nyɔ̌nu ɔ́ sí, bó bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, bó ná xwlé e, bó ná zé ɖó vɔ̌sákpe jí.