Kɛ́nsísɔ́ 5:25 - MAWUXÓWÉMA

²⁵ Vɔ̌sánú-xwlémawutɔ́ ɔ́ ná yí mɛɖegba sín nǔ e è nǎ ɔ́ ɖo nyɔ̌nu ɔ́ sí, bó bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, bó ná xwlé e, bó ná zé ɖó vɔ̌sákpe jí.

Kɛ́nsísɔ́ 5:25 Iomraidhean Croise

Tíntɔ́n 29:24

A nǎ bɛ́ nǔ énɛ́ lɛ́ɛ bǐ dó Aalɔ́ɔn kpó vǐ tɔn súnnu lɛ́ɛ kpó sín alɔ mɛ, bó ná ɖɔ nú yě ɖɔ yě ní fɔ yě xwlé mì, lě e è nɔ xwlé vɔ̌sánú mì gbɔn é.

Levíi ví 8:27

Mɔyízi bɛ́ nǔ énɛ́ lɛ́ɛ bǐ dó alɔ mɛ nú Aalɔ́ɔn kpó vǐ tɔn súnnu lɛ́ɛ kpó, bó ɖɔ nú yě ɖɔ yě ní bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́, lobo xwlé Mawu Mavɔmavɔ.

Kɛ́nsísɔ́ 5:15

Nú nǔ cí mɔ̌ ɔ́, súnnu ɔ́ ná kplá asi tɔn ɔ́ yi vɔ̌sánú-xwlémawutɔ́ ɔ́ gɔ́n, bó ná ná ɔ́ji sín linfín kilóo atɔn ɖó ta tɔn mɛ; é ná kɔn ami dó linfín ɔ́ jí ǎ, é ká ná hɛn zǎlínkpɔ́n d'é jí ǎ, ɖó nǔvɛdómɛ wú wɛ è nǎ nǔ énɛ́, bó ná dó ɖe nǔ e é wa nyi do ɔ́ gba.

Kɛ́nsísɔ́ 5:18

Nyɔ̌nu ɔ́ ná nɔ te mɔ̌ ɖo Mawu Mavɔmavɔ nukɔn, bɔ vɔ̌sánú-xwlémawutɔ́ ɔ́ ná ɖe avɔ sín ta n'i. Énɛ́ ɔ́ gúdo ɔ́, é ná zé mɛɖegba sín nǔ e è nǎ, ɖó è vɛ nǔ d'é ɔ́ wú ɔ́ dó alɔ mɛ n'i. É ɖésú ná hɛn sin vívɛ́ e nɔ dɔn nyladó wá ɔ́ alɔ mɛ.

Kɛ́nsísɔ́ 5:24

bó ná ná nyɔ̌nu ɔ́, bɔ é ná nu, bɔ sin vívɛ́ énɛ́ ɔ́ ná yi xo tɔn mɛ, bó ná wa nǔ xá ɛ.

Kɛ́nsísɔ́ 5:26

Vɔ̌sánú-xwlémawutɔ́ ɔ́ ná wún nǔníná énɛ́ ɔ́ alɔgogo ɖokpó, bó ná dó zo ɖo vɔ̌sákpe ɔ́ jí, bɔ é ná nyí flǐnnú ɖé nú Mawu Mavɔmavɔ. Énɛ́ ɔ́ gúdo ɔ́, é ná ná sin ɔ́ nyɔ̌nu ɔ́, bɔ é ná nu.